完整藏文原文 · 德格版页 当前仅加载第 49 函德格 246b 版页；藏文 NFD、目录标记与异常页序保留在来源切片中，重复版页行以稳定序号区分。
བྱས་པ་ཡིན། །བྱས་པ་རྣམས་ནི་བདག་ཡོད་མིན། །དངོས་པོས་དངོས་པོ་མི་སྐྱེད་དེ། །དངོས་པོ་གཉིས་ཡོད་སྐྱོན་ཕྱིར་དང་། །དངོས་པོ་གཉིས་མེད་སྐྱོན་གྱི་ཕྱིར། །དངོས་པོ་རྣམས་ནི་གཉིས་སུ་མེད། །འདུས་བྱས་ཆོས་རྣམས་རབ་བརྟགས་ཏེ། །དམིགས་བྱེད་དམིགས་
D108.049.0246b01.01བྱ་ཡོངས་སྤངས་ན། །དེ་ནི་སེམས་མེད་སེམས་ཙམ་སྟེ། །སེམས་ཙམ་དུ་ཡང་ངས་བཤད་དོ། །ཙམ་ནི་ངོ་བོ་ཉིད་ཀྱི་གནས། །རྐྱེན་དངོས་གཉི་ག་སྤངས་པ་སྟེ། །དངོས་པོ་མཐར་ཐུག་དག་གི་མཆོག །སེམས་ཙམ་ཞེས་ནི་ངས་བཤད་དོ། །ཀུན་རྫོབ་བདག་
D108.049.0246b02.01ཅེས་ཉེར་བརྟགས་པ། །དེ་ནི་རྫས་སུ་ཡོད་མ་ཡིན། །ཕུང་པོ་ཕུང་པོ་ཞེས་བཏགས་པ། །དངོས་མེད་པ་ཡང་དེ་བཞིན་ནོ། །མཉམ་པ་ཉིད་ནི་རྣམ་བཞི་སྟེ། །མཚན་ཉིད་དང་རྒྱུ་དངོས་ལས་བྱུང་། །གསུམ་པ་བདག་མེད་མཉམ་པ་སྟེ། །བཞི་པ་རྣལ་འབྱོར་རྣལ་འབྱོར་
D108.049.0246b03.01པ། །རྣམ་རྟོག་བག་ཆགས་གཡོས་པས་ན། །སེམས་ནི་རྣམ་པ་སྣ་ཚོགས་སྐྱེས། །ཡུལ་རྣམས་ཕྱི་རོལ་སྣང་བར་གྱུར། །དེ་ནི་འཇིག་རྟེན་སེམས་ཙམ་མོ། །ཕྱི་རོལ་སྣང་བ་ཡོད་མིན་ཏེ། །སེམས་ནི་སྣ་ཚོགས་རྣམས་སུ་སྣང་། །ལུས་དང་ལོངས་སྤྱོད་རྣམས་གཞག་
D108.049.0246b04.01པ། །སེམས་ཙམ་དུ་ནི་ངས་བཤད་དོ། །ལྟ་བ་ཐམས་ཅད་ཡོངས་སྤོངས་ཤིང་། །རྟོག་དང་བརྟག་བྱ་བྲལ་བ་སྟེ། །དམིགས་མེད་སྐྱེ་བ་མེད་པ་ནི། །སེམས་ཙམ་དུ་ཡང་ངས་བཤད་དོ། །དངོས་མེད་དངོས་མེད་མ་ཡིན་པ། །དངོས་དང་དངོས་མེད་སྤངས་པས་ན། །སེམས་
D108.049.0246b05.01དེ་རྣམ་པར་གྲོལ་ཞེས་པ། །སེམས་ཙམ་དུ་ཡང་ངས་བཤད་དོ། །དེ་བཞིན་ཉིད་དང་ཡང་དག་མཐའ། །མྱ་ངན་འདས་དང་ཆོས་ཀྱི་དབྱིངས། །སྣ་ཚོགས་ཡིད་ཀྱི་ལུས་རྣམས་ནི། །སེམས་ཙམ་དུ་ཡང་ངས་བཤད་དོ། །དེ་ནས་བྱང་ཆུབ་སེམས་དཔའ་བློ་གྲོས་ཆེན་
D108.049.0246b06.01པོས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །འདི་ལྟར་བཅོམ་ལྡན་འདས་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ངག་དང་དོན་ལ་མཁས་པར་བྱའོ། །ཞེས་གསུངས་ན། ཇི་ལྟར་ན་བྱང་ཆུབ་སེམས་དཔའ་ངག་དང་དོན་ལ་མཁས་པ་ལགས། དེ་
D108.049.0246b07.01