完整藏文原文 · 德格版页 当前仅加载第 49 函德格 248a 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པའི་ཡེ་ཤེས་གང་ཞེ་ན། འདི་ལྟ་སྟེ། ཉན་ཐོས་དང་། རང་སངས་རྒྱས་ཐམས་ཅད་རང་དང་སྤྱིའི་མཚན་ཉིད་དུ་ལྷུང་བའི་བསམས་པ་ལ་མངོན་པར་ཞེན་པའོ། །འཇིག་རྟེན་ལས་འདས་པ་མཆོག་གི་ཡེ་ཤེས་གང་ཞེ་ན། འདི་ལྟ་སྟེ། སངས་
D108.049.0248a01.01རྒྱས་དང་བྱང་ཆུབ་སེམས་དཔའ་རྣམས་ཀྱི་སྣང་བ་མེད་པའི་ཆོས་ལ་རབ་ཏུ་རྣམ་པར་འབྱེད་པ་དང་། སྐྱེ་བ་མེད་པ་དང་། འགག་པ་མེད་པར་མཐོང་བ་དང་། ཡོད་པ་དང་། མེད་པའི་ཕྱོགས་དང་བྲལ་བ། དེ་བཞིན་གཤེགས་པའི་ས། གང་ཟག་དང་། ཆོས་བདག་ཏུ་
D108.049.0248a02.01མེད་པ་སོ་སོ་རང་གིས་རིག་པ་ལས་བྱུང་བའོ། །གཞན་ཡང་ཡེ་ཤེས་ནི་རྣམ་པ་གསུམ་ཡོད་དེ། འདི་ལྟ་སྟེ། སྐྱེ་བ་དང་། འཇིག་པ་རྟོགས་པའི་ཡེ་ཤེས་དང་། རང་དང་སྤྱིའི་མཚན་ཉིད་རྟོགས་པའི་ཡེ་ཤེས་དང་། སྐྱེ་བ་མེད་པ་དང་འགག་པ་མེད་པ་རྟོགས་པའི་ཡེ་
D108.049.0248a03.01ཤེས་སོ། །བློ་གྲོས་ཆེན་པོ་དེ་ལ་སྐྱེ་ཞིང་འཇིག་པ་ནི་རྣམ་པར་ཤེས་པའོ། །མི་སྐྱེ་མི་འཇིག་པ་ནི་ཡེ་ཤེས་སོ། །མཚན་མ་དང་མཚན་མ་མེད་པར་ལྷུང་བ་དང་། ཡོད་པ་དང་མེད་པར་ལྷུང་བ་དང་། མཚན་ཉིད་སྣ་ཚོགས་ཀྱི་རྒྱུ་ལས་སྐྱེས་པ་ནི་རྣམ་པར་ཤེས་པའོ། །
D108.049.0248a04.01ཡོད་པ་དང་མེད་པའི་མཚན་ཉིད་ལས་ཤིན་དུ་འདས་པ་ནི་ཡེ་ཤེས་སོ། །གཞན་ཡང་སྐྱེ་བ་དང་ལྡན་པའི་མཚན་ཉིད་ནི་རྣམ་པར་ཤེས་པའོ། །སྐྱེ་བ་མེད་པ་དང་ལྡན་པའི་མཚན་ཉིད་ནི་ཡེ་ཤེས་སོ། །གཞན་ཡང་ཐོགས་པ་མེད་པའི་མཚན་ཉིད་ནི་ཡེ་ཤེས་སོ། །ཡུལ་སྣ་
D108.049.0248a05.01ཚོགས་ལ་ཐོགས་པ་དང་བཅས་པའི་མཚན་ཉིད་ནི་རྣམ་པར་ཤེས་པའོ། །གཞན་ཡང་དངོས་པོ་གསུམ་འདུས་པ་ལས་སྐྱེ་བའི་ཐབས་ཀྱི་མཚན་ཉིད་ནི་རྣམ་པར་ཤེས་པའོ། །དངོས་པོ་དང་ཐབས་མེད་པའི་རང་བཞིན་གྱི་མཚན་ཉིད་ནི་ཡེ་ཤེས་སོ། །གཞན་ཡང་ཐོབ་
D108.049.0248a06.01པའི་མཚན་ཉིད་ནི་རྣམ་པར་ཤེས་པའོ། །ཐོབ་པ་མེད་པའི་མཚན་ཉིད་ནི་ཡེ་ཤེས་ཏེ། རང་ཉིད་འཕགས་པའི་སོ་སོ་རང་གིས་རིག་པའི་ཡེ་ཤེས་ཀྱི་སྤྱོད་ཡུལ་རྟོགས་པས་ན་མི་འཇུག་མི་འབྱུང་བའི་ཕྱིར་ཆུའི་ཟླ་བ་བཞིན་ནོ། །དེ་ནས་བཅོམ་ལྡན་འདས་ཀྱིས་དོན་དེ་ཉིད་
D108.049.0248a07.01