完整藏文原文 · 德格版页 当前仅加载第 39 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
འགྱུར། དེའི་བྱང་ཆུབ་སེམས་དཔའི་འཁོར་ནི་ཅི་འདྲ་བ་ཞིག་ཏུ་འགྱུར་སྙམ་མོ། །དེ་ནས་བཅོམ་ལྡན་འདས་ཀྱིས་དེའི་ཚེ་བྱང་ཆུབ་སེམས་དཔའ་དེ་དག་གི་སེམས་ཀྱི་ཡོངས་སུ་རྟོག་པ་ཐུགས་ཀྱིས་མཁྱེན་ནས་དེའི་ཚེ་འཛུམ་པ་མཛད་དོ། །འདི་ནི་སངས་རྒྱས་བཅོམ་
D47.039.0166a01.01ལྡན་འདས་རྣམས་ཀྱི་ཆོས་ཉིད་དེ་གང་གི་ཚེ་འཛུམ་པ་མཛད་པ་དེའི་ཚེ། འོད་ཟེར་ཁ་དོག་སྣ་ཚོགས་འབྱུང་བས། དེ་ནས་བཅོམ་ལྡན་འདས་ཀྱི་ཞལ་གྱི་སྒོ་ནས་འོད་ཟེར་ཁ་དོག་དུ་མ་དང་ལྡན་པ་ཁ་དོག་ཐ་དད་པ་འདི་ལྟ་སྟེ། སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ལེབ་རྒན་དང་།
D47.039.0166a02.01ཤེལ་དང་། དངུལ་གྱི་ཁ་དོག་ལྟ་བུ་བྱུང་ནས་འོད་དེས་འཇིག་རྟེན་གྱི་ཁམས་མཐའ་ཡས་མུ་མེད་པ་ཁྱབ་པར་བྱས་ཏེ། ཚངས་པའི་འཇིག་རྟེན་གྱི་བར་དུ་མངོན་པར་འཕགས་ནས་སླར་ལོག་སྟེ། བཅོམ་ལྡན་འདས་ལ་ལན་གསུམ་བསྐོར་བ་བྱས་ནས། བཅོམ་ལྡན་འདས་ཀྱི་དབུའི་གཙུག་ཏུ་ནུབ་
D47.039.0166a03.01པར་གྱུར་ཏོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཞི་བའི་བློ་གྲོས་ཀྱིས་ཚིགས་སུ་བཅད་པའི་དབྱངས་ཀྱིས་བཅོམ་ལྡན་འདས་ལ་འཛུམ་པ་མཛད་པའི་དོན་ཞུས་པ། འོད་བཟང་དྲི་མ་མི་མངའ་གསེར་དང་འདྲ། །ཟླ་བའི་ཞལ་འདྲ་ཞི་གནས་ལེགས་པར་བཞུགས། །ཉི་མ་ལྟ་བུ་
D47.039.0166a04.01མུན་པ་འཇོམས་མཛད་པ། །མི་མཆོག་ཅི་ཡི་སླད་དུ་འཛུམ་པ་བསྟན། །མོས་པས་ཞི་གནས་རྫིང་དུ་རབ་ཏུ་བཞུགས། །ཐུགས་རྗེ་ཆུ་བ་བརྩོན་འགྲུས་སྟོབས་ཀྱིས་འཁྲུངས། །དྲན་པས་ཁ་བྱེ་ཡོན་ཏན་དྲི་ཞིམ་ལྡན། །བདེ་གཤེགས་པད་མ་ཅི་སླད་འཛུམ་པ་མཛད། །དྲན་པ་སྣོད་བཟང་ཞི་
D47.039.0166a05.01གནས་མར་ལགས་ཏེ། །སྙིང་པོ་ཐུགས་རྗེ་དྲི་མ་གསུམ་སེལ་མཛད། །ཤེས་རབ་མར་མེས་མུན་པ་སེལ་མཛད་པ། །བདེ་གཤེགས་མར་མེ་ཅི་སླད་འཛུམ་པ་མཛད། །དཀྱིལ་འཁོར་ཐུགས་རྗེ་ལྷག་མཐོང་འོད་ལྡན་པ། །རབ་རིབ་སེལ་བ་སྲིད་པ་སྐམ་མཛད་པ། །འགྲོ་བ་རྒྱས་མཛད་མིག་ནི་
D47.039.0166a06.01སྤྱོད་མཛད་པ། །བདེ་གཤེགས་ཉི་མ་ཅི་སླད་འཛུམ་པ་མཛད། །ཁྱོད་ནི་འགྲོ་བའི་བསམ་པ་རབ་ཏུ་མཁྱེན། །ཁྱོད་ནི་ལྷར་བཅས་འགྲོ་ནའང་ལྷང་ངེ་བ། །དྲང་སྲོང་ཆེན་པོའི་ཞལ་དུ་འཁོར་རྣམས་ལྟ། །མི་མཆོག་ཅི་སླད་འདིར་ནི་འཛུམ་པ་མཛད། །དེ་སྐད་ཅེས་གསོལ་པ་དང་། བཅོམ་ལྡན་འདས་ཀྱིས་བྱང་ཆུབ་
D47.039.0166a07.01