完整藏文原文 · 德格版页 当前仅加载第 49 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཞིང་རྣམས་སྣ་ཚོགས་ཅི་ཡི་ཕྱིར། །དྲང་སྲོང་ཡུན་རིང་དཀའ་ཐུབ་དང་། །རིགས་ཞེས་བྱ་བ་ཇི་ལྟ་བུ། །བླ་མ་གང་ལས་བསླབ་པ་བླང་། །ཅི་ཡི་ཕྱིར་ན་མི་དག་ངན། །ཅི་ཡི་ཕྱིར་ན་རྣལ་འབྱོར་པ། །འདོད་པའི་ཁམས་སུ་འཚང་མི་རྒྱ། །འོག་མིན་དུ་ནི་གྲུབ་
D108.049.0196a01.01པའི་མཐའ། །ཅི་ཕྱིར་མངོན་ཤེས་འཇིག་རྟེན་པ། །ཅི་ཕྱིར་དགེ་སློང་ཞེས་ནི་བརྗོད། །སྤྲུལ་པའི་སངས་རྒྱས་ཇི་ལྟ་བུ། །རྣམ་སྨིན་སངས་རྒྱས་ཇི་ལྟ་བུ། །དེ་བཞིན་ཉིད་ཀྱི་སངས་རྒྱས་གང་། །མཉམ་ཉིད་ཡེ་ཤེས་སངས་རྒྱས་དང་། །དགེ་འདུན་རྣམས་ཀྱང་ཇི་ལྟ་བུ། །རྒྱལ་སྲས་དེ་བཞིན་
D108.049.0196a02.01དྲི་བའི་རིགས། །དགུ་པོ་རྒྱུད་{མངས་,མང་}མེ་ཏོག་རྔ། །ཞིང་དང་སྣང་བ་སྤངས་པ་དང་། །སེམས་ཙམ་ས་ནི་བདུན་པོ་དག །དྲིས་པ་རྣམས་ནི་ཡང་དག་ཉིད། །འདི་དང་གཞན་ཡང་རབ་མང་བའི། །དྲི་བ་དག་ནི་རྒྱལ་སྲས་དྲིས། །རེ་རེ་མཚན་ཉིད་རབ་ལྡན་ཞིང་། །ལྟ་བའི་ཉེས་པ་རྣམ་སྤངས་པ། །གྲུབ་
D108.049.0196a03.01མཐའི་བརྗོད་དང་བྲལ་བ་སྟེ། །ངས་ནི་ད་འདིར་བསྟན་པར་བྱ། །{གོ་རིམས་,གོ་རིམ་}རྣམ་པར་གཞག་པའི་ཚིག །རྒྱལ་བའི་སྲས་ཀྱིས་ལེགས་པར་ཉོན། །ཚིག་བརྒྱ་རྩ་བརྒྱད་འདི་དག་ནི། །སངས་རྒྱས་རྣམས་ཀྱིས་གསུངས་བཞིན་བཤད། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་བློ་
D108.049.0196a04.01གྲོས་ཆེན་པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཚིག་བརྒྱ་པོ་དག་གང་ལགས། །བཅོམ་ལྡན་འདས་ཀྱིས་བཀའ་སྩལ་པ། སྐྱེ་བའི་ཚིག་དང་། མི་སྐྱེ་བའི་ཚིག་དང་། རྟག་པའི་ཚིག་དང་། མི་རྟག་པའི་ཚིག་དང་། མཚན་ཉིད་ཀྱི་ཚིག་དང་།
D108.049.0196a05.01མཚན་ཉིད་མེད་པའི་ཚིག་དང་། གནས་པ་གཞན་དུ་འགྱུར་བའི་ཚིག་དང་། གནས་པ་གཞན་དུ་འགྱུར་བ་མ་ཡིན་པའི་ཚིག་དང་། སྐད་ཅིག་པའི་ཚིག་དང་། སྐད་ཅིག་མ་ཡིན་པའི་ཚིག་དང་། རང་བཞིན་གྱི་ཚིག་དང་། རང་བཞིན་དང་བྲལ་བའི་ཚིག་དང་། སྟོང་པ་ཉིད་ཀྱི་ཚིག་དང་།
D108.049.0196a06.01སྟོང་པ་ཉིད་མ་ཡིན་པའི་ཚིག་དང་། ཆད་པའི་ཚིག་དང་། ཆད་པ་མ་ཡིན་པའི་ཚིག་དང་། སེམས་ཀྱི་ཚིག་དང་། སེམས་མ་ཡིན་པའི་ཚིག་དང་། མཐའི་ཚིག་དང་། མཐའ་མ་ཡིན་པའི་ཚིག་དང་། དབུ་མའི་ཚིག་དང་། དབུ་མ་མ་ཡིན་པའི་ཚིག་དང་། ཐེར་ཟུག་གི་ཚིག་དང་། ཐེར་
D108.049.0196a07.01