完整藏文原文 · 德格版页 当前仅加载第 49 函德格 207a 版页；藏文 NFD、目录标记与异常页序保留在来源切片中，重复版页行以稳定序号区分。
མཁན་གྱིས་རྩྭ་དང་ཤིང་དང་གྱོ་མོ་ལ་བརྟེན་ཏེ། སྒྱུ་མ་སྣ་ཚོགས་ཀྱིས་སེམས་ཅན་རྣམས་ཀྱི་དབྱིབས་དང་། གཟུགས་ཐ་དད་པ་བྱས་པ་ལ་རྣམ་པར་རྟོག་པ་སྣ་ཚོགས་སྐྱེད་པར་བྱེད་དེ། རྣམ་པར་རྟོག་པ་དེ་དག་ནི་ཡང་དག་པ་མ་ཡིན་ནོ། །དེ་
D108.049.0207a01.01བཞིན་དུ་བློ་གྲོས་ཆེན་པོ་གཞན་གྱི་དབང་གི་རང་བཞིན་ལ་བརྟེན་ནས་ཀུན་དུ་བརྟགས་པའི་རང་བཞིན་འབྱུང་ངོ་། །རྣམ་པར་རྟོག་པའི་སེམས་སྣ་ཚོགས་དང་། རྣམ་པ་མང་པོའི་མཚན་ཉིད་དང་། དངོས་པོར་རྣམ་པར་རྟོག་པས་མངོན་པར་ཞེན་པའི་བག་ཆགས་ལ་ཡོངས་སུ་རྟོག་
D108.049.0207a02.01པས་བློ་གྲོས་ཆེན་པོ་འདི་ནི་ཀུན་དུ་བརྟགས་པའི་རང་བཞིན་རྣམ་པར་རྟོག་པ་ལས་སྐྱེ་བ་ཞེས་བྱ་སྟེ། བློ་གྲོས་ཆེན་པོ་འདི་ནི་རྟེན་གྱི་སངས་རྒྱས་ཀྱིས་བཤད་པའོ། །བློ་གྲོས་ཆེན་པོ་ཆོས་ཉིད་ཀྱི་སངས་རྒྱས་ནི་སེམས་ཀྱི་རང་བཞིན་གྱི་མཚན་ཉིད་དང་བྲལ་བ་རང་གིས་རིག་པ་འཕགས་པས་
D108.049.0207a03.01དམིགས་པར་བྱ་བའི་སྤྱོད་ཡུལ་རྣམ་པར་གཞོག་གོ། །བློ་གྲོས་ཆེན་པོ་སྤྲུལ་པས་སྤྲུལ་པའི་སངས་རྒྱས་ནི་སྦྱིན་པ་དང་། ཚུལ་ཁྲིམས་དང་། བཟོད་པ་དང་། བརྩོན་འགྲུས་དང་། བསམ་གཏན་དང་། སེམས་དང་། ཡེ་ཤེས་དང་། ཤེས་རབ་དང་། ཕུང་པོ་དང་། ཁམས་དང་།
D108.049.0207a04.01སྐྱེ་མཆེད་དང་བྲལ་བ་དང་། རྣམ་པར་ཐར་པ་དང་། རྣམ་པར་ཤེས་པའི་མཚན་ཉིད་དང་། རྣམ་པར་འབྱེད་ཅིང་སོ་སོར་རབ་ཏུ་རྟོག་པ་རྣམ་པར་གཞག་པ་དང་། མུ་སྟེགས་ཅན་གྱི་ལྟ་བ་དང་། གཟུགས་མེད་པའི་ལྟ་བ་ལས་ཤིན་ཏུ་འདས་པའི་མཚན་ཉིད་སྟོན་ཏོ། །བློ་གྲོས་
D108.049.0207a05.01ཆེན་པོ་གཞན་ཡང་ཆོས་ཉིད་ཀྱི་སངས་རྒྱས་ནི་དམིགས་པ་མེད་ཅིང་དམིགས་པ་དང་བྲལ་བ། བྱ་བ་དང་། དབང་པོ་དང་། ཚད་མའི་མཚན་ཉིད་ཐམས་ཅད་ལས་རྣམ་པར་ལྡོག་པ། བྱིས་པ་སོ་སོའི་སྐྱེ་བོ་དང་། ཉན་ཐོས་དང་། རང་སངས་རྒྱས་དང་། མུ་སྟེགས་ཅན་དག་གིས་
D108.049.0207a06.01མཚན་ཉིད་ལ་མངོན་པར་ཞེན་པ་དང་། མངོན་པར་ཆགས་པ་རྣམས་ཀྱི་སྤྱོད་ཡུལ་མ་ཡིན་པ། འཕགས་པ་རང་གིས་རིག་པའི་སྤྱོད་ཡུལ་གྱི་མཚན་ཉིད་ཀྱིས་རྣམ་པར་གཞག་པ་སྟོན་ཏོ། །དེ་ལྟ་བས་ན་བློ་གྲོས་ཆེན་པོ་འཕགས་པ་སོ་སོ་རང་གིས་རིག་པའི་ཁྱད་པར་གྱི་མཚན་ཉིད་
D108.049.0207a07.01