完整藏文原文 · 德格版页 当前仅加载第 63 函德格 149b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་འདྲའི་ཆོས་ཀྱི་རྒྱལ་པོ་བདག་གིས་མཐོང་བར་གྱུར། །དཔའ་བོ་ཁྱོད་ཀྱི་ཆོས་ཉིད་འདི་ནི་བདག་གིས་སུ། །མཐོང་ནས་བདག་ནི་ངོ་མཚར་རྨད་དུ་འཛིན་པར་གྱུར། །སངས་རྒྱས་འོད་མཛད་དེ་དག་རྣམས་ཀྱི་རྫུ་འཕྲུལ་མཆོག །འདི་འདྲ་དེ་དག་ངོ་མཚར་རབ་ཏུ་ཆེ་བ་ལགས། །རྣམ་འདྲེན་སུམ་
D223.063.0149b01.01ཅུ་གསུམ་ན་བཞུགས་པར་མ་བས་ཀྱི། །འཛམ་བུའི་གླིང་ན་ཐམས་ཅད་དུ་ཡང་སྣང་ཞིང་བཞུགས། །གྲོང་རྣམས་དང་ནི་ཡུལ་འཁོར་གྲོང་ཁྱེར་དག་ན་ཡང་། །ཁ་དོག་འཐུན་པ་ཡིས་ནི་ཆོས་རྣམས་སྟོན་ཅིང་བཞུགས། །འཇིག་རྟེན་མགོན་པོ་ཁྱོད་ནི་ཇི་ལྟར་མཐོང་བ་བཞིན། །དེ་སྙེད་
D223.063.0149b02.01ཀྱི་ནི་ཤཱ་རིའི་བུ་དང་གསུས་པོ་ཆེ། །ཀ་པི་ན་དང་ནམ་གྲུ་ཀཱ་ཏྱཱ་ནའི་བུ། །གང་པོ་དང་ནི་རབ་འབྱོར་འོད་སྲུང་མཐོང་བར་གྱུར། །ཐོས་པ་རྒྱ་མཚོ་ལྟ་བུའི་དགེ་བ་ཀུན་དགའ་བོ། །ཀུན་ཏུ་སངས་རྒྱས་རྣམས་ལ་ཞུ་བ་བདག་གིས་མཐོང་། །ཐམས་ཅད་དུ་ཡང་བདག་གི་ལུས་ནི་མདོག་
D223.063.0149b03.01དང་རྟགས། །མཚུངས་ཤིང་ལྷག་པ་མ་མཆིས་བདག་གིས་མཐོང་བར་གྱུར། །སངས་རྒྱས་བསམ་གྱིས་མི་ཁྱབ་རྣམས་ལ་ཕྱག་འཚལ་ཞེས། །བདག་གིས་ལྷུན་པོའི་ཟོམ་ལ་ཆེད་དུ་བརྗོད་པ་བརྗོད། །བདག་གིས་སྤུ་ཡང་ཟིང་ཞེས་བགྱིད་དེ་གུས་པས་གནས། །ཡན་ལག་ལྔ་
D223.063.0149b04.01པོ་རྣམས་ཀྱིས་ཀྱང་ནི་ཕྱག་བགྱིས་ལགས། །སྒྲ་སྐད་ཆེན་པོ་དག་ཀྱང་ཡོངས་སུ་གྲགས་པར་གྱུར། །སྟོང་གསུམ་ས་གཞི་དག་ཀྱང་རབ་ཏུ་གཡོས་པར་གྱུར། །ལྷུན་པོའི་རྩེ་མོ་འདི་ཡང་ཀུན་ཏུ་སྣང་བར་གྱུར། །རྒྱལ་བ་དེས་པ་དག་གི་མཐུ་ནི་མཐོང་གྱུར་ནས། །ད་ལྟར་བདག་ནི་
D223.063.0149b05.01ཤིན་ཏུ་རིངས་པའི་ཚུལ་གྱིས་སུ། །མི་མཆོག་ག་ལ་བཞུགས་པ་དེར་ནི་བདག་མཆིས་ཏེ། །ཆོས་ཀྱི་རྣམ་པར་དབྱེ་བ་མཁས་པ་ཁྱོད་ལ་ཞུ། །རྒྱལ་བ་དེ་བཞིན་གཤེགས་རྣམས་ཇི་ལྟར་རྣམ་པར་འཕྲུལ། །འཛམ་བུའི་གླིང་དང་ལྷ་ཡི་འཇིག་རྟེན་དག་དང་ནི། །ལྷོ་ཕྱོགས་དང་ནི་ཤར་
D223.063.0149b06.01ཕྱོགས་བྱང་གི་ཕྱོགས་རྣམས་དང་། །ཚངས་པའི་འཇིག་རྟེན་དང་ནི་བར་སྣང་གནས་བཞུགས་པ། །རྒྱལ་བ་རྣམས་ཀྱི་དེ་ཉིད་གང་ལགས་བདག་ལ་གསུངས། །སྟོན་པ་ཆེན་པོ་རྫུ་འཕྲུལ་ཆེ་བ་འདི་མཐོང་བས། །དེང་ནི་བདག་གིས་རྙེད་པ་ལེགས་པར་རྙེད་པར་གྱུར། །དེ་
D223.063.0149b07.01