完整藏文原文 · 德格版页 当前仅加载第 63 函德格 133b 版页；藏文 NFD、目录标记与异常页序保留在来源切片中，重复版页行以稳定序号区分。
གཏན་ཕུན་སུམ་ཚོགས། །ཤེས་རབ་ཀྱི་ནི་ཕ་རོལ་སོན། །སེམས་ཅན་རྣམས་ཀྱང་སྨིན་བྱེད་ལ། །དེ་ནི་དམིགས་པས་གནས་པ་མེད། །ཞིང་ཡང་ཡོངས་སུ་སྦྱོང་བྱེད་ལ། །ལྷག་པར་འཛིན་པའང་ཡོད་མ་ཡིན། །དེ་ནི་སངས་རྒྱས་ཡེ་ཤེས་ཚོལ། །ཡི་གེ་རྣམས་
D223.063.0133b01.01ལའང་ཆགས་པ་མེད། །དེ་ལྟར་སྤྱོད་པ་དེ་ལ་ནི། །བྱང་ཆུབ་རྙེད་པར་དཀའ་བ་མེད། །ཚད་མེད་བསམ་གྱིས་མི་ཁྱབ་པའི། །སྟོང་པ་ཉིད་དང་མཚན་མེད་དང་། །སྨོན་པ་མེད་ལ་མོས་ན་ནི། །དེ་ལ་ཚད་ཀྱང་མེད་པར་འགྱུར། །མོས་པ་ཇི་བཞིན་གཟུད་ཕྱིར་སེམས་ཅན་ལ། །
D223.063.0133b02.01སྦྱིན་པ་སྤྱོད་ཀྱང་དེ་བཞིན་གནས་པ་མེད། །སྦྱིན་པའང་སྦྱིན་བྱེད་ཡང་ན་ལེན་པར་བྱེད། །དེ་དང་འཐུན་པར་ཆོས་ཀྱང་སྤྱོད་པར་བྱེད། །སྦྱིན་པ་བྱས་ཀྱང་དེ་ལ་ཆགས་པ་མེད། །ཚུལ་ཁྲིམས་མཆོག་མིན་བཟོད་ལ་ཆགས་པ་མེད། །བརྩོན་འགྲུས་མཆོག་མིན་བསམ་གཏན་ཆགས་པ་
D223.063.0133b03.01མེད། །ཤེས་རབ་ཡེ་ཤེས་ལ་ནི་སེར་སྣ་མེད། །སྦྱིན་པ་སྦྱིན་ཡང་དེ་ནི་ཚུལ་ཁྲིམས་སྤྱོད། །བཟོད་པ་སྒོམ་ཡང་རྟག་ཏུ་བརྩོན་འགྲུས་ལྡན། །བསམ་གཏན་གྱིས་ནི་རྟག་ཏུ་གནས་པ་མེད། །སྦྱིན་བྱེད་དེ་ནི་ཤེས་པས་ངེས་པར་འབྱུང་། །རང་སངས་རྒྱས་དང་ཉན་ཐོས་དེ་དག་དང་། །རྟག་
D223.063.0133b04.01ཏུ་གནས་ཀྱང་བྱང་ཆུབ་སེམས་དཔའ་ནི། །རྟག་ཏུ་སྙིང་པོ་ཅི་ཡོད་འཚོ་བྱེད་ཀྱང་། །འཇིགས་མེད་དེ་དག་ལ་ནི་འདོད་པ་མེད། །ཆོས་འདི་དག་གིས་གནས་པ་རྫོགས་པ་ཡི། །བྱང་ཆུབ་སེམས་དཔའ་སྨད་དུ་མེད་པ་རྣམས། །ཐབས་ཀྱི་ཤེས་པ་བསམ་གྱིས་མི་ཁྱབ་སྟེ། །དེ་དག་
D223.063.0133b05.01སྦྱིན་པ་ཆུང་ངུའང་མཐའ་ཡས་འགྱུར། །ལྷའི་བུ་བྱང་ཆུབ་སེམས་དཔའ་ཆོས་བཞི་དང་ལྡན་ན་ཆོས་ཐམས་ཅད་ཚུལ་གཅིག་པ་དང་། རོ་གཅིག་པ་དང་། འཇུག་པ་གཅིག་པ་དང་། བསྟན་པ་གཅིག་པར་རབ་ཏུ་ཤེས་སོ། །བཞི་གང་ཞེ་ན། ལྷའི་བུ་འདི་ལ་བྱང་ཆུབ་སེམས་དཔའ་
D223.063.0133b06.01ནི་ཆོས་ཀྱི་དབྱིངས་མ་འདྲེས་པའི་ཤེས་པ་ལ་མཁས་པ་དང་། ཆོས་ཐམས་ཅད་སྟོང་པའི་རྗེས་སུ་འགྲོ་བ་དང་། ཆོས་གང་ལ་ཡང་སྒྲོ་འདོགས་པར་མི་བྱེད་དེ། བདག་ཏུ་སྒྲོ་འདོགས་པའམ། གཞན་དུ་སྒྲོ་འདོགས་པར་མི་བྱེད་པ་དང་། དབེན་པའི་ཚུལ་གྱིས་ཆོས་ཐམས་
D223.063.0133b07.01