完整藏文原文 · 德格版页 当前仅加载第 39 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་ལ་སུ་ཞིག་ཟློག་པར་བགྱིད། གནོད་པར་བགྱིད། སྤོང་བར་བགྱིད། བཅོམ་ལྡན་འདས་བདག་གིས་ནི་སྔོན་གྱི་དགེ་བའི་རྩ་བ་རྣམས་ལ་བྱས་པ་མི་གཟོ་བར་མི་བགྱིའོ། །གང་གི་མཐུས་བདག་ཉོན་མོངས་པའི་དྲི་མ་ཐམས་ཅད་དང་། སྡིག་པ་ཐམས་ཅད་ལས་རྣམ་པར་
D47.039.0193a01.01ལོག་པའི་དེ་བཞིན་གཤེགས་པ་ལ་བདག་གི་ཤ་དང་། ཁྲག་གིས་ཀྱང་བཀའ་དྲིན་གླན་པའི་རྔོ་མི་ཐོག་ལགས་སོ། །བཅོམ་ལྡན་འདས་གང་གི་མཐུས་བདག་གིས་བཟང་པོ་མ་ལགས་པའི་འགྱོད་པ་ཆེན་པོ་བསལ་བ་དང་། ཆོས་སྣང་བ་ཆེན་པོ་ཐོབ་པར་བགྱིད་པའི་འཇམ་དཔལ་གཞོན་
D47.039.0193a02.01ནུར་གྱུར་པ་ཡུན་རིང་པོའི་དགེ་བའི་བཤེས་གཉེན་ལ་ཡང་བདག་གིས་ལན་གླན་པའི་རྔོ་མི་ཐོག་ལགས་སོ། །ཚངས་པའི་སྤྱོད་པ་འདི་མཐའ་དག་ནི་འདི་ལྟ་སྟེ། དགེ་བའི་བཤེས་གཉེན་ལས་བྱུང་ངོ་། །ཞེས་བགྱི་བ་ནི་བཅོམ་ལྡན་འདས་ཀྱིས་ལེགས་པར་གསུངས་པའོ། །
D47.039.0193a03.01མ་སྐྱེས་དགྲས་ཞུས་པ་ལུང་བསྟན་པའི་ལེའུ་ཞེས་བྱ་བ་སྟེ་ཉི་ཤུ་རྩ་གཉིས་པའོ།། །།བམ་པོ་བཅུ་པ་སྟེ་ཐ་མ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བ་
D47.039.0193a04.01པའི་བདག་པོ་གང་གི་ཚེ་བཅོམ་ལྡན་འདས་ཀྱིས་སྤྲུལ་པ་སྤྲུལ་པ་དེའི་ཚེ། ཁྱོད་ཀྱང་སྤྲུལ་པ་སྤྲུལ་ལམ། ལག་ན་རྡོ་རྗེས་སྨྲས་པ། བཅོམ་ལྡན་འདས་མངོན་སུམ་དུ་བཞུགས་པ་འདི་ཁོ་བོའི་དབང་ཡིན་ཏེ། ཞི་བའི་བློ་གྲོས་གལ་ཏེ་དེ་བཞིན་གཤེགས་པས་དེ་བཞིན་གཤེགས་
D47.039.0193a05.01པ་གང་གཱའི་ཀླུང་གི་བྱེ་མ་སྙེད་ཅིག་སྤྲུལ་ན་ཁོ་བོའི་སྤྲུལ་པ་གཟུགས་ཐ་དད་པ། རྣམ་པར་རྩེན་པ་ཐ་དད་པ་ཡང་དེ་སྙེད་དེ་དག་གི་རྗེས་སུ་འབྲང་བ་ཡིན་ཏེ། ཞི་བའི་བློ་གྲོས་འདི་ནི་སྔོན་གྱི་བསམ་པ་ཡོངས་སུ་དག་པའི་རྒྱུ་འཐུན་པའོ། །དེ་ནས་བྱང་ཆུབ་སེམས་དཔའ་ཞི་བའི་བློ་
D47.039.0193a06.01གྲོས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་སྨྲས་སོ། །གསང་བ་པའི་བདག་པོ་གང་གི་ཕྱིར་ཕྱི་མའི་ཚེ་ལྔ་བརྒྱ་ཐ་མ་ལ་ཆོས་ཀྱི་རྣམ་གྲངས་འདི་སྤྱོད་པ་དང་། རྒྱས་པར་འགྱུར་བ་དང་། ཆོས་ཀྱི་རྣམ་གྲངས་འདི་དམ་པའི་ཆོས་ཡོངས་སུ་འཛིན་པ་སྐྱེས་བུ་དམ་པ་དེ་དག་གི་
D47.039.0193a07.01