完整藏文原文 · 德格版页 当前仅加载第 63 函德格 134b 版页；藏文 NFD、目录标记与异常页序保留在来源切片中，重复版页行以稳定序号区分。
པར་མི་བྱེད་དེ། །ཆོས་ཀྱི་དབྱིངས་ལ་ཡང་དག་དམིགས་པ་མེད། །ཆོས་དབྱིངས་ཇི་བཞིན་ཆོས་ཀུན་དེ་དང་འདྲ། །འཛིན་པ་མེད་ཅིང་རྫས་ཀྱང་ཅི་ཡང་མེད། །ཆོས་ཀུན་སྟོང་པ་ཉིད་ཀྱི་རྗེས་སུ་འགྲོ། །ནང་དང་ཕྱི་རོལ་འདུས་བྱས་གང་ཡིན་པའི། །ཆོས་ཀུན་ཡ་མ་བརླ་སྟེ་བྱེད་པ་
D223.063.0134b01.01མེད། །ཆོས་རྣམས་ཐམས་ཅད་ཚུལ་གཅིག་ཡིན་པར་ཤེས། །ཆོས་རྣམས་གང་ལའང་སྒྲོ་ནི་འདོགས་མི་བྱེད། །བདག་གམ་གཞན་ལའང་རྟེན་པར་མི་བྱེད་དེ། །བདག་དང་བདག་གི་སྙམ་པ་བསལ་བྱས་པ། །དེ་ལ་ནམས་ཀྱང་ཐ་དད་དབྱེ་བ་མེད། །དབེན་པ་སྤྱོད་ཅིང་རབ་
D223.063.0134b02.01ཏུ་དབེན་ལ་གུས། །ཆོས་ཀུན་སྟོང་པ་ཉིད་དུ་ལྟ་བར་བྱེད། །དེ་ནི་ཆོས་རྣམས་ཀུན་ལ་ལྟ་བ་ན། །དབེན་པ་ལ་ཡང་རྟོག་པར་མི་བྱེད་དོ། །འཇིག་རྟེན་འཇིག་རྟེན་འདས་པའི་ཆོས་བསྟན་ལ། །དེ་ནི་ཤས་ཆེར་གཉིས་སུ་མི་འཇུག་སྟེ། །ཁ་ན་མ་ཐོ་ཁ་ན་མ་ཐོ་མེད། །ཟག་བཅས་
D223.063.0134b03.01ཟག་མེད་ཆོས་ལ་དེ་མི་རློམ། །འདུས་བྱས་རྣམས་དང་འདུས་མ་བྱས་རྣམས་ལ། །གཉིས་སུ་མི་འབྱེད་རྟག་ཏུ་གཅིག་པར་ལྟ། །སོ་སོའི་སྐྱེ་བོའམ་དགྲ་བཅོམ་གང་ཡིན་པ། །ཕན་གདགས་འོས་སུ་གྱུར་པའི་ཆོས་མ་མཐོང་། །སོ་སོའི་སྐྱེ་བོའི་རང་བཞིན་གང་བསྟན་པ། །དེ་
D223.063.0134b04.01དག་ཉིད་ནི་དགྲ་བཅོམ་ཆོས་རྣམས་ཡིན། །དབྲིར་ཡང་མེད་ལ་བསྣན་དུའང་ཅི་ཡང་མེད། །དབེན་པའི་སྒོ་ནས་ཚུལ་གཅིག་ཁོང་དུ་ཆུད། །དེ་ནི་ཆོས་ཀུན་རབ་དབྱེ་ཤེས་མོད་ཀྱི། །ཆོས་ཀྱི་དབྱིངས་ལ་འབྱེད་པར་ཡོང་མི་བྱེད། །ཆོས་འདི་ཐམས་ཅད་སྟོང་པ་མ་གཏོགས་པ། །བཟོད་
D223.063.0134b05.01པའང་གཞན་ལ་འདོད་པའང་གཞན་མ་ཡིན། །སྟོང་པ་ཉིད་ལ་མི་རློམ་སོམ་ཉི་མེད། །འདི་དག་སྐྱེ་མེད་རང་བཞིན་འབྱུང་བ་མེད། །དེས་ནི་འཇུག་པ་གཅིག་པར་ཐམས་ཅད་ཤེས། །དེ་ལྟར་སྤྱོད་པ་དེ་ལ་བྱང་ཆུབ་སླ། །བྱང་ཆུབ་མཚུངས་མེད་ལ་ནི་ཉེ་བར་གྱུར། །བདག་དང་བྱང་ཆུབ་
D223.063.0134b06.01ལ་ཡང་སེམས་དཔའ་མེད། །ཆོས་རྣམས་འདི་དག་ཐམས་ཅད་བདག་མི་དམིགས། །དེས་ནི་དམིགས་སུ་མེད་པར་བྱང་ཆུབ་རྟོགས། །ལྷའི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་བཞི་དང་ལྡན་ན་ཟབ་མོའི་ཚུལ་ཁྲིམས་ཅན་བག་ཡོད་པར་གནས་པ་ཞེས་བྱའོ། །བཞི་གང་ཞེ་ན།
D223.063.0134b07.01