完整藏文原文 · 德格版页 当前仅加载第 39 函德格 196a 版页；藏文 NFD、目录标记与异常页序保留在来源切片中，重复版页行以稳定序号区分。
ཞི་བའི་བློ་གྲོས་གཟུངས་ཐོབ་པའི་བྱང་ཆུབ་སེམས་དཔའ་ནི་སེམས་ཀྱི་དྲི་མ་མེད་པ་ཡིན་ནོ། །བསམ་པས་རྣམ་པར་དག་པ་ཡིན་ནོ། །སྦྱོར་བས་གཙང་མ་ཡིན་ནོ། །ལྷག་པའི་བསམ་པས་མངོན་དུ་འཕགས་པ་ཡིན་ནོ། །བསྒྲུབ་པ་ལ་ལེགས་པར་གནས་པ་ཡིན་ནོ། །
D47.039.0196a01.01ཤེས་རབ་ཀྱིས་མངོན་དུ་འཕགས་པ་ཡིན་ནོ། །དམ་བཅས་པ་ཉམས་འོག་ཏུ་ཆུད་པས་བརྟན་པ་ཡིན་ནོ། །བདུད་རྣམས་ཀྱིས་མི་ཤིགས་པ་ཡིན་ནོ། །ཕ་རོལ་མུ་སྟེགས་བྱེད་རྣམས་ཀྱིས་མི་འདུས་པ་ཡིན་ནོ། །ཉོན་མོངས་པ་རྣམས་ཀྱིས་མི་རྫི་བ་ཡིན་ནོ། །ཕ་རོལ་རྒོལ་བ་
D47.039.0196a02.01རྣམས་ཀྱིས་མི་ཐུབ་པ་ཡིན་ནོ། །ལུས་ཀྱིས་སྟོབས་དང་ལྡན་པ་ཡིན་ནོ། །སེམས་ཀྱིས་ཞུམ་པ་མེད་པ་ཡིན་ནོ། །སྤོབས་པས་མི་ཟད་པ་ཡིན་ནོ། །བསྟན་པ་རྣམས་ལ་མཐའ་ཡས་པ་ཡིན་ནོ། །ངེས་པའི་ཚིག་རྣམས་ལ་མུ་མེད་པ་ཡིན་ནོ། །ཡེ་ཤེས་ཀྱིས་ཆགས་པ་མེད་པ་ཡིན་ནོ། །
D47.039.0196a03.01བློས་གཏིང་དཔག་དཀའ་བ་ཡིན་ནོ། །བདེན་པ་བསྟན་པ་རྣམས་ལ་དོན་ཟབ་པ་ཡིན་ནོ། །ཐོས་པས་རྒྱ་མཚོ་ལྟ་བུ་ཡིན་ནོ། །ཏིང་ངེ་འཛིན་གྱིས་ལྷུན་པོ་དང་མཚུངས་པ་ཡིན་ནོ། །འཁོར་གྱི་ནང་ན་སེང་གེ་དང་མཚུངས་པ་ཡིན་ནོ། །འཇིག་རྟེན་གྱི་ཆོས་རྣམས་ལ་པད་མ་དང་མཚུངས་པ་ཡིན་ནོ། །
D47.039.0196a04.01སེམས་ཅན་ཐམས་ཅད་ཀྱི་ཉེ་བར་འཚོ་བས་ས་དང་མཚུངས་པ་ཡིན་ནོ། །ཉོན་མོངས་པ་དང་སྲེད་པ་འཁྲུ་བས་ཆུ་དང་མཚུངས་པ་ཡིན་ནོ། །སེམས་ཅན་ཐམས་ཅད་ཡོངས་སུ་སྨིན་པར་བྱེད་པས་མེ་དང་མཚུངས་པ་ཡིན་ནོ། །སེམས་ཅན་ཐམས་ཅད་ལ་སེམས་མཉམ་པས་ཟླ་བ་དང་མཚུངས་པ་
D47.039.0196a05.01ཡིན་ནོ། །ཉོན་མོངས་པའི་མུན་པ་སེལ་བས་ཉི་མ་དང་མཚུངས་པ་ཡིན་ནོ། །ཉོན་མོངས་པའི་དགྲ་འཇོམས་པས་དཔའ་བོ་དང་མཚུངས་པ་ཡིན་ནོ། །སེམས་ཤིན་ཏུ་དུལ་བས་གླང་པོ་དང་མཚུངས་པ་ཡིན་ནོ། །ཆོས་མངོན་དུ་སྒྲོགས་པས་འབྲུག་དང་མཚུངས་པ་ཡིན་ནོ། །ཆོས་ཀྱི་ཆར་འབེབས་
D47.039.0196a06.01པས་ཆར་པ་དང་མཚུངས་པ་ཡིན་ནོ། །སེམས་ཅན་རྣམས་ཀྱི་ཉོན་མོངས་པའི་ནད་ཞི་བར་བྱེད་པས་སྨན་པ་དང་མཚུངས་པ་ཡིན་ནོ། །ཆོས་ཀྱི་རྒྱལ་སྲིད་བྱེད་པས་རྒྱལ་པོ་དང་མཚུངས་པ་ཡིན་ནོ། །འཇིག་རྟེན་གྱི་ཆོས་སྐྱོང་བས་འཇིག་རྟེན་སྐྱོང་བ་དང་མཚུངས་པ་ཡིན་ནོ། །ལྷ་དང་མི་རྣམས་ཀྱི་སྤྱན་དུ་གྱུར་
D47.039.0196a07.01