完整藏文原文 · 德格版页 当前仅加载第 95 函德格 288a 版页；藏文 NFD、目录标记与异常页序保留在来源切片中，重复版页行以稳定序号区分。
སྟོང་པ་ཉིད་དོ། །སྟོང་པ་ཉིད་གང་ཡིན་པ་དེ་ལྷག་མཐོང་ངོ་། །ལྷག་མཐོང་གང་ཡིན་པ་དེ་ཞི་གནས་སོ། །ཞི་གནས་གང་ཡིན་པ་དེ་རྣམ་པར་ཐར་པའོ། །རྣམ་པར་ཐར་པ་གང་ཡིན་པ་དེ་དབུ་མའི་ལམ་ཡིན་ནོ། །དབུ་མའི་ལམ་གང་ཡིན་པ་དེ་ལ་མཐའ་གཅིག་
D751.095.0288a01.01མེད། མཐའ་གཉིས་མེད། གཟུང་བ་མེད། འཛིན་པ་པོ་མེད། འཛིན་པ་མེད། ཆད་པ་མེད། རྟག་པ་མེད། སྐྱེ་བ་མེད། འགག་པ་མེད། རྟོག་པ་མེད། རྣམ་པར་རྟོག་པ་མེད། རང་དབང་མེད། གཞན་གྱི་དབང་མེད། འགྲོ་བ་མེད། འོང་བ་
D751.095.0288a02.01མེད། ཀུན་ནས་ཉོན་མོངས་པ་མེད། རྣམ་པར་བྱང་བ་མེད། འདུ་བ་མེད། འབྲལ་བ་མེད་དེ། དེ་ནི་ལྷག་མཐོང་ཡིན་ནོ། །ལྷག་མཐོང་གང་ཡིན་པ་དེ་ལ་ཕུང་པོ་རྣམས་མེད། ཁམས་རྣམས་མེད། དབང་པོ་རྣམས་མེད། སྐྱེ་མཆེད་རྣམས་མེད། ཡུལ་རྣམས་མེད། ཡུལ་
D751.095.0288a03.01དུ་གདགས་པ་མེད། ལས་མེད། ལས་ཀྱི་འབྲས་བུ་མེད་དོ། །གང་ལ་ལས་མེད་ཅིང་ལས་ཀྱི་འབྲས་བུ་མེད་པ་དེ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་གང་ཡིན་པ་དེ་བླ་ན་མེད་པ་ཡང་དག་
D751.095.0288a04.01པར་རྫོགས་པར་སངས་རྒྱས་སོ། །བླ་ན་མེད་པ་ཡང་དག་པར་རྫོགས་པའི་སངས་རྒྱས་གང་ཡིན་པ་དེ་ཆོས་སོ། །ཆོས་གང་ཡིན་པ་དེ་མི་སྐྱེ་མི་འཆིའོ། །མི་སྐྱེ་མི་འཆི་བ་གང་ཡིན་པ་དེ་ནམ་མཁའ་དང་མཉམ་པ་ཉིད་དུ་ཁོང་དུ་ཆུད་པར་བྱའོ། །བཙུན་པ་ཤ་ར་དྭ་ཏིའི་
D751.095.0288a05.01བུས་སྨྲས་པ། རིགས་ཀྱི་བུ་ཁྱོད་ཀྱིས་ཏིང་ངེ་འཛིན་བསྟན་པ་བཤད་པ་འདི་ནི་ཤིན་ཏུ་ཟབ་སྟེ། འདི་ལ་ཉན་ཐོས་དང་། རང་སངས་རྒྱས་ཐམས་ཅད་ཀྱི་འགྲོ་བ་ཡང་མེད་ན། འཇིག་རྟེན་པའི་མུ་སྟེགས་ཅན་དང་། ཕས་ཀྱི་རྒོལ་བ་ཐམས་ཅད་ལྟ་སྨོས་ཀྱང་ཅི་དགོས།
D751.095.0288a06.01ཆོས་ཀྱི་རྣམ་གྲངས་འདི་ནི་དགེ་བའི་རྩ་བ་མ་བསྐྱེད་པ་དང་། མོས་པ་ཆུང་བ་ཐམས་ཅད་ཀྱིས་ཤེས་པ་དཀའ་བ་སྟེ། གཞན་དུ་ན་འདི་དེ་བཞིན་གཤེགས་པའི་སྤྱན་གྱི་ཡུལ་དུ་གྱུར་པ་ནི་མ་གཏོགས་སོ། །དེ་ལ་དེ་བཞིན་གཤེགས་པའི་སྤྱན་ནི་དམིགས་པ་མེད་པ་གནས་པ་མེད་
D751.095.0288a07.01