完整藏文原文 · 德格版页 当前仅加载第 39 函德格 164b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་སྐྱེའོ། །སེམས་ཅན་གང་དག་ཅང་ཤེས་པ་དེ་དག་ལ་བྱང་ཆུབ་སེམས་དཔའ་བྱས་པ་གཟོ་བའི་བློ་སྐྱེའོ། །སེམས་ཅན་གང་དག་རྐྱེན་གྱི་སྟོབས་ཅན་ཡིན་པ་དེ་དག་ལ་བྱང་ཆུབ་སེམས་དཔའ་རྗེས་སུ་སྲུང་བའི་བློ་སྐྱེའོ། །སེམས་ཅན་གང་དག་རྒྱུའི་སྟོབས་ཅན་ཡིན་པ་དེ་དག་ལ་བྱང་
D47.039.0164b01.01ཆུབ་སེམས་དཔའ་ཆད་པས་གཅད་པ་དང་། བསྡིགས་པ་དང་། གདམས་པའི་བློ་སྐྱེའོ། །སེམས་ཅན་གང་དག་ཟུར་ཙམ་གྱིས་གོ་བ་དེ་དག་ལ་བྱང་ཆུབ་སེམས་དཔས་ཟབ་མོའི་གཏམ་བརྗོད་པར་བྱའོ། །སེམས་ཅན་གང་དག་རྣམ་པར་སྤྲོས་པས་གོ་བ་དེ་དག་ལ་བྱང་ཆུབ་སེམས་དཔས་
D47.039.0164b02.01གཏམ་རྒྱས་པར་བརྗོད་པར་བྱའོ། །སེམས་ཅན་གང་དག་བཀྲི་དགོས་པ་དེ་དག་ལ་བྱང་ཆུབ་སེམས་དཔས་གཏམ་{གོ་རིམས་སུ་,གོ་རིམ་དུ་}ཕབ་སྟེ་བརྗོད་པར་བྱའོ། །སེམས་ཅན་གང་དག་ཚིག་ལྷུར་ལེན་པ་དེ་དག་ལ་ཚིག་དང་ཡི་གེ་བསྙུངས་ཏེ་གཏམ་བརྗོད་པར་བྱའོ། །གང་དག་ཞི་གནས་སྔོན་
D47.039.0164b03.01དུ་འགྲོ་བ་དེ་དག་ལ་ལྷག་མཐོང་གི་གཏམ་བརྗོད་པར་བྱའོ། །གང་དག་ལྷག་མཐོང་སྔོན་དུ་འགྲོ་བ་དེ་དག་ལ་ཏིང་ངེ་འཛིན་ལ་འདུག་པའི་གཏམ་བརྗོད་པར་བྱའོ། །གང་དག་ཚུལ་ཁྲིམས་ལ་ཆགས་པ་དེ་དག་ལ་མཐར་ཕྱིན་པ་མ་ཡིན་པས་ཡང་སེམས་ཅན་དམྱལ་བའི་གཏམ་བརྗོད་པར་
D47.039.0164b04.01བྱའོ། །སེམས་ཅན་གང་དག་ཐོས་པ་ལ་ཆགས་པ་དེ་དག་ལ་འབྱུང་བའི་གཏམ་བརྗོད་པར་བྱའོ། །སེམས་ཅན་གང་དག་ཏིང་ངེ་འཛིན་ལ་ཆགས་པ་དེ་དག་ལ་ཤེས་རབ་ལ་འཇུག་པའི་གཏམ་བརྗོད་པར་བྱའོ། །སེམས་ཅན་གང་དག་དགོན་པའི་གནས་ལ་ཆགས་པ་དེ་དག་ལ་སེམས་
D47.039.0164b05.01དབེན་པར་བྱ་བའི་གཏམ་བརྗོད་པར་བྱའོ། །གང་དག་སྦྱངས་པའི་ཡོན་ཏན་དང་། ཡོ་བྱད་བསྙུངས་པ་ལ་ཆགས་པ་དེ་དག་ལ་འཕགས་པའི་ཤེས་རབ་ཀྱི་དབང་པོའི་གཏམ་བརྗོད་པར་བྱའོ། །གང་དག་གཏི་མུག་ཆེ་བ་དེ་དག་ལ་ཐོས་པས་སྣང་བའི་གཏམ་བརྗོད་པར་བྱའོ། །གང་
D47.039.0164b06.01དག་འདོད་ཆགས་ཀྱིས་ནོན་པ་དེ་དག་ལ་མི་སྡུག་པའི་གཏམ་བརྗོད་པར་བྱའོ། །གང་དག་ཞེ་སྡང་གིས་ནོན་པ་དེ་དག་ལ་བྱམས་པའི་གཏམ་བརྗོད་པར་བྱའོ། །གང་དག་གཏི་མུག་གིས་ནོན་པ་དེ་དག་ལ་རྟེན་ཅིང་འབྲེལ་པར་འབྱུང་བའི་གཏམ་བརྗོད་པར་བྱའོ། །སེམས་ཅན་གང་དག་ཆ་
D47.039.0164b07.01