完整藏文原文 · 德格版页 当前仅加载第 39 函德格 178b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་ཤེས་ནས་མཚན་མར་མི་འཛིན་ཅིང་མངོན་རྟགས་སུ་མི་འཛིན་པ་ཡིན་ཏེ། ཆོས་རྣམས་ཀྱི་རོ་མྱང་བ་དང་། ཉེས་དམིགས་དང་འབྱུང་བ་ཡང་ཡང་དག་པ་ཇི་ལྟ་བ་བཞིན་དུ་རབ་ཏུ་ཤེས་ཏེ་འདི་ནི་བག་ཡོད་པ་ཞེས་བྱའོ། །གཞན་ཡང་བག་ཡོད་པ་ནི་གང་རང་གི་སེམས་འདུལ་བ་དང་།
D47.039.0178b01.01གཞན་གྱི་སེམས་རྗེས་སུ་སྲུང་བ་དང་། ཉོན་མོངས་པ་ལ་དགའ་བ་སེལ་བ་དང་། ཆོས་ལ་དགའ་བའི་རྗེས་སུ་འཇུག་པ་དང་། འདོད་པ་ལ་རྣམ་པར་རྟོག་པ་དང་། གནོད་སེམས་ཀྱི་རྣམ་པར་རྟོག་པ་དང་། རྣམ་པར་འཚེ་བའི་རྣམ་པར་རྟོག་པ་རྣམས་ཀྱི་རྒྱུ་བ་མེད་པ་དང་། མི་དགེ་བའི་རྩ་བ་
D47.039.0178b02.01ཆགས་པ་དང་། ཞེ་སྡང་དང་། གཏི་མུག་གི་རྒྱུ་བ་མེད་པ་དང་། ལུས་ཀྱི་ཉེས་པར་སྤྱོད་པའི་རྒྱུ་བ་མེད་པ་དང་། ངག་གི་ཉེས་པར་སྤྱོད་པའི་རྒྱུ་བ་མེད་པ་དང་། ཡིད་ཀྱི་ཉེས་པར་སྤྱོད་པའི་རྒྱུ་བ་མེད་པ་དང་། ཚུལ་བཞིན་མ་ཡིན་པ་ཡིད་ལ་བྱེད་པའི་རྒྱུ་བ་མེད་པ་དང་། སྡིག་པ་མི་དགེ་བའི་ཆོས་
D47.039.0178b03.01ཐམས་ཅད་ཀྱི་རྒྱུ་བ་མེད་པ་སྟེ། འདི་ནི་བག་ཡོད་པ་ཞེས་བྱའོ། །གྲོགས་པོ་དག་དེ་ལྟར་ན་བག་ཡོད་པར་ཚུལ་བཞིན་ཡིད་ལ་བྱེད་པ་ལ་བརྩོན་པའི་བྱང་ཆུབ་སེམས་དཔའ་ནི་དད་པ་དང་། བག་ཡོད་པ་དང་ལྡན་པ་ཡིན་ནོ། །གསང་བ་པའི་བདག་པོ་དད་པ་མང་བ་དང་། རྟག་ཏུ་འཐུན་པ་
D47.039.0178b04.01དང་། ཆོས་དོན་དུ་གཉེར་བ་དང་ཆོས་འདོད་པར་བྱའོ། །གསང་བ་པའི་བདག་པོ་དད་པ་དང་ལྡན་པའི་སྐྱེས་བུ་གང་ཟག་ནི་འཇིག་རྟེན་ཕ་རོལ་དུ་ངན་འགྲོའི་འཇིགས་པ་མེད་པ་ཡིན་ཏེ། དེའི་སེམས་ཉེས་པར་སྤྱོད་པ་ལ་མི་འགྲོའོ། །འཕགས་པ་རྣམས་ཀྱིས་བསྔགས་པར་འགྱུར་རོ། །གསང་བ་པའི་
D47.039.0178b05.01བདག་པོ་གཞན་ཡང་ཆོས་སྤྱོད་པ་ལ་གནས་པའི་སྐྱེས་བུ་གང་ཟག་ནི་ཆོས་དང་ལྡན་པར་འགྲོ་བ་ཡིན་ཏེ། སངས་རྒྱས་མཐོང་བ་རྣམས་མཉེས་པར་བྱེད་དོ། །འཕགས་པའི་ལམ་ལ་ཡང་གནས་སོ། །ཆེ་བ་ཉིད་ཀྱང་འཐོབ་བོ། །གསང་བ་པའི་བདག་པོ་ཆེ་བ་ཉིད་ཐོབ་ནས་ཆེ་བ་ཉིད་འདི་ལྟ་སྟེ། དེ་བཞིན་
D47.039.0178b06.01གཤེགས་པའི་ཡེ་ཤེས་ཐོབ་པར་བྱེད་པའི་བྱང་ཆུབ་ཀྱི་སེམས་ཡོངས་སུ་རྫོགས་པར་བྱའོ། །གསང་བ་པའི་བདག་པོ་གཞན་ཡང་བདེ་བ་ཐོབ་པར་འདོད་པའི་སྐྱེས་བུ་གང་ཟག་གིས་ཤིན་ཏུ་གྲུབ་པ་དང་། བདེ་བ་ཡོངས་སུ་མྱ་ངན་ལས་འདས་པ་ལ་བརྩོན་པར་བྱའོ། །གསང་བ་པའི་བདག་པོ་སྔོན་
D47.039.0178b07.01