完整藏文原文 · 德格版页 当前仅加载第 39 函德格 174b 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་དང་། བདུག་པ་དང་། སྤོས་དང་། ཕྲེང་བ་དང་། བྱུག་པ་དང་། ཕྱེ་མ་དང་། གོས་དང་། གདུགས་དང་། རྒྱལ་མཚན་དང་། བ་དན་རྣམས་ཀྱིས་བཅོམ་ལྡན་འདས་ལ་མཆོད་པ་བྱས་ཏེ། སིལ་སྙན་དང་། རོལ་མོ་བྱས་ནས། བཅོམ་ལྡན་འདས་ལ་ཕྱག་འཚལ་ཏེ།
D47.039.0174b01.01དགེ་སློང་གི་དགེ་འདུན་དང་། བྱང་ཆུབ་སེམས་དཔའི་ཚོགས་དང་བཅས་པར་ལྷན་ཅིག་ཏུ་རང་གི་འཁོར་གྱི་ཁྱམས་སུ་སྤྱན་དྲངས་སོ། །དེ་ནས་བཅོམ་ལྡན་འདས་འཁོར་གྱི་ཁྱམས་དེར་ས་ལ་མི་རྟེན་པ་རྣམ་པ་ཐམས་ཅད་ཀྱི་མཆོག་དང་ལྡན་པ་ཉིད་ཀྱི་སེང་གེའི་གདན་ཇི་ལྟར་བཤམས་པ་ལ་
D47.039.0174b02.01བཞུགས་སོ། །བྱང་ཆུབ་སེམས་དཔའ་དང་ཉན་ཐོས་ཆེན་པོ་དེ་དག་དང་། ཐམས་ཅད་དང་ལྡན་པའི་འཁོར་ཡང་སྟན་ཅི་རིགས་བ་དག་ལ་འཁོད་དོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དེ་དག་དང་། ལྷའི་འཁོར་ཆེན་པོ་དེ་ལ་
D47.039.0174b03.01འདི་སྐད་ཅེས་སྨྲས་སོ། །ཁྱེད་དེ་བཞིན་གཤེགས་པ་ལ་བསུ་བགྱིས་ཤིག །མཆོད་པ་དང་། རིམ་གྲོ་གྱིས་ཤིག །དེ་ནི་དེ་བཞིན་གཤེགས་པས་ཀྱང་། །དེ་ལ་གང་དག་ཡི་རང་དང་། །ཞལ་ཏ་བྱ་བ་བྱེད་པ་ནི། །དེ་དག་བསོད་ནམས་སྐལ་བ་ཅན། །དེ་དག་ཡོན་ནི་ཆུང་
D47.039.0174b04.01བ་མིན། །ཞེས་བཀའ་སྩལ་གྱིས། དེ་ལ་གྲོགས་པོ་དག་ཁྱེད་ཀྱིས་རྗེས་སུ་ཡི་རང་བ་དང་ལྡན་པ་དང་། ཞལ་ཏ་བྱ་བ་དང་ལྡན་པའི་བསོད་ནམས་བྱ་བའི་དངོས་པོ་ལོང་ཤིག །དེ་ནས་ལྷའི་བུ་དེ་དག་གིས་འཁོར་གྱི་ཁྱམས་བཀོད་པ་དེ་དང་། སེང་གེའི་ཁྲི་བཀོད་པ་ཡང་མཐོང་ངོ་། །དེ་
D47.039.0174b05.01མཐོང་ནས་ངོ་མཚར་དུ་གྱུར་ཏེ། འདི་ནི་དེ་བཞིན་གཤེགས་པའི་མཐུའམ། འོན་ཏེ་གསང་བ་པའི་བདག་པོའི་འམ། སུའི་ཡིན་ཞེས་ཆེད་དུ་བརྗོད་པ། ཆེད་དུ་བརྗོད་པ་དང་། དེ་དག་གིས་བར་སྣང་ལས་འདི་ནི་གསང་བ་པའི་བདག་པོའི་བྱིན་གྱི་རླབས་ཡིན་ཏེ། གྲོགས་པོ་དག་སངས་རྒྱས་ཀྱི་ཞིང་འདི་ནས་
D47.039.0174b06.01ཤར་ཕྱོགས་ལོགས་སུ་སངས་རྒྱས་ཀྱི་ཞིང་གང་གཱའི་ཀླུང་གི་བྱེ་མ་སྙེད་འདས་པ་ན་འཇིག་རྟེན་གྱི་ཁམས་ཡོན་ཏན་རིན་པོ་ཆེ་མཐའ་ཡས་པ་བཀོད་པ་ཞེས་བྱ་བ་དེ་ན་དེ་བཞིན་གཤེགས་པ་བཀོད་པ་ཆེན་པོའི་རྒྱལ་པོ་ཞེས་བྱ་བ་ཆོས་སྟོན་པ་དེར་གསང་བ་པའི་བདག་པོ་ལག་ན་རྡོ་རྗེས་བཀོད་པ་རྣམ་པ་འདི་ལྟ་བུ་
D47.039.0174b07.01