完整藏文原文 · 德格版页 当前仅加载第 49 函德格 242b 版页；藏文 NFD、目录标记与异常页序保留在来源切片中，重复版页行以稳定序号区分。
པ་དེ་དག་གི་གང་ཐུགས་སུ་ཆུད་པ་དེ་བཞིན་དུ་ངས་ཀྱང་རང་གིས་མངོན་པར་རྟོགས་པའི་ཆོས་མཐར་ཕྱིན་པའི་སྤྱོད་ཡུལ་ཚིག་གི་རྣམ་པར་རྟོག་པ་དང་བྲལ་བ། ཡི་གེའི་ཚུལ་རྣམ་པ་གཉིས་ལས་རྣམ་པར་གྲོལ་བ། ལྷག་ཆད་མེད་པར་ཐུགས་སུ་ཆུད་པའོ། །དེ་ལ་
D108.049.0242b01.01ངོ་བོ་ཉིད་ཀྱིས་གནས་པའི་ཆོས་གང་ཞེ་ན། འདི་ལྟ་སྟེ། སྔོན་གྱི་འཕགས་པའི་ལམ་རྙིང་པ་གསེར་དང་། དངུལ་ལ་སོགས་པའི་ངོ་བོ་ཉིད་བཞིན་དུ་ཆོས་ཀྱི་དབྱིངས་རྟག་པར་གནས་པ་ཡང་དེ་བཞིན་གཤེགས་པ་རྣམས་འཇིག་རྟེན་དུ་བྱུང་ཡང་རུང་། འཇིག་རྟེན་དུ་མ་
D108.049.0242b02.01བྱུང་ཡང་རུང་སྟེ། ཆོས་ཀྱི་དབྱིངས་རྟག་པར་གནས་པ་ནི་ཇི་ལྟར་གྲོང་ཁྱེར་དེ་དག་དུ་འགྲོ་བའི་ལམ་བཞིན་དུ་འདུག་པའོ། །བློ་གྲོས་ཆེན་པོ་དཔེར་ན། སྐྱེས་བུ་ལ་ལ་ཞིག་འབྲོག་དགོན་པ་ན་འཁྱམ་པ་ལས་གྲོང་ཁྱེར་རྙིང་པར་འགྲོ་བའི་ལམ་མཉམ་ཞིང་མ་གོལ་བ་ཞིག་
D108.049.0242b03.01མཐོང་ནས། གྲོང་ཁྱེར་དེར་ཞུགས་ཏེ་ཡིད་བཞིན་གྱི་བདེ་བ་རྗེས་སུ་མྱོང་ན་བློ་གྲོས་ཆེན་པོ་དེ་ཇི་སྙམ་དུ་སེམས། ལམ་དེ་དང་། གྲོང་ཁྱེར་ན་ཡོད་པའི་བདེ་བ་སྣ་ཚོགས་དེ་དག་དེས་བྱས་པ་ཡིན་ནམ། གསོལ་པ། དེ་མ་ལགས་སོ། །བཅོམ་ལྡན་འདས་ཀྱིས་བཀའ་
D108.049.0242b04.01སྩལ་པ། བློ་གྲོས་ཆེན་པོ་ང་དང་འདས་པའི་དེ་བཞིན་གཤེགས་པ་དག་གིས་ཐུགས་སུ་ཆུད་པའི་ཆོས་ཀྱི་དབྱིངས་མི་འགྱུར་བར་གནས་པ་ཡང་དེ་བཞིན་ཏེ། དེས་ན་དེའི་ཕྱིར་ངས་འདི་སྐད་དུ་གང་གི་ནུབ་མོ་ངས་མངོན་པར་རྫོགས་པར་སངས་རྒྱས་པ་ནས་གང་གི་ནུབ་
D108.049.0242b05.01མོ་ཡོངས་སུ་མྱ་ངན་ལས་འདའ་བར་འགྱུར་བ་དེའི་བར་དུ་ཡི་གེ་གཅིག་ཀྱང་མ་བཤད། མི་འཆད་འཆད་པར་མི་འགྱུར་རོ། །ཞེས་སྨྲས་སོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར་ཚིགས་སུ་བཅད་པ་འདི་དག་གསུངས་སོ། །གང་གི་ནུབ་མོ་
D108.049.0242b06.01མངོན་སངས་རྒྱས། །གང་གི་ནུབ་མོ་མྱ་ངན་འདས། །དེ་དག་གཉིས་ཀྱི་བར་དུ་ཡང་། །ང་ཡིས་ཅུང་ཟད་བཤད་པ་མེད། །རང་གིས་མངོན་རྟོགས་ཆོས་གནས་པས། །དེ་ཕྱིར་ངས་ནི་འདི་སྐད་བཤད། །ང་དང་སངས་རྒྱས་དེ་དག་ལ། །བྱེ་བྲག་གྱུར་པ་ཅི་ཡང་མེད། །
D108.049.0242b07.01