完整藏文原文 · 德格版页 当前仅加载第 49 函德格 211a 版页；藏文 NFD、目录标记与异常页序保留在来源切片中，重复版页行以稳定序号区分。
བདག་མེད་པར་མཐོང་ཞིང་། ཏིང་ངེ་འཛིན་གྱི་བདེ་བ་ལ་གནས་པ་ཐོབ་པའི་ཉན་ཐོས་རྣམས་ཀྱང་། དེ་བཞིན་གཤེགས་པའི་སྐུ་མཆོག་ཏུ་གྱུར་པ་ཉིད་ཐོབ་པར་འགྱུར་རོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་ཡང་བསྟན་པའི་ཕྱིར། ཚིགས་སུ་བཅད་
D108.049.0211a01.01པ་འདི་དག་གསུངས་སོ། །རྒྱུན་དུ་ཞུགས་པའི་འབྲས་བུ་དང་། །ལན་ཅིག་ཕྱིར་འོང་ཕྱིར་མི་འོང་། །དེ་བཞིན་དུ་ནི་དགྲ་བཅོམ་པ། །དེ་དག་སེམས་ནི་བསླད་པའོ། །ཐེག་པ་གསུམ་དང་ཐེག་པ་གཅིག །ཐེག་པ་མ་ཡིན་ངས་བཤད་དེ། །བྱིས་པ་བློ་གཞོན་རྣམས་དང་ནི། །འཕགས་པ་
D108.049.0211a02.01རབ་དབེན་མོས་ལ་བཤད། །དོན་དམ་ཆོས་ཀྱི་སྒོ་མོ་ནི། །བསྟན་པ་གཉིས་པོ་རྣམ་སྤངས་ཤིང་། །སྣང་བ་མེད་ལ་རབ་གནས་ནས། །ཐེག་པ་གསུམ་དུ་ཇི་ལྟར་དགོད། །བསམ་གཏན་རྣམས་དང་ཚད་མེད་དང་། །གཟུགས་མེད་པ་ཡི་ཏིང་འཛིན་དང་། །ཚོར་དང་འདུ་ཤེས་རབ་དབེན་
D108.049.0211a03.01པས། །སེམས་ཙམ་ཡང་ནི་ཡོད་མ་ཡིན། །བློ་གྲོས་ཆེན་པོ་འདོད་ཆེན་པ་འདི་དག་ནི་འདོད་ཆེན་པ་མ་ཡིན་ཏེ། འཇིག་རྟེན་ན་སུ་ཞིག་ཐར་པ་ལ་འཇུག་པར་འགྱུར། །བློ་གྲོས་ཆེན་པོ་འདོད་ཆེན་པ་ནི་རྣམ་པ་གཉིས་ཡོད་དེ། དགེ་བའི་རྩ་བ་ཐམས་ཅད་སྤངས་པ་དང་།
D108.049.0211a04.01ཐོག་མ་མེད་པའི་དུས་ཀྱི་སེམས་ཅན་གྱི་ཕྱིར་སྨོན་ལམ་བཏབ་པའོ། །དེ་ལ་དགེ་བའི་རྩ་བ་ཐམས་ཅད་སྤངས་པ་གང་ཞེ་ན། འདི་ལྟ་སྟེ། བྱང་ཆུབ་སེམས་དཔའི་སྡེ་སྣོད་ལ་སྐུར་པ་འདེབས་ཤིང་ཚིག་ངན་པ་འདི་སྐད་དུ། འདི་ནི་མདོ་སྡེ་དང་། འདུལ་བ་དང་། ཐར་པ་དང་འཐུན་
D108.049.0211a05.01པར་སྨྲ་བ་མ་ཡིན་ནོ་ཞེས་ཟེར་བ་སྟེ། དགེ་བའི་རྩ་བ་ཐམས་ཅད་སྤངས་པའི་ཕྱིར་མྱ་ངན་ལས་མི་འདའོ། །གཉིས་པ་ནི་བྱང་ཆུབ་སེམས་དཔའ་རྣམས་སྔོན་གྱི་རང་གི་སྨོན་ལམ་དང་། ཐབས་སྔོན་དུ་བཏང་བའི་ཕྱིར་ཡོངས་སུ་མྱ་ངན་ལས་མི་འདའ་བ་ཡང་མ་ཡིན་ཏེ། སེམས་ཅན་
D108.049.0211a06.01ཐམས་ཅད་མྱ་ངན་ལས་བཟླ་བར་བྱེད་དོ། །བློ་གྲོས་ཆེན་པོ་དེའི་མྱ་ངན་ལས་འདའ་བ་འདི་ནི། མྱ་ངན་ལས་མི་འདའ་བའི་ཆོས་ཅན་གྱི་མཚན་ཉིད་དེ། འདི་ཡང་འདོད་ཆེན་པ་རྣམས་ཀྱི་ཚུལ་རབ་ཏུ་ཐོབ་པར་འགྱུར་རོ། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། བཅོམ་
D108.049.0211a07.01