完整藏文原文 · 德格版页 当前仅加载第 63 函德格 155a 版页；藏文 NFD、目录标记与异常页序保留在来源切片中，重复版页行以稳定序号区分。
སྣ་ཚོགས་ཅན་གྱི་འཇིག་རྟེན་གྱི་ཁམས་དེ་ན་གྲོང་ཁྱེར་ཆེན་པོ་བཟང་མཆོག་ཅེས་བྱ་བ་འབྱོར་ཅིང་རྒྱས་ལ་བདེ་བ་དང་། ལོ་ལེགས་པ་དང་། ཉམས་དགའ་བ་དང་། སྐྱེ་བོ་དང་། མི་མང་པོས་གང་བ་ཞིག་ཡོད་དེ། གྲོང་ཁྱེར་དེའི་ཤར་ཕྱོགས་ནས་ནུབ་ཕྱོགས་
D223.063.0155a01.01ཀྱི་ཆུར་ནི་དཔག་ཚད་སུམ་ཅུ་རྩ་གཉིས་ཡོད་དོ། །ལྷོ་ཕྱོགས་ནས་བྱང་ཕྱོགས་ཀྱི་ཞེང་དུ་ནི་དཔག་ཚད་བཅུ་གཉིས་ཡོད་དོ། །མཽད་གལ་གྱི་བུ་གྲོང་ཁྱེར་ཆེན་པོ་བཟང་མཆོག་དེའི་ནང་ན་སེམས་ཅན་ཆེས་མང་བ་དག་གནས་ཀྱི། ཡུལ་ཨང་ག་དང་། མ་ག་དྷཱ་དང་། ཀུ་རུ་འདི་དག་ན་ནི་དེ་ལྟ་མ་
D223.063.0155a02.01ཡིན་ནོ། །མཽད་གལ་གྱི་བུ་དེ་ལྟར་ན་དེ་བཞིན་གཤེགས་པ་མེ་ཏོག་སྣ་ཚོགས་ཅན་ནི་གྲོང་ཁྱེར་ཆེན་པོ་བཟང་མཆོག་ན་གནས་ཤིང་བཞུགས་ཏེ། དེའི་ཆོས་བསྟན་པ་གཅིག་གིས་སེམས་ཅན་ཁྲག་ཁྲིག་ཕྲག་སུམ་ཅུ་ནི་དགྲ་བཅོམ་པ་ཉིད་དུ་བཏུལ་ཏོ། །ཁྲག་ཁྲིག་ཕྲག་སུམ་ཅུ་ནི་ཕྱིར་མི་འོང་བའི་
D223.063.0155a03.01འབྲས་བུ་ལ་བཏུལ་ཏོ། །ཁྲག་ཁྲིག་ཕྲག་སུམ་ཅུ་ནི་ལན་ཅིག་ཕྱིར་འོང་བའི་འབྲས་བུ་ལ་བཏུལ་ཏོ། །ཁྲག་ཁྲིག་ཕྲག་སུམ་ཅུ་ནི་རྒྱུན་དུ་ཞུགས་པའི་འབྲས་བུ་ལ་བཏུལ་ཏོ། །ཁྲག་ཁྲིག་ཕྲག་སུམ་ཅུ་ནི་རང་སངས་རྒྱས་ཀྱི་བྱང་ཆུབ་ཏུ་ཡོངས་སུ་སྨིན་པར་བྱས་སོ། །དེའི་ཉིས་འགྱུར་ནི་
D223.063.0155a04.01བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་དོ། །གཞན་ཡང་སེམས་ཅན་དཔག་ཏུ་མེད་པ་དག་གི་དགེ་བའི་རྩ་བ་ཡོངས་སུ་སྨིན་པར་བྱས་སོ། །མཽད་གལ་གྱི་བུ་གླིང་ཆེན་པོ་བཞི་པའི་འཇིག་རྟེན་གྱི་ཁམས་དེ་ན་སྦྲང་རྩི་འབྱུང་ཞེས་བྱ་བའི་ཤིང་ལྗོན་པ་རྟག་ཏུ་མེ་ཏོག་
D223.063.0155a05.01དང་ལྡན་པ་དང་། རྟག་ཏུ་འབྲས་བུ་དང་ལྡན་པ་དག་ཡོད་དེ། མེ་ཏོག་དང་། འབྲས་བུ་དེ་དག་གི་རོ་ནི་དཔེར་ན་རོ་བརྒྱ་དང་སྦྱར་བའི་འབྲས་ཅན་དང་འདྲ་སྟེ། དེ་ལས་སྐྱེས་པའམ། བུད་མེད་དག་གིས་མེ་ཏོག་གཅིག་གམ། འབྲས་བུ་གཅིག་ཟོས་ན་དེ་ཉིན་མཚན་བདུན་
D223.063.0155a06.01གྱི་བར་དུ་དེས་འཚོ་བར་འགྱུར་ཏེ། སྤྲོ་བ་དང་མདོག་ཀྱང་ཉམས་པར་མི་འགྱུར་ལ། ལུས་གཟི་བྱིན་དང་ཁ་དོག་དང་ལྡན་པར་ཡང་ཉམས་སུ་ཚོར་བར་འགྱུར་བ་དང་། ཟོ་བདོག་ཡང་བར་འགྱུར་རོ། །ཟོས་ནས་ཀྱང་ཕྱི་ས་དང་གཅི་བ་མེད་ལ། ངར་སྣབས་དང་
D223.063.0155a07.01