完整藏文原文 · 德格版页 当前仅加载第 49 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
སྤྲིན་དང་རྨི་ལམ་གློག་ལྟ་བུར། །རབ་ཏུ་རྟོག་ན་རྣམ་གྲོལ་ཞིང་། །རྒྱུན་གསུམ་དག་ནི་གཏན་དུ་སྤོངས། །འདི་ལ་བྱེད་པ་གང་ཡང་མེད། །སྨིག་རྒྱུ་ནམ་མཁའ་ཇི་བཞིན་ཏེ། །དེ་ལྟར་ཆོས་རྣམས་རབ་ཤེས་ན། །ཤེས་པར་བྱ་བ་ཅི་ཡང་མེད། །བསྟན་པ་དག་ནི་མིང་ཙམ་སྟེ། །དེ་ལ་མཚན་
D108.049.0224a01.01ཉིད་ཡོད་མ་ཡིན། །གང་ལ་རྣམ་རྟོག་སྐྱེད་པ་ཡི། །ཕུང་པོའི་འདུ་བྱེད་སྐྲ་ཤད་འདྲ། །རི་མོ་སྐྲ་ཤད་འཛིངས་པ་དང་། །སྒྱུ་མ་རྨི་ལམ་དྲི་ཟའི་གྲོང་། །མགལ་མེའི་འཁོར་ལོའི་སྨིག་རྒྱུ་དག ། མེད་ཀྱང་སེམས་ཅན་རྣམས་ལ་སྣང་། །རྟག་དང་མི་རྟག་གཅིག་ཐ་དད། །གཉི་ག་གཉིས་མིན་དེ་བཞིན་ཏེ། །ཐོག་མ་མེད་ཀྱི་ཉེས་
D108.049.0224a02.01འབྲེལ་བས། །བྱིས་པ་མོས་པས་རབ་ཏུ་རྟོག །མེ་ལོང་ཆུ་དང་མིག་རྣམས་དང་། །ཡིད་བཞིན་ནོར་བུ་རིན་པོ་ཆེ། །དེ་ན་གཟུགས་བརྙན་སྣང་མོད་ཀྱི། །དེ་ནི་ཡང་དག་ཡོད་པ་མིན། །དངོས་པོར་སྣང་བ་ཐམས་ཅད་ནི། །རི་མོ་དང་ནི་སྨིག་རྒྱུ་བཞིན། །རྣམ་པ་སྣ་ཚོགས་གཟུགས་སྣང་ཡང་། །རྨི་ལམ་འདྲ་སྟེ་ཡོད་མ་ཡིན། །གཞན་
D108.049.0224a03.01ཡང་བློ་གྲོས་ཆེན་པོ་དེ་བཞིན་གཤེགས་པ་རྣམས་ཀྱི་བསྟན་པའི་ཆོས་ནི་མུ་བཞི་དང་བྲལ་བ་ཡིན་ཏེ། འདི་ལྟ་སྟེ། གཅིག་པ་དང་། ཐ་དད་པ་དང་། གཉི་ག་དང་། གཉི་ག་མ་ཡིན་པ་དང་། ཡོད་པ་དང་། མེད་པ་དང་། ཡོད་པ་ཡང་མ་ཡིན། མེད་པ་ཡང་མ་ཡིན་པ་དང་། རྟག་པ་དང་། མི་རྟག་པ་སྤངས་པ། ཡོད་པ་དང་།
D108.049.0224a04.01མེད་པའི་སྒྲོ་འདོགས་པ་དང་། སྐུར་པ་ལས་རྣམ་པར་གྲོལ་བའོ། །དེ་བཞིན་གཤེགས་པའི་ཆོས་བསྟན་པ་ནི་ཡང་དག་པའི་བདེན་པ་དང་། རྟེན་ཅིང་འབྲེལ་པར་འབྱུང་བ་དང་། ལམ་དང་། འགོག་པ་དང་། རྣམ་པར་ཐར་པ་རབ་ཏུ་འབྱེད་ཅིང་སྡུད་པར་བྱེད་པས་དེ་དག་སྔོན་དུ་བཏང་བ་ཡིན་གྱི། ངོ་བོ་ཉིད་དང་། དབང་
D108.049.0224a05.01ཕྱུག་དང་། རྒྱུ་མེད་པ་དང་། རྡུལ་ཕྲ་མོ་དང་། དུས་དང་། རང་བཞིན་དང་འབྲེལ་བར་ཆོས་སྟོན་པ་ནི་མ་ཡིན་ནོ། །གཞན་ཡང་བློ་གྲོས་ཆེན་པོ་ཉོན་མོངས་པ་དང་། ཤེས་བྱའི་སྒྲིབ་པ་རྣམ་པར་དག་པར་བྱ་བའི་ཕྱིར་དེད་དཔོན་ལྟར་ཚིག་བརྒྱ་རྩ་བརྒྱད་དང་། སྣང་བ་མེད་པ་དང་། ཐེག་པ་དང་། ས་རྣམས་ཤིན་ཏུ་རྣམ་པར་
D108.049.0224a06.01འབྱེད་པའི་མཚན་ཉིད་ལ་མཐར་གྱིས་རབ་ཏུ་འཇུག་གོ། །གཞན་ཡང་བློ་གྲོས་ཆེན་པོ་བསམ་གཏན་རྣམ་པ་བཞི་ཡོད་དེ་རྣམ་པ་བཞི་གང་ཞེ་ན། འདི་ལྟ་སྟེ། བྱིས་པ་ཉེ་བར་སྤྱོད་པའི་བསམ་གཏན་དང་། དོན་རབ་ཏུ་འབྱེད་པའི་བསམ་གཏན་དང་། དེ་བཞིན་ཉིད་དམིགས་པའི་བསམ་གཏན་དང་། དེ་བཞིན་གཤེགས་པའི་
D108.049.0224a07.01