完整藏文原文 · 德格版页 当前仅加载第 63 函德格 148a 版页；藏文 NFD、目录标记与异常页序保留在来源切片中，重复版页行以稳定序号区分。
ལན་གསུམ་དུ་ཆེད་དུ་བརྗོད་པ་ཆེད་དུ་བརྗོད་དོ། །དེ་ནས་མཽད་གལ་གྱི་བུ་ཆེན་པོ་སངས་རྒྱས་རྣམས་ལ་ཕྱག་འཚལ་ལོ། །སངས་རྒྱས་རྣམས་ལ་ཕྱག་འཚལ་ལོ་ཞེས་ཚིག་ཏུ་སྨྲ་ཞིང་ཁང་{བཟངས་,བཟང་}རྣམ་པར་རྒྱལ་བྱེད་ནས་ཤུགས་ཆེན་པོས་ཡན་ལག་ལྔས་ཕྱག་བྱས་སོ། །དེའི་
D223.063.0148a01.01ཚེ་ཅ་ཅོའི་སྒྲ་ཆེན་པོ་འཇིག་རྟེན་དུ་གྲགས་ཏེ། སུམ་ཅུ་རྩ་གསུམ་པའི་གནས་ཐམས་ཅད་གཡོས་སོ། །དེ་ན་ལྷའི་བུ་འབུམ་ཕྲག་དུ་མ་མི་དགའ་བར་གྱུར་ཏེ། བཅོམ་ལྡན་འདས་ལ་ཞུས་པ། བཅོམ་ལྡན་འདས་རྒྱུ་གང་དང་རྐྱེན་གང་གིས་ཅ་ཅོའི་སྒྲ་ཆེན་པོ་དང་། ས་ཆེན་པོ་གཡོ་བ་འཇིག་
D223.063.0148a02.01རྟེན་དུ་བྱུང་ལགས། དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་ལྷའི་བུ་དེ་དག་ལ་འདི་སྐད་ཅེས་བཀའ་སྩལ་ཏོ། །ལྷའི་བུ་དག་དགེ་སློང་མཽད་གལ་གྱི་བུ་འདི་སངས་རྒྱས་ལ་གཅེས་པར་འཛིན་པའི་ཕྱིར་ས་ཆེན་པོའི་སྟེང་དུ་ཕྱག་བྱས་ཏེ། འདི་ནི་དེའི་མཐུ་ཡིན་ནོ། །
D223.063.0148a03.01གསོལ་པ། བཅོམ་ལྡན་འདས་ཅིའི་སླད་དུ་དགེ་སློང་མཽད་གལ་གྱི་བུ་ཆེན་པོ་ས་ཆེན་པོའི་སྟེང་དུ་ཕྱག་འཚལ་ལགས། བཅོམ་ལྡན་འདས་ཀྱིས་བཀའ་སྩལ་པ། ལྷའི་བུ་དག་དགེ་སློང་མཽད་གལ་གྱི་བུ་དེ་འོང་གིས་དེ་ལ་དྲིས་ཤིག །དེ་ནས་གནས་བརྟན་མཽད་གལ་གྱི་བུ་ཆེན་པོ་ཁང་
D223.063.0148a04.01{བཟངས་,བཟང་}རྣམ་པར་རྒྱལ་བྱེད་ནས་ལངས་ཏེ་ཤིན་ཏུ་མྱུར་བ་དང་། ཤིན་ཏུ་རིངས་པར་བཅོམ་ལྡན་འདས་ག་ལ་བ་དེར་སོང་སྟེ་ཕྱིན་ནས་བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་ཏེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས་བཅོམ་ལྡན་འདས་ཀྱི་སྤྱན་སྔར་འདུག་སྟེ། སོར་
D223.063.0148a05.01མོ་བཅུའི་ཐལ་མོ་སྦྱར་ནས་བཅོམ་ལྡན་འདས་ལ་ཚིགས་སུ་བཅད་པ་དག་གིས་བསྟོད་པ། མགོན་པོ་མཚུངས་མེད་མི་ཡི་དབང་པོ་ཁྱད་པར་བརྙེས། །དྲི་མ་གསུམ་གྱི་ཐ་བ་སྤངས་པ་སེམས་དུལ་བ། །མི་མཆོག་ལྷ་དང་མི་ཡི་མཆོད་པའི་གནས་གྱུར་པ། །རྒྱལ་བའི་བློ་ཡི་སྤྱོད་པ་
D223.063.0148a06.01བསམ་གྱིས་ཡོང་མི་ཁྱབ། །ཉི་མ་འབུམ་ཕྲག་མང་པོ་དག་ནི་ཤར་བ་ན། །སེམས་ཅན་ལོང་བ་ཀུན་གྱིས་མཐོང་བར་མི་འགྱུར་བ། །དེ་བཞིན་སྟོབས་བཅུ་མངའ་བ་ཀུན་ཏུ་འོད་ཟེར་ལྡན། །ཉན་ཐོས་ཀུན་གྱིས་ཤེས་པར་སླ་བར་མ་ལགས་སོ། །ཉན་ཐོས་འདི་དག་ཐམས་ཅད་
D223.063.0148a07.01