完整藏文原文 · 德格版页 当前仅加载第 63 函德格 129b 版页；藏文 NFD、目录标记与异常页序保留在来源切片中，重复版页行以稳定序号区分。
ཞེས་བྱའོ། །དེ་ལ་བྱེད་པ་དང་། ཤེས་པ་དང་། སྟོན་པ་དང་། འདོགས་པ་དང་། འགྲེལ་པ་དང་། རྣམ་པར་འབྱེད་པ་དང་། གསལ་བར་བྱེད་པ་དང་། འཆད་པ་འདི་ནི་མཁས་པ་ཞེས་བྱའོ། །དེ་ལ་ཇི་ལྟར་ཆོས་ཐམས་ཅད་ལ་མངོན་པར་ཞེན་པ་མེད་ཅེ་ན། ལྷའི་བུ་ཆོས་
D223.063.0129b01.01ཐམས་ཅད་ནི་བདག་ཉིད་ཀྱི་ཀུན་ནས་སློང་བས་ཀུན་ནས་བསླང་བ་སྟེ། དེས་ཆོས་ཐམས་ཅད་དྲན་པ་ཉེ་བར་གཞག་པས་ཀུན་ནས་བསླང་བར་རིག་ནས་བདག་ལ་མངོན་པར་ཞེན་པ་མེད་དོ། །དེ་བདག་ལ་མངོན་པར་ཞེན་པ་མེད་པས་ཆོས་གཞན་རྣམས་སློང་བར་མི་བྱེད་དོ། །ཆོས་གང་ཡང་
D223.063.0129b02.01མི་ཤེས་ཤིང་མ་བསླངས་པས་ན། དེ་ལ་མངོན་པར་ཞེན་པར་མི་ནུས་སོ། །དེ་མངོན་པར་ཞེན་པ་མེད་པས་ན་ཆོས་རྣམ་པར་གཞག་པར་ཡང་བྱེད་ལ་ཆོས་གང་ལ་ཡང་མངོན་པར་ཞེན་པར་མི་འགྱུར་རོ། །ལྷའི་བུ་དེ་ལ་ཇི་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་ཆོས་ཐམས་ཅད་
D223.063.0129b03.01ནམ་མཁའ་དང་འདྲ་བར་ཤེས་ཞེ་ན། ལྷའི་བུ་ཁམས་གསུམ་པ་ནི་སེམས་ཙམ་དུ་ཟད་ལ་སེམས་དེ་ཡང་གཟུགས་མེད་པ། བསྟན་དུ་མེད་པར། ཐོགས་པ་མེད་པ། རྣམ་པར་རིག་པར་བྱེད་པ་མ་ཡིན་པ། སྒྱུ་མ་ལྟ་བུ་སྟེ། སེམས་དེ་ཡང་སེམས་ཀྱི་ཆོས་ཉིད་ཀྱིས་ཡོངས་སུ་བཙལ་
D223.063.0129b04.01ཀྱང་མི་རྙེད་དོ། །སེམས་གང་གིས་སེམས་ཡོངས་སུ་བཙལ་བའི་སེམས་དེ་ཡང་མི་རྙེད་དོ། །དེ་སེམས་མི་དམིགས་པས་ཆོས་ཐམས་ཅད་མི་དམིགས་སོ། །ཆོས་ཐམས་ཅད་མི་དམིགས་པས་ཆོས་གང་ཡང་མཚན་མའམ་རྫས་སུ་ཡང་དག་པར་མི་མཐོང་སྟེ། ཆོས་ཐམས་
D223.063.0129b05.01ཅད་ལ་ཆགས་པར་མི་འགྱུར་རོ། །ཆོས་ཐམས་ཅད་ཡོངས་སུ་མ་གྲུབ་པའི་ཕྱིར་ནམ་མཁའ་དང་འདྲ་བར་ཤེས་སོ། །ལྷའི་བུ་དཔེར་ན་ནམ་མཁའ་མ་སྐྱེས་ཤིང་ཡོངས་སུ་མ་གྲུབ་པ་དེ་བཞིན་དུ་དེས་ཆོས་ཐམས་ཅད་ཤེས་སོ། །ཇི་ལྟར་ནམ་མཁའ་ཞེས་བྱ་བ་དེ་ཡང་དབེན་པ་དེ་བཞིན་དུ་ཆོས་
D223.063.0129b06.01ཐམས་ཅད་ཀྱང་མིང་ཙམ་དུ་ཟད་དེ་དེ་དག་ཀྱང་དབེན་པའོ། །ཇི་ལྟར་བྱང་ཆུབ་སེམས་དཔའ་ཆོས་ཉིད་དང་འཐུན་པར་སྦྱོར་ཞེ་ན། ལྷའི་བུ་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོས་འདི་ལ་སོ་སོ་ཡང་དག་པར་བསླབས་ན། ཆོས་འདི་དག་ཐམས་ཅད་གཅིག་གིས་གཅིག་
D223.063.0129b07.01