完整藏文原文 · 德格版页 当前仅加载第 39 函德格 139a 版页；藏文 NFD、目录标记与异常页序保留在来源切片中，重复版页行以稳定序号区分。
ཅན་ཐམས་ཅད་ཀྱི་སེམས་དང་སེམས་ལས་བྱུང་བའི་འཇུག་པ་ཇི་སྙེད་པར་འདི་ལྟ་སྟེ། སེམས་ཅན་ཐམས་ཅད་ཚིམ་པར་བྱ་བའི་ཕྱིར་དེ་བཞིན་གཤེགས་པ་ཆོས་སྟོན་པའི་གསུང་གི་ཡན་ལག་གི་རྣམ་པ་ཡང་དེ་སྙེད་དུ་འབྱུང་སྟེ། དེ་ལ་ཡང་དེ་བཞིན་གཤེགས་པ་ནི་
D47.039.0139a01.01རྣམ་པར་མི་རྟོག་ཅིང་། བཏང་སྙོམས་པའོ། །དེ་ལ་འདི་སྐད་ཅེས་བྱ་སྟེ། སྟོང་གསུམ་སེམས་ཅན་གང་ཡིན་པ། །དེ་དག་རང་རྒྱལ་འདྲེན་གྱུར་པས། །བསྐལ་པར་སེམས་ཅན་གཅིག་ཅིག་གི །སེམས་ཀྱི་ཁམས་ཀྱང་མི་ཤེས་སོ། །སེམས་ཅན་གཅིག་ཡིད་ཇི་སྙེད་པ། །
D47.039.0139a02.01སངས་རྒྱས་ཀྱིས་ནི་རབ་མཁྱེན་ཀྱང་། །ང་ཡིས་ཡིད་འདི་ཤེས་སོ་ཞེས། །དེ་ནི་རྟོག་པར་མི་འགྱུར་རོ། །དུས་གསུམ་སེམས་ཅན་ཐམས་ཅད་ཀྱི། སེམས་པ་དག་ནི་ཇི་སྙེད་པ། །འཇིག་རྟེན་མགོན་པོ་ཆོས་སྟོན་ཚེ། །དབྱངས་ཀྱི་ཡན་ལག་དེ་སྙེད་དོ། །ཆོས་ཀྱི་བདག་པོ་གསུང་
D47.039.0139a03.01བ་ན། །དབྱངས་ཀྱི་ཡན་ལག་ཇི་སྙེད་པ། །ཆོས་ཀྱི་མིང་གིས་བཤད་པ་ཡི། །ཆོས་བསྟན་པ་ཡང་དེ་ཙམ་མོ། །སེམས་ཅན་ཀུན་གྱི་གཟུགས་དང་ནི། །མིང་དང་སེམས་པ་ཇི་སྙེད་པ། །སེམས་ཅན་སྙིང་པོའི་སྤུ་གཅིག་ནས། །འོད་ཟེར་འབྱུང་བ་དེ་སྙེད་དོ། །འཇིག་རྟེན་
D47.039.0139a04.01མགོན་པོའི་སྤུ་ཀུན་གྱི། །འོད་ཟེར་དག་ནི་ཇི་སྙེད་པ། །མི་ཡི་དབང་པོ་ཆོས་སྟོན་ཚེ། །གསུང་གི་ཡན་ལག་དེ་བས་མང་། །དཔེ་བཀོད་ནས་ནི་སངས་རྒྱས་ཀྱིས། །བསྐལ་པར་རབ་ཏུ་བསྟན་མཛད་ཀྱང་། །སངས་རྒྱས་ཀྱི་ནི་གསུང་དབྱངས་ཀྱི། མཐའ་མ་རྙེད་པར་མི་འགྱུར་རོ། །
D47.039.0139a05.01ཉོན་མོངས་གཟུགས་ཅན་མ་ཡིན་རྣམས། །གཟུགས་ཅན་མིན་པའི་ཚིག་གིས་བརྗོད། གཟུགས་ཅན་མིན་པའི་ཚིག་གིས་ནི། །ཉོན་མོངས་གཟུགས་མེད་ཞི་བར་བྱེད། །ཇི་ལྟར་ཚིག་ནི་གཟུགས་མེད་པ། །ཐམས་ཅད་དུ་ནི་མི་དམིགས་ཏེ། །དེ་ལྟར་ཉོན་མོངས་གཟུགས་མེད་པ། །
D47.039.0139a06.01ཤིན་ཏུ་དམིགས་པར་མི་འགྱུར་རོ། །ཇི་ལྟར་ཚིག་ནི་ཡོད་མིན་ཏེ། །ནང་དང་ཕྱི་རོལ་མི་གནས་པ། །དེ་ལྟར་ཉོན་མོངས་རྣམས་མེད་ཅིང་། །ནང་དང་ཕྱི་རོལ་མི་གནས་སོ། །ཇི་ལྟར་ཕྱོགས་བཅུར་སངས་རྒྱས་གསུངས། །གང་ཡང་རྙེད་པར་མི་འགྱུར་བ། །དེ་ལྟར་ཉོན་མོངས་མི་དམིགས་
D47.039.0139a07.01