完整藏文原文 · 德格版页 当前仅加载第 63 函德格 149a 版页；藏文 NFD、目录标记与异常页序保留在来源切片中，重复版页行以稳定序号区分。
མགོན་པོ་ནི། །སྲོག་ཆགས་བྱེ་བ་མང་པོ་དག་ལ་ཆོས་སྟོན་མཐོང་། །དེ་དག་ན་ཡང་བདག་དང་ཤཱ་རིའི་བུ་དང་ནི། །ཉན་ཐོས་གཞན་རྣམས་གང་ལགས་དེ་དག་མཐོང་བར་གྱུར། །ཤཱཀྱ་དག་གི་ནང་དུ་བསོད་སྙོམས་གཤེགས་པ་མཐོང་། །ཡངས་པ་ནས་ནི་
D223.063.0149a01.01སླར་གཤེགས་པ་ཡང་མཐོང་བར་གྱུར། །བཱ་རཱ་ཎ་སཱིར་ཡང་ནི་དེ་བཞིན་མཐོང་བར་གྱུར། །ཐམས་ཅད་དུ་ཡང་བདག་ཉིད་ཀྱི་ནི་ལུས་ཀྱང་མཐོང་། །བྱང་གི་སྒྲ་མི་སྙན་གྱི་གླིང་ན་དེ་བཞིན་དུ། །ཚོགས་དང་ལྷན་ཅིག་བསོད་སྙོམས་དག་ལ་རྒྱུ་བ་མཐོང་། །མ་དྲོས་མཚོ་ཡི་ནང་དག་
D223.063.0149a02.01ན་ཡང་ཉན་ཐོས་བཅས། །བསོད་སྙོམས་ཞལ་ཟས་གསོལ་བ་བདག་གིས་མཐོང་བར་གྱུར། །དེ་བཞིན་ནུབ་ཀྱི་བ་ལང་སྤྱོད་ཀྱི་གླིང་དག་ན། །སེམས་ཅན་བྱེ་བ་ཕྲག་གིས་མང་པོའི་དོན་མཛད་མཐོང་། །ཐམས་ཅད་དུ་ནི་མཽད་གལ་བུ་ཡང་རྫུ་འཕྲུལ་གྱི། །སྟོབས་ཀྱིས་འགྲོ་བ་
D223.063.0149a03.01རྣམས་ནི་འདུལ་བར་བགྱིད་པ་མཐོང་། །དེ་བཞིན་དུ་ཡང་ཤར་གྱི་ལུས་འཕགས་གླིང་དག་ན། །མི་རྣམས་ལ་ནི་ཆོས་རྣམས་སྣ་ཚོགས་སྟོན་པ་མཐོང་། །དེ་ན་ཡང་ནི་བདག་དང་ཤཱ་རིའི་བུ་དག་དང་། །གཞན་ཡང་ཉན་ཐོས་གང་ལགས་དེ་དག་བདག་གིས་མཐོང་། །དེ་བཞིན་ས་བླ་
D223.063.0149a04.01པ་ཡི་ལྷ་ཡི་གནས་རྣམས་དང་། །བར་སྣང་དག་ན་ཆོས་ནི་སྟོན་ཅིང་བཞུགས་པ་མཐོང་། །ཆོས་ཀྱི་མངའ་བདག་དམ་པ་ཁྱོད་ནི་འཇིག་རྟེན་སྐྱོང་། །བཞི་པོ་དག་ལ་ཆོས་རྣམས་སྟོན་ཅིང་བཞུགས་པ་མཐོང་། །དེ་བཞིན་དུ་ཡང་འཐབ་བྲལ་ལྷ་རྣམས་ནང་དུ་མཐོང་། །དེ་ནས་ཤཱཀྱ་སེང་གེ་
D223.063.0149a05.01དགའ་ལྡན་དག་ཏུ་མཐོང་། །རབ་འཕྲུལ་དག་དང་གཞན་འཕྲུལ་དབང་བྱེད་དག་ན་ཡང་། །མགོན་པོ་ཉན་ཐོས་རྣམས་དང་བཅས་པ་བདག་གིས་མཐོང་། །ཚངས་པའི་འཇིག་རྟེན་དག་ན་ཚངས་པ་བྱེ་བ་ལ། །ཆོས་རྣམས་སྟོན་ཅིང་བཞུགས་པ་བདག་གིས་མཐོང་བར་གྱུར། །ཐམས་
D223.063.0149a06.01ཅད་དུ་ཡང་བདག་གི་ལུས་དང་དེ་བཞིན་དུ། །གཞན་ཡང་རྒྱལ་བའི་ཉན་ཐོས་རྣམས་ནི་བདག་གིས་མཐོང་། །གཙུག་ལག་ཁང་དང་འཆགས་ཤིང་གི་གནས་རྣམས་དང་། །ཕུག་རྣམས་གང་ན་སྔོན་ཆད་སངས་རྒྱས་བཞུགས་བཞུགས་པ། །ཐམས་ཅད་དུ་ཡང་ཤཱཀྱ་སེང་གེ་ཅི་འདྲ་བ། །
D223.063.0149a07.01