完整藏文原文 · 德格版页 当前仅加载第 39 函德格 164a 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ལྟ་སྟེ། དཔེར་ན་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན་ས་ལས་སྐྱེ་བ་ནི་སྐྱེ་བ་ཇི་ལྟ་བར་སྐྱེས་པའི་སེམས་ཅན་རྣམས་ཀྱི་ཡོངས་སུ་སྤྱད་པར་མི་འགྱུར་བ་གང་ཡང་མེད་དོ། །ཞི་བའི་བློ་གྲོས་དེ་བཞིན་དུ་བྱང་ཆུབ་སེམས་དཔའ་ཐབས་ལ་མཁས་པའི་
D47.039.0164a01.01བྱང་ཆུབ་ཀྱི་ཕྱིར་ཡོངས་སུ་སྤྱད་པ་དང་། བྱང་ཆུབ་ཀྱི་ཕྱིར་ཕན་འདོགས་པར་མི་མཐོང་བའི་དམིགས་པ་གང་ཡང་མེད་དོ། །ཞི་བའི་བློ་གྲོས་འདི་ལྟ་སྟེ། དཔེར་ན་གཟུགས་གང་ཅི་ཡང་རུང་སྟེ་དེ་ཐམས་ཅད་ནི་འབྱུང་བ་ཆེན་པོ་བཞི་ལས་གྱུར་པའོ། །ཞི་བའི་བློ་གྲོས་དེ་བཞིན་དུ་ཐབས་ལ་
D47.039.0164a02.01མཁས་པའི་བྱང་ཆུབ་སེམས་དཔའ་རྣམས་ཀྱི་དམིགས་པ་གང་ཅི་ཡང་རུང་སྟེ། དེ་ཐམས་ཅད་ནི་བྱང་ཆུབ་ཀྱི་རྣམ་པ་དང་ཡང་དག་པར་ལྡན་པའོ། །ཞི་བའི་བློ་གྲོས་སེམས་ཅན་གང་དག་འཇུངས་པ་དང་། བྱས་པ་མི་གཟོ་བ་དེ་དག་ལས་བྱང་ཆུབ་སེམས་དཔའི་སྦྱིན་པའི་ཕ་རོལ་ཏུ་ཕྱིན་པ་དང་།
D47.039.0164a03.01ཚུལ་ཁྲིམས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །སེམས་ཅན་གང་དག་ཁྲོ་བ་ལ་སྤྱོད་པ་དང་། །ལེ་ལོ་ཅན་དེ་དག་ལས་བྱང་ཆུབ་སེམས་དཔའི་བཟོད་པའི་ཕ་རོལ་ཏུ་ཕྱིན་པ་དང་། བརྩོན་འགྲུས་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །སེམས་ཅན་གང་
D47.039.0164a04.01དག་གླེན་པ་དང་། རྨོངས་པ་དེ་དག་ལས་བྱང་ཆུབ་སེམས་དཔའི་བསམ་གཏན་གྱི་ཕ་རོལ་ཏུ་ཕྱིན་པ་དང་། ཤེས་རབ་ཀྱི་ཕ་རོལ་ཏུ་ཕྱིན་པ་ཡོངས་སུ་རྫོགས་པར་འགྱུར་རོ། །སེམས་ཅན་གང་དག་ཕན་མི་འདོགས་པ་དེ་དག་ལས་བྱང་ཆུབ་སེམས་དཔའ་ཁོང་ཁྲོ་བའི་སེམས་སུ་མི་འགྱུར་རོ། །སེམས་ཅན་
D47.039.0164a05.01གང་དག་ཕན་འདོགས་པ་དེ་དག་ལ་བྱང་ཆུབ་སེམས་དཔའ་རྗེས་སུ་ཆགས་པའི་སེམས་སུ་མི་འགྱུར་རོ། །སེམས་ཅན་གང་དག་བསྔགས་པ་རྗོད་པ་དེ་དག་ལ་ཡང་བྱང་ཆུབ་སེམས་དཔའ་ཁེངས་པར་མི་འགྱུར་རོ། །སེམས་ཅན་གང་དག་བསྔགས་པ་མི་རྗོད་པ་དེ་དག་ལ་ཡང་བྱང་ཆུབ་སེམས་དཔའི་སྲོ་ཤི་བར་
D47.039.0164a06.01མི་འགྱུར་རོ། །སེམས་ཅན་གང་དག་སྡུག་བསྔལ་བ་དེ་དག་ལ་བྱང་ཆུབ་སེམས་དཔའ་སྙིང་རྗེ་ཆེན་པོ་སྐྱེའོ། །སེམས་ཅན་གང་དག་བདེ་བ་དེ་དག་ལ་བྱང་ཆུབ་སེམས་དཔའ་དགའ་བ་དང་མཆོག་ཏུ་དགའ་བ་སྐྱེའོ། །སེམས་ཅན་གང་དག་གདུལ་དཀའ་བ་དང་། དམུ་རྒོད་དེ་དག་ལ་བྱང་ཆུབ་སེམས་དཔའ་ཞི་གནས་ཀྱི་
D47.039.0164a07.01