完整藏文原文 · 德格版页 当前仅加载第 63 函德格 144b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་གང་གཱའི་ཀླུང་བདུན་ཅུའི་བྱེ་མ་སྙེད་འདས་པ་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་འཚང་རྒྱ་བར་འགྱུར་ཏེ། དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཟླ་བའི་འོད་ཅེས་བྱ་བར་འཇིག་རྟེན་དུ་འབྱུང་བར་འགྱུར་རོ། །དེ་ནས་
D223.063.0144b01.01ལྷའི་བུ་ཟླ་མཆོག་གིས་ལྷའི་བུ་ཟླ་བ་ལ་འདི་སྐད་ཅེས་སྨྲས་སོ། །ལྷའི་བུ་ཁྱོད་བཅོམ་ལྡན་འདས་ཀྱིས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་ལུང་བསྟན་ན། ཅི་ཁྱོད་དེ་བཞིན་གཤེགས་པ་ལ་ལྷག་པར་དགའ་བ་དང་། དང་བ་དང་། གུས་པ་སྐྱེའམ། དེ་སྐད་ཅེས་སྨྲས་
D223.063.0144b02.01པ་དང་། ལྷའི་བུ་ཟླ་བས་ལྷའི་བུ་ཟླ་མཆོག་ལ་འདི་སྐད་ཅེས་སྨྲས་སོ། །ལྷའི་བུ་དེ་བཞིན་གཤེགས་པ་ནི་འདུན་པའི་དབང་དུ་འགྲོ་བའམ། འཇིགས་པའི་དབང་དུ་འགྲོ་བས་ལུང་སྟོན་པ་ཅུང་ཟད་ཀྱང་མེད་དེ། ལྷའི་བུ་དེ་བཞིན་གཤེགས་པ་ནི་བྱང་ཆུབ་སེམས་དཔའ་གང་བྱང་ཆུབ་སེམས་
D223.063.0144b03.01དཔའི་བསླབ་པ་ལ་སློབ་པ་ལུང་སྟོན་པར་ཟད་ན། གང་གིས་དེ་བཞིན་གཤེགས་པ་ལ་ལྷག་པར་དགའ་བའམ། དང་བའམ། གུས་པ་སྐྱེད་དུ་ཅི་ཞིག་ཡོད། སྨྲས་པ། ལྷའི་བུ་དང་བ་གང་ལས་ཡོངས་སུ་བཙལ་བར་བྱ། སྨྲས་པ། དང་བ་སེམས་ལས་ཡོངས་སུ་བཙལ་བར་
D223.063.0144b04.01བྱའོ། །སྨྲས་པ། གང་སེམས་ལ་སེམས་སུ་འདུ་ཤེས་པ་དེས་དང་བ་གང་ལས་བཙལ་བར་བྱ། སྨྲས་པ། གང་ལ་འཛིན་པ་མེད་པ་དེ་ལ་དང་བ་ཡོད་དོ། །སྨྲས་པ། གང་ལ་འཛིན་པ་མེད་པ་དེ་ལ་མཆོག་ཏུ་དང་བ་ཡོད་དམ་སྨྲས་པ། ལྷའི་བུ་དེ་ནི་དང་བ་ཡིན་ཏེ། གང་ལ་
D223.063.0144b05.01སྡང་བ་ཡང་མེད། རབ་ཏུ་སྡང་བ་ཡང་མེད། དང་བ་ཡང་མེད་པ་དང་། གང་ལ་སོ་སོའི་སྐྱེ་བོའི་དང་བ་མེད་པ་དེ་ལ་ནི་དང་བ་ཡོད་དོ། །དེ་དེ་ལྟར་དང་བར་གྱུར་པས་དེ་ལ་རང་བཞིན་གྱིས་དང་བ་ཡང་མེད་ལ་དེ་ནི་དེ་ཕྱིན་ཆད་ཀྱང་སྡང་བར་མི་འགྱུར་རོ། །ལྷའི་བུ་དེ་ལྟ་བས་ན་དང་བ་
D223.063.0144b06.01ཐོབ་པར་འདོད་པས་མྱུར་དུ་ཆོས་ལྔ་ལ་སྦྱོར་བར་བྱ་སྟེ། ཅི་ནས་སྦྱོར་བ་ཡང་མེད་འབྲལ་བ་ཡང་མེད་པ་དེ་ལྟར་སྦྱོར་བར་བྱའོ། །དེ་ཅིའི་ཕྱིར་ཞེ་ན། ཆོས་ཀྱི་དབྱིངས་ལ་ནི་སྦྱོར་བར་ཡང་མེད། འབྲལ་བ་ཡང་མེད་པའི་ཕྱིར་རོ། །དེ་ནས་ལྷའི་བུ་ཟླ་མཆོག་གིས་ལྷའི་བུ་ཟླ་བ་ལ་འདི་
D223.063.0144b07.01