完整藏文原文 · 德格版页 当前仅加载第 49 函德格 245b 版页；藏文 NFD、目录标记与异常页序保留在来源切片中，重复版页行以稳定序号区分。
གྱི་དོན་སྣ་ཚོགས་ལ་མངོན་པར་ཞེན་པ་དང་། སེམས་དང་སེམས་ལས་བྱུང་བའི་རྣམ་པར་རྟོག་པ་ནི་བདག་དང་བདག་གིར་མངོན་པར་ཞེན་པ་ལས་འབྱུང་ངོ་། །བློ་གྲོས་ཆེན་པོས་བཅོམ་ལྡན་འདས་ལ་གསོལ་པ། བཅོམ་ལྡན་འདས་གལ་ཏེ་དོན་རྣམ་པ་ཐ་དད་པ་སྣ་
D108.049.0245b01.01ཚོགས་དང་། ཡང་དག་པ་མ་ལགས་པའི་རྣམ་པར་རྟོག་པ་སྣ་ཚོགས་ལས་མངོན་པར་ཞེན་པའི་རྣམ་པར་རྟོག་པ་འབྱུང་སྟེ། གཟུང་བ་དང་། འཛིན་པ་ལ་མངོན་པར་ཞེན་པ་དང་། རང་གི་སེམས་སྣང་བ་ཙམ་དུ་རྟོགས་པ་དང་། མཆིས་པ་དང་མ་མཆིས་པའི་ལྟ་བར་
D108.049.0245b02.01ལྷུང་བ། མུ་སྟེགས་ཅན་གྱི་ལྟ་བ་རྒྱས་པར་བགྱིད་པ་དང་། རྣམ་པར་རྟོག་པའི་བག་ཆགས་ཀྱིས་ཕྱི་རོལ་གྱི་དོན་སྣ་ཚོགས་ལ་མངོན་པར་ཞེན་པ་དང་། སེམས་དང་སེམས་ལས་བྱུང་བའི་རྣམ་པར་རྟོག་པ་དག །བདག་དང་བདག་གིར་མངོན་པར་ཞེན་པ་ལས་འབྱུང་
D108.049.0245b03.01བ་ཞིག་ལགས་ན། བཅོམ་ལྡན་འདས་དེ་ལྟ་ན་ནི་ཕྱི་རོལ་གྱི་དོན་སྣ་ཚོགས་ཀྱི་མཚན་ཉིད་དང་། མཆིས་པ་དང་མ་མཆིས་པར་ལྷུང་བའི་མཚན་ཉིད་དངོས་པོ་དང་། དངོས་པོ་མ་མཆིས་པ་དང་བྲལ་བ་དང་། ལྟ་བ་དང་བྲལ་བའི་མཚན་ཉིད་ལས་ཇི་ལྟར་བཟློག་པ་དེ་བཞིན་དུ་
D108.049.0245b04.01བཅོམ་ལྡན་འདས་དོན་དམ་པའི་གནས་སུ་ཡང་ཚད་མ་དང་། དབང་པོ་དང་། ཡན་ལག་དང་། དཔེ་དང་། རྒྱུའི་མཚན་ཉིད་ལས་ཀྱང་བཟློག་པར་འགྱུར་རོ། །བཅོམ་ལྡན་འདས་ཅིའི་སླད་དུ་གཅིག་ལ་ནི་ཡང་དག་པ་མ་ལགས་པའི་དོན་སྣ་ཚོགས་ཀྱི་དངོས་པོར་མངོན་པར་ཞེན་
D108.049.0245b05.01པའི་རྣམ་པར་རྟོག་པ་འབྱུང་ལ། དོན་དམ་པའི་མཚན་ཉིད་ལ་ནི་མངོན་པར་ཞེན་པའི་རྣམ་པར་རྟོག་པ་མི་འབྱུང་། ཅི་བཅོམ་ལྡན་འདས་མི་མཚུངས་པ་རྒྱུར་གསུང་བར་མི་འགྱུར་རམ་ཞེ་ན་གཅིག་ལས་ནི་འབྱུང་། གཅིག་ལས་ནི་མི་འབྱུང་ཞེས་བཀའ་སྩལ། བཅོམ་ལྡན་
D108.049.0245b06.01འདས་ཀྱིས་བཀའ་སྩལ་པ། བློ་གྲོས་ཆེན་པོ་རྣམ་པར་རྟོག་པ་ནི་གཅིག་ལས་འབྱུང་བའམ། གཅིག་ལས་མི་འབྱུང་བ་མ་ཡིན་ཏེ། དེ་ཅིའི་ཕྱིར་ཞེ་ན། འདི་ལྟ་སྟེ། ཡོད་པ་དང་མེད་པའི་རྣམ་པར་རྟོག་པ་མི་འབྱུང་བའི་ཕྱིར་དང་། ཕྱི་རོལ་ན་སྣང་བའི་དངོས་པོ་དངོས་པོ་
D108.049.0245b07.01