完整藏文原文 · 德格版页 当前仅加载第 39 函德格 134a 版页；藏文 NFD、目录标记与异常页序保留在来源切片中，重复版页行以稳定序号区分。
དབབ་པར་བསྟན་པའི་སྡེའམ། དཔེ་འམ། སྔོན་གྱི་ཚུལ་ལམ། རྟོགས་པ་བརྗོད་པའི་སྡེ་འམ། ཀུན་ཏུ་བསྙད་པ་འདི་སྟོན་ཏོ་ཞེ་འམ། རབ་ཏུ་གསལ་བར་མཛད་དོ་ཞེ་འམ། རབ་ཏུ་ཤེས་པར་མཛད་དོ་ཞེ་འམ། རབ་ཏུ་འཇོག་གོ་ཞེ་འམ། རྣམ་
D47.039.0134a01.01པར་འབྱེད་དོ་ཞེ་འམ། རྣམ་པར་འགྲེལ་ཏོ་ཞེ་འམ། རྗོད་དོ་ཞེ་འམ། ཡང་དག་པར་བསྒྲགས་པར་མཛད་དོ་སྙམ་དུ་མི་དགོངས་སོ། །དེ་ལྟ་མོད་ཀྱི། དེ་བཞིན་གཤེགས་པའི་འཁོར་འདུས་པ་ཅི་འདྲ་བ་དགེ་སློང་གི་འཁོར་རམ། དགེ་སློང་མའི་འཁོར་རམ། དགེ་བསྙེན་གྱི་འཁོར་རམ།
D47.039.0134a02.01དགེ་བསྙེན་མའི་འཁོར་རམ། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོའི་འཁོར་ཀྱང་རུང་སྟེ། དེར་དེ་དག་གི་དབང་པོའི་རིམ་པ་དང་། དེ་དག་ཅི་འདྲ་བའི་ཆོས་ཀྱི་སྦྱིན་པ་ཐོས་པས་དགོས་པར་འགྱུར་
D47.039.0134a03.01བ་དེ་འདྲ་བའི་ཆོས་ཀྱི་སྦྱིན་པ་ཐོས་པ་དེ་དེ་བཞིན་གཤེགས་པའི་ཞལ་གྱི་སྒོ་ནས་འབྱུང་བར་ཤེས་ཀྱང་ཆོས་བསྟན་པ་དེ་ནི་ཕན་ཚུན་གྱི་ངེས་པའི་ཚིག་ཐ་དད་པ་ལ་གནོད་པ་མེད་པར་ཐམས་ཅད་ཀྱང་རང་རང་གི་ཆོས་རྣམ་པར་རིག་པ་ཀུན་ཏུ་ཤེས་ཏེ། ཞི་བའི་བློ་གྲོས། འདི་ནི་དེ་བཞིན་གཤེགས་པའི་
D47.039.0134a04.01གསུང་གི་གསང་བའོ། །ཞི་བའི་བློ་གྲོས། གཞན་ཡང་དེ་བཞིན་གཤེགས་པས་སེམས་ཅན་ཚད་མེད་པ་དག་གི་སྤྱོད་པ་ཚད་མེད་པ་གསུང་ན། སེམས་ཅན་གྱི་སྤྱོད་པ་བརྒྱད་ཁྲི་བཞི་སྟོང་ཞེས་འབྱུང་བ་ནི། སེམས་ཅན་དབང་པོ་མཐུ་ཆུང་བ་རྣམས་གཟུད་པའི་ཕྱིར་བསྟན་པ་འདི་དེ་བཞིན་
D47.039.0134a05.01གཤེགས་པས་བསྟན་གྱི། ཞི་བའི་བློ་གྲོས། སེམས་ཅན་གྱི་སྤྱོད་པ་ནི་ཚད་མེད་དེ་སེམས་ཅན་འདོད་ཆགས་ལ་སྤྱོད་པ་རྣམས་ཀྱི་སྤྱོད་པ་གང་ཡིན་པ་དེ་བསྐལ་པ་ཙམ་དུ་བཤད་ཀྱང་དེ་བས་ལྷག་པར་འགྱུར་རོ། །ཞེ་སྡང་ལ་སྤྱོད་པ་རྣམས་ཀྱི་གང་ཡིན་པ་དང་། གཏི་མུག་ལ་སྤྱོད་པ་
D47.039.0134a06.01རྣམས་ཀྱི་གང་ཡིན་པ་དང་། སེམས་ཅན་ཆ་མཉམ་པ་ལ་སྤྱོད་པ་རྣམས་ཀྱི་སྤྱོད་པ་གང་ཡིན་པ་དེ་དག་བསྐལ་པ་ཙམ་དུ་བསྟན་ཀྱང་དེ་དག་རེ་རེ་ཡང་དེ་བས་ལྷག་པར་འགྱུར་རོ། །ཞི་བའི་བློ་གྲོས། གལ་ཏེ་དེ་བཞིན་གཤེགས་པའི་སྐུ་ཚེའི་ཚད་བསྐལ་པ་བརྒྱ་སྟོང་དུ་
D47.039.0134a07.01