完整藏文原文 · 德格版页 当前仅加载第 63 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
སྐད་ཅེས་སྨྲས་སོ། །ལྷའི་བུ་བྱང་ཆུབ་སེམས་དཔའི་བསླབ་པ་ཞེས་བྱ་ན་བྱང་ཆུབ་སེམས་དཔའ་རྣམས་ཀྱི་བསླབ་པ་རྣམས་གང་ཡིན། སྨྲས་པ། ལྷའི་བུ་གང་ལ་ལུས་ཀྱང་མེད། ལུས་ཀྱི་སྡོམ་པ་ཡང་མེད། ངག་ཀྱང་མེད། ངག་གི་སྡོམ་པ་ཡང་མེད། ཡིད་
D223.063.0145a01.01ཀྱང་མེད། ཡིད་ཀྱི་སྡོམ་པ་ཡང་མེད་པ་དེ་ནི་བྱང་ཆུབ་སེམས་དཔའ་རྣམས་ཀྱི་སྡོམ་པའི་མཆོག་ཡིན་ནོ། །གང་ལ་ཡིད་ཀྱང་མེད། འཛིན་པ་ཡང་མེད། སོགས་པ་ཡང་མེད། འབྲི་བ་ཡང་མེད་པ་དེ་ནི་ལྷའི་བུ་བྱང་ཆུབ་སེམས་དཔའ་རྣམས་ཀྱི་བསླབ་པ་ཡིན་ནོ། །དེ་ནས་ལྷའི་བུ་
D223.063.0145a02.01ཟླ་མཆོག་གིས་ལྷའི་བུ་ཟླ་བ་ལ་འདི་སྐད་ཅེས་སྨྲས་སོ། །ལྷའི་བུ་ཁྱོད་བསླབ་པ་འདི་ལ་བསླབས་པས་དེ་བཞིན་གཤེགས་པས་ལུང་བསྟན་ཏམ། སྨྲས་པ། ལྷའི་བུ་བདག་ནི་བསླབ་པ་འདི་ལ་བསླབས་པས་དེ་བཞིན་གཤེགས་པས་ལུང་བསྟན་ཏོ། །དེ་ཅིའི་ཕྱིར་ཞེ་ན། ལྷའི་བུ་
D223.063.0145a03.01བསླབ་པ་འདི་ལ་ནི་གང་གིས་ཤེས་པར་འགྱུར་བའི་བདག་གམ། བདག་གི་ཞེས་བྱ་བའམ། བདག་སློབ་བོ་སྙམ་དུ་འཛིན་པ་མེད་དེ། ཡང་དག་པར་ཞུགས་པ་དེ་ནི་བདག་སློབ་བོ་སྙམ་དུ་དེ་ལྟར་མི་སེམས་སོ། །སྨྲས་པ། ཇི་ཙམ་གྱིས་ན་ཡང་དག་པར་ཞུགས་པར་
D223.063.0145a04.01འགྱུར། སྨྲས་པ། གང་མཉམ་པ་ཉིད་ལ་སྣོན་པར་ཡང་མི་བྱེད། འབྲི་བར་ཡང་མི་བྱེད། ལེན་པར་ཡང་མི་བྱེད། འདོར་བར་ཡང་མི་བྱེད་པ་དང་། གང་མཉམ་པ་ཉིད་ལ་ཆོས་འདི་དག་ནི་མཆོག་གོ། །ཆོས་འདི་དག་ནི་ངན་པའོ་ཞེས་གཉིས་སུ་མི་འབྱེད་ཅིང་ཆོས་
D223.063.0145a05.01འདི་ལ་ཡང་དག་པར་སོ་སོར་ཤེས་ཏེ། དེ་ལྟར་ཞུགས་པ་གང་ཡིན་པ་དེ་ནི་ཡང་དག་པར་ཞུགས་པ་ཞེས་བྱའོ། །དེ་ནས་ལྷའི་བུ་ཟླ་མཆོག་གིས་ལྷའི་བུ་ཟླ་བ་ལ་འདི་སྐད་ཅེས་སྨྲས་སོ། །ལྷའི་བུ་ཁྱོད་ཀྱིས་ཆོས་གང་དག་ཐོབ་པ་དང་། ཆོས་གང་དག་སྤངས་པའི་ཕྱིར་དེ་བཞིན་གཤེགས་པས་
D223.063.0145a06.01ལུང་བསྟན། སྨྲས་པ། ལྷའི་བུ་བདག་ནི་སོ་སོའི་སྐྱེ་བོའི་ཆོས་རྣམས་སྤངས་པ་དང་། སངས་རྒྱས་ཀྱི་ཆོས་རྣམས་ཐོབ་པའི་ཕྱིར་དེ་བཞིན་གཤེགས་པས་ལུང་བསྟན་པ་མ་ཡིན་གྱི། ལྷའི་བུ་བདག་ནི་ཆོས་འདི་དག་མ་སྤངས་མ་ཐོབ་པའི་ཕྱིར་དེ་བཞིན་གཤེགས་པས་ལུང་བསྟན་ཏོ། །
D223.063.0145a07.01