完整藏文原文 · 德格版页 当前仅加载第 49 函德格 253a 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་ཐམས་ཅད་མ་སྐྱེས་པས། །བློ་ལྡན་མཚན་མར་འཛིན་མི་བྱེད། །དམ་བཅས་རྒྱུ་ལས་སྐྱེས་པའི་ཕྱིར། །མཁས་པ་དག་གིས་ཡོངས་སུ་སྤོང་། །ཇི་ལྟར་རབ་རིབ་མིག་ཅན་གྱིས། །སྐྲ་ཤད་མཚན་ཉིད་ལོག་པར་མཐོང་། །དེ་བཞིན་དངོས་
D108.049.0253a01.01པོར་མངོན་ཞེན་པའང་། །བྱིས་པས་ལོག་པར་རྣམ་པར་བརྟགས། །ཇི་ཙམ་སྲིད་གསུམ་ཉེར་འདོགས་པ། །དངོས་པོའི་རང་བཞིན་ཡོད་མ་ཡིན། །དངོས་པོའི་རང་བཞིན་ཉེར་བཏགས་པས། །རྟོག་པ་ཅན་རྣམས་རྟོག་པར་བྱེད། །མཚན་དངོས་ཚིག་ནི་རྣམ་བཞག་པས། །
D108.049.0253a02.01ཡིད་འཁྲུག་རབ་ཏུ་གཡོས་པར་འགྱུར། །རྒྱལ་སྲས་རྣམ་རྟོག་དེ་དག་ལས། །ཤིན་དུ་འདས་ཤིང་ཡོངས་སུ་སྤངས། །ཆུ་མ་ཡིན་ལ་ཆུར་འཛིན་པ། །དེ་ནི་སྐོམ་གྱི་སྲེད་ལས་སྐྱེས། །བྱིས་པ་དེ་བཞིན་ནོར་བར་འགྱུར། །འཕགས་པས་མཐོང་བ་དེ་ལྟ་མིན། །འཕགས་པའི་
D108.049.0253a03.01མཐོང་བ་ཡོངས་དག་སྟེ། །རྣམ་ཐར་ཏིང་ངེ་འཛིན་ལས་སྐྱེས། །སྐྱེ་དང་འཇིག་པ་རབ་སྤངས་ཏེ། །སྣང་བ་མེད་ལ་རབ་ཏུ་སྤྱོད། །སྣང་བ་མེད་ལ་རྣལ་འབྱོར་པས། །དངོས་དང་དངོས་མེད་པ་ཡང་མེད། །དངོས་དང་དངོས་མེད་མཉམ་པ་ན། །དེ་ལ་འཕགས་པའི་འབྲས་བུ་སྐྱེ། །ཇི་
D108.049.0253a04.01ལྟར་དངོས་པོ་དངོས་མེད་དང་། །མཉམ་པ་ཉིད་དུ་ཇི་ལྟར་འགྱུར། །སེམས་ཀྱིས་དེ་ནི་མ་ཤེས་པས། །ཕྱི་དང་ནང་ནི་རབ་ཏུ་གཡོས། །ནམ་ཞིག་དེ་ནི་འཇིག་བྱེད་ན། །སེམས་ཀྱིས་མཉམ་པ་ཉིད་ཀྱང་མཐོང་། །དེ་ནས་བློ་གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་
D108.049.0253a05.01ཏོ། །བཅོམ་ལྡན་འདས་བཅོམ་ལྡན་འདས་ཀྱིས་ཇི་སྐད་དུ་ནམ་དམིགས་པར་བྱ་བའི་དངོས་པོ་ཤེས་པས་མི་དམིགས་པ་དེ་ན་བཏགས་པ་ཙམ་དུ་རྣམ་པར་གཞག་པ་ཡིན་ཏེ། རྣམ་པར་གཞག་པའི་གཟུང་བ་མེད་པས་འཛིན་པ་ཡང་མེད་པ་ཡིན་ནོ། །འཛིན་པ་མེད་པའི་ཕྱིར་
D108.049.0253a06.01ཤེས་པ་ཡང་མི་འཇུག་སྟེ། བཏགས་པའི་མིང་ཙམ་མོ་ཞེས་གསུངས་ན། བཅོམ་ལྡན་འདས་ཅི་དངོས་པོ་རྣམས་ཀྱི་རང་དང་སྤྱིའི་མཚན་ཉིད་ཐ་དད་པ་དང་ཐ་དད་པ་མ་ལགས་པར་ཁོང་དུ་མ་ཆུད་པའི་སླད་དུ་ཤེས་པས་མི་དམིགས་ལགས་སམ། འོན་ཏེ་རང་དང་སྤྱིའི་མཚན་
D108.049.0253a07.01