完整藏文原文 · 德格版页 当前仅加载第 39 函德格 189a 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྱིར་ལྕི་བ་ཡིན་ནོ། །སེམས་ཅན་ང་རྒྱལ་མེད་པ་དང་། དྲང་བ་རྣམས་ལ་ནི་ཡང་བ་ཡིན་ནོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་ས་ཕྱོགས་དེ་རྡོ་རྗེར་བྱིན་གྱིས་བརླབས་ནས་རྡོ་རྗེ་དེ་སའི་སྟེང་དུ་བཞག་པ་དང་། དེ་བཞག་མ་ཐག་ཏུ་སྟོང་གསུམ་གྱི་སྟོང་ཆེན་
D47.039.0189a01.01པོའི་འཇིག་རྟེན་གྱི་ཁམས་རྣམ་པ་དྲུག་ཏུ་རབ་ཏུ་གཡོས་སོ། །དེ་ནས་གསང་བ་པའི་བདག་པོ་ལག་ན་རྡོ་རྗེས་རྒྱལ་པོ་མ་སྐྱེས་དགྲ་ལ་འདི་སྐད་ཅེས་སྨྲས་སོ། །རྒྱལ་པོ་ཆེན་པོ་ཁྱོད་ཀྱིས་རྡོ་རྗེ་འདི་སའི་སྟེང་འདི་ནས་ཐེག་ཤིག །དེ་ནས་རྒྱལ་པོ་མ་སྐྱེས་དགྲ་ཚན་པོ་ཆེན་པོའི་སྟོབས་ཀྱི་
D47.039.0189a02.01ཤུགས་ཆེན་པོ་དང་ལྡན་པས་རྡོ་རྗེ་དེ་སྟོབས་ཀྱི་ཤུགས་ཐམས་ཅད་ཀྱིས་འདེག་པར་བསྐྱོད་ན་སྐྲའི་རྩེ་མོ་ཙམ་ཡང་བསྐྱོད་པའམ། བསྒུལ་བར་མ་ནུས་ནས་དེ་ངོ་མཚར་དུ་གྱུར་ཏེ་ཐལ་མོ་སྦྱར་ནས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་བདག་ནི་ཚན་པོ་ཆེན་པོའི་
D47.039.0189a03.01སྟོབས་ཀྱི་ཤུགས་དང་ལྡན་ཏེ། གོ་ཆ་དང་ཡ་ལད་བསྐོན་པའི་གླང་པོ་ཆེ་ཡང་ལག་པ་ཡ་ཅིག་གིས་གདེག་པའི་རྔོ་ཐོག་ན། བདག་གིས་རྡོ་རྗེ་འདི་ལྟར་ཆུང་བ་འདི་བསྐྱོད་པའམ། བསྒུལ་བའི་རྡོ་ཡང་མ་ཐོག་ན། གདེག་པར་ལྟ་སྨོས་ཀྱང་ཅི་འཚལ་ཏེ། འདི་ལ་རྒྱུ་ཅི་ཞིག་མཆིས། བཅོམ་
D47.039.0189a04.01ལྡན་འདས་ཀྱིས་བཀའ་སྩལ་པ། རྒྱལ་པོ་ཆེན་པོ་རྡོ་རྗེ་འདི་ནི་ལྕི་ཡིས། འདི་ལ་ཁྱོད་ཡི་མ་འཆད་ཅིག །དེ་ནས་རྒྱལ་པོ་མ་སྐྱེས་དགྲས་ལྷའི་དབང་པོ་བརྒྱ་བྱིན་ལ་འདི་སྐད་ཅེས་སྨྲས་སོ། །ཀཽ་ཤི་ཀ་ཁྱོད་རྡོ་རྗེ་འཆང་བ་ཞེས་བྱ་ན་རྡོ་རྗེ་འདི་སའི་སྟེང་འདི་ནས་ཐེག་ཤིག །དེ་ནས་ལྷའི་དབང་པོ་
D47.039.0189a05.01བརྒྱ་བྱིན་གྱིས་རང་གི་སྟོབས་ཀྱི་ཤུགས་དང་། རྫུ་འཕྲུལ་གྱི་སྟོབས་དང་། སྟོབས་ཀྱི་ཤུགས་ཐམས་ཅད་བསྟན་ཀྱང་རྡོ་རྗེ་དེ་བསྐྱོད་པའམ། བསྒུལ་བར་མ་ནུས་སོ། །དེ་ནས་ལྷའི་དབང་པོ་བརྒྱ་བྱིན་ངོ་མཚར་དུ་གྱུར་ཏེ། བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་
D47.039.0189a06.01བདག་གང་གི་ཚེ་ལྷ་མ་ཡིན་དང་གཡུལ་འགྱེད་པ་དེའི་ཚེ་ལག་པ་གཡས་པས་ལྷ་མ་ཡིན་གྱི་དབང་པོ་ཐག་ཟངས་རིས་ཀྱི་ཤིང་རྟ་དཔག་ཚད་བདུན་བརྒྱ་པ་དྲག་ཏུ་མཆི་བ་ཡང་འཛིན་པའི་རྔོ་ཐོག་ན། བདག་གིས་རྡོ་རྗེ་ཆུང་ངུ་འདི་བསྐྱོད་པའམ། བསྒུལ་བའི་རྔོ་མ་ཐོག་པ་འདི་བཅོམ་ལྡན་འདས་ཅི་ལགས།
D47.039.0189a07.01