完整藏文原文 · 德格版页 当前仅加载第 63 函德格 131b 版页；藏文 NFD、目录标记与异常页序保留在来源切片中，重复版页行以稳定序号区分。
ལུས་ཀྱིས་ནམས་ཀྱང་ཡིད་ནི་མཐོང་མི་འགྱུར། །ཡིད་ཀྱིས་ནམས་ཀྱང་ལུས་ནི་མཐོང་བ་མེད། །འདི་དག་ཕན་ཚུན་འདོགས་པར་མི་བྱེད་དེ། །དེ་ཕྱིར་འདི་དག་རྟག་ཏུ་དབེན་པ་ཡིན། །སྤྱོད་མེད་བྱེད་པ་མེད་ལ་བེམས་པོ་སྟེ། །ཆོས་ཀྱི་དབྱིངས་ལ་རྟག་ཏུ་མཚུངས་ཤིང་མཉམ། །ནང་ཡང་ཕྱི་
D223.063.0131b01.01རོལ་དག་གིས་མི་ཤེས་ལ། །ཕྱི་རོལ་དག་ཀྱང་ནང་གིས་མི་ཤེས་སོ། །དེ་ཕྱིར་ཆོས་རྣམས་འདི་དག་རབ་ཤེས་པ། །རྟག་ཏུ་དེ་ཡི་ཤེས་པ་མཐའ་ཡང་ཡས། །ཕྱོགས་བཅུར་སངས་རྒྱས་བྱེ་བ་ཉན་ཐོས་བཅས། །མཐོང་དུ་ཟིན་ཀྱང་རྟོག་པར་མི་བྱེད་དོ། །ཤེས་རབ་མཐའ་ཡས་ཚུལ་
D223.063.0131b02.01ཁྲིམས་རབ་དག་པ། །དེ་དག་ཆོས་རྣམས་སྟོན་པ་གང་ཡིན་པ། །ལེགས་པར་གསུངས་པ་དེ་དག་ཐམས་ཅད་ཐོས། །བཟུང་ནས་ཀྱང་ནི་ཡང་དག་འཛིན་པར་བྱེད། །དེས་ནི་སེམས་ཅན་ཀུན་གྱི་སེམས་ཀྱང་ཤེས། །རྫུ་འཕྲུལ་གྱིས་ནི་ཞིང་རྣམས་བྱེ་བར་འགྲོ། །བསྐལ་པ་བྱེ་བ་
D223.063.0131b03.01བསམ་གྱིས་མི་ཁྱབ་པ། །གང་གཱའི་བྱེ་སྙེད་སྔོན་གྱི་གནས་ཀྱང་དྲན། །དེ་ཕྱིར་མངོན་ཤེས་ལྔ་པོ་འདི་བསྒོམས་ན། །བདེ་གཤེགས་ཡེ་ཤེས་དང་ཡང་ཉེ་བར་འགྱུར། །མཁས་དེ་རྟག་ཏུ་སངས་རྒྱས་བྱ་བས་གནས། །བྱང་ཆུབ་མ་ཐོབ་པར་ཡང་དོན་བྱེད་འགྱུར། །གང་ཞིག་
D223.063.0131b04.01འདི་འདྲའི་ཆོས་བསྟན་ཐོས་ནས་ཀྱང་། །དགའ་བ་རྒྱ་ཆེན་གཙོ་བོ་སྐྱེ་འགྱུར་བ། །དེ་ལ་བདུད་ཀྱིས་ཚུགས་པར་མི་འགྱུར་ཏེ། །མྱུར་དུ་བྱང་ཆུབ་མཆོག་ཏུ་རྫོགས་འཚང་རྒྱ། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན། བསམ་གྱིས་མི་ཁྱབ་པའི་ཐབས་
D223.063.0131b05.01ཤེས་པ་ལ་མཁས་པ་ཡིན་པར་རིག་པར་བྱའོ། །བཞི་གང་ཞེ་ན། ལྷའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཐབས་ལ་མཁས་པ་ཡིན་ཏེ། དེ་ཇི་ལྟ་ཇི་ལྟར་བདག་ཉིད་སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་ཀྱིས་གནོད་པར་གྱུར་པར་མཐོང་བ་དེ་
D223.063.0131b06.01ལྟ་དེ་ལྟར་སེམས་ཅན་རྣམས་ཀྱི་སྡུག་བསྔལ་ཞི་བར་བྱ་བའི་ཕྱིར་བརྩོན་འགྲུས་རྩོམ་སྟེ། དེས་སེམས་ཅན་ཐམས་ཅད་ཀྱང་བྱང་ཆུབ་ཀྱི་སེམས་ལ་ངེས་པར་འདོགས་ལ་ཆོས་ཐམས་ཅད་ཀྱང་བྱང་ཆུབ་ཀྱི་སེམས་ལ་ངེས་པར་འདོགས་སོ། །དེ་སེམས་ཅན་ཐམས་ཅད་ཀྱི་དུས་གསུམ་དུ་
D223.063.0131b07.01