完整藏文原文 · 德格版页 当前仅加载第 49 函德格 272a 版页；藏文 NFD、目录标记与异常页序保留在来源切片中，重复版页行以稳定序号区分。
ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །སེམས་ཙམ་དང་ནི་སྣང་མེད་དང་། །གནས་འདི་དང་ནི་སངས་རྒྱས་ས། །འདས་དང་མ་འོངས་ད་ལྟར་གྱི། །དུས་གསུམ་སངས་རྒྱས་རྣམས་ཀྱིས་བཤད། །སེམས་ཙམ་ས་ནི་བདུན་པ་
D108.049.0272a01.01ཡིན། །སྣང་བ་མེད་ནི་ས་བརྒྱད་པ། །ས་གཉིས་དག་ནི་གནས་ཞེས་བྱ། །སངས་རྒྱས་ས་ནི་མཆོག་ཡིན་ནོ། །རང་རིག་ཡེ་ཤེས་རྣམ་པར་དག །དེ་ནི་ང་ཡི་ས་ཡིན་ནོ། །དབང་ཕྱུག་དང་ནི་མཆོག་གི་གནས། །རྣམ་པར་བརྟག་ཅིང་རབ་བཀོད་པ། །གསལ་བྱེད་འབར་བའི་མེ་ལྟ་བུར། །འོད་ཟེར་
D108.049.0272a02.01ཀུན་དུ་ཁྱབ་པར་སྣང་། །འོད་ཟེར་འབར་བས་མིག་མི་ཉམས། །སྲིད་གསུམ་ཀུན་དུ་འདུལ་བར་བྱེད། །སྤྲུལ་པས་སྲིད་གསུམ་གནས་པར་སྟོན། །ཁ་ཅིག་སྔ་ནས་སྤྲུལ་པ་སྟེ། །དེར་ནི་ཐེག་པ་རྣམས་སྟོན་པ། །ཐམས་ཅད་དེ་བཞིན་གཤེགས་ཀྱིས། །ས་བཅུ་དེ་ནི་དང་པོ་ཡིན། །དང་པོ་པ་ནི་
D108.049.0272a03.01བརྒྱད་པ་ཡིན། །དགུ་པ་ཡང་ནི་བདུན་པ་སྟེ། །བདུན་པ་དེ་ཡང་བརྒྱད་པ་ཡིན། །གཉིས་པ་དེ་ནི་གསུམ་པ་ཡིན། །བཞི་པ་ཡང་ནི་ལྔ་པ་ཡིན། །གསུམ་པ་ཡང་ནི་དྲུག་ཡིན་ཏེ། །སྣང་བ་མེད་ལ་རིམ་ཅི་ཡོད།། །།འཕགས་པ་ལང་ཀར་གཤེགས་པ་རིན་པོ་ཆེའི་མདོ་ལས།
D108.049.0272a04.01བམ་པོ་བརྒྱད་པ་སྟེ་ཐ་མ། དེ་ནས་བྱང་ཆུབ་སེམས་དཔའ་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྟག་པ་ཞིག་གམ། འོན་ཏེ་མི་རྟག་པ་ཞིག་ལགས། བཅོམ་ལྡན་
D108.049.0272a05.01འདས་ཀྱིས་བཀའ་སྩལ་པ། བློ་གྲོས་ཆེན་པོ་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ནི་རྟག་པ་ཡང་མ་ཡིན། མི་རྟག་པ་ཡང་མ་ཡིན་ཏེ། འདི་ལྟར་གཉི་ག་ཡང་ཉེས་པ་ཡོད་པའི་ཕྱིར་རོ། །གལ་ཏེ་རྟག་པར་གྱུར་ན་ནི་བྱེད་པའི་བདག་པོ་ཡོད་པའི་ཉེས་པར་འགྱུར་རོ། །
D108.049.0272a06.01མུ་སྟེགས་ཅན་དག་རྟག་པ་ནི་བྱེད་པ་པོས་བྱས་པ་མ་ཡིན་པའོ་ཞེས་ཟེར་ཏེ། དེ་བས་ན་དེ་བཞིན་གཤེགས་པ་ནི་རྟག་ཀྱང་རྟག་པ་མ་ཡིན་ཏེ། བྱས་པ་མ་ཡིན་པ་རྟག་པའི་ཉེས་པར་འགྱུར་བའི་ཕྱིར་རོ། །ཅི་སྟེ་དེ་བཞིན་གཤེགས་པ་མི་རྟག་པ་ཡིན་ན་ནི་བྱས་པ་ཡོད་པའི་མི་རྟག་པའི་ཉེས་པར་འགྱུར་ཏེ།
D108.049.0272a07.01