完整藏文原文 · 德格版页 当前仅加载第 95 函德格 281a 版页；藏文 NFD、目录标记与异常页序保留在来源切片中，重复版页行以稳定序号区分。
འཇིགས་འཇིགས་ལྟར་འདུག་སྟེ། མི་བཟད་པ་རྣ་བ་ལས་འཕྱང་བའི་སྦྲུལ་དུག་འཐོར་བ་དང་། བ་ལང་སྣ་ལྟ་བུ་དང་། གཟར་བུ་ལྟ་བུ་དང་། སྦྲུལ་ཆེན་པོ་ཁ་གདངས་པའི་ཁ་ནས་བྱུང་བའི་མཆེ་བའི་རྩེ་མོ་ནས་དུག་དྲག་པོ་འབར་བ་འབྱུང་བའི་ཚོགས་ཀྱི་ཕྲེང་བ་བཞིན་དུ་མེ་
D751.095.0281a01.01འབར་བ། ལག་པ་སྟོང་ཕྲག་དུ་མ་ལ་རྡོ་རྗེ་དང་། ཞགས་པ་དང་། གཏུན་ཤིང་དང་། གཏུན་ཤིང་རྐེད་ཉག་དང་། རལ་གྲི་དང་། འཁོར་ལོ་དང་། ལྕགས་སྒྲོག་ལ་སོགས་པ་ཐོགས་པའི་མཚོན་ཆའི་རྩེ་མོ་ལ་མེ་སྟག་རབ་ཏུ་འཕྲོ་བའི་སྣང་བས་སྟོང་གསུམ་གྱི་སྟོང་ཆེན་པོའི་
D751.095.0281a02.01འཇིག་རྟེན་གྱི་ཁམས་ཀྱི་ཁོངས་སུ་གཏོགས་པའི་གནོད་སྦྱིན་དང་། སྲིན་པོ་དང་། {ཡི་དགས་,ཡི་དྭགས་}དང་། ཤ་ཟ་དང་། མ་མོ་དང་། འབྱུང་པོའི་གདོན་དང་། བགེགས་དང་། ལོག་འདྲེན་ལ་སོགས་པ་སྡང་བ་རབ་ཏུ་སྡང་བའི་སེམས་ཅན་སྐྲག་པར་བྱེད་པ་{རི་དགས་,རི་དྭགས་}ཀྱི་དབང་པོའི་པགས་པ་
D751.095.0281a03.01ཁྲག་དང་བཅས་པ་ཤམ་ཐབས་སུ་བགོས་པ། སྦྲུལ་ཆེན་པོའི་ལུས་ཀྱིས་རྒྱ་གྲམ་དུ་དམ་དུ་བཅིངས་པ། འཇིགས་པ་བས་ཀྱང་འཇིགས་པར་བྱེད་པ། འཆི་བདག་ཀྱང་སྐྲག་པར་བྱེད་པ། ཁམས་གསུམ་པ་ཐམས་ཅད་ཀྱིས་བསྡུས་པ་ལྟ་བུའི་ལུས་དང་ལྡན་པའི་ཁྲོ་བོར་གྱུར་ནས་ལུས་
D751.095.0281a04.01ཀྱི་ཚིགས་ཐམས་ཅད་ལས་ཀྱང་ཁྲོ་བོ་ཁ་དོག་དུ་མ་འདི་ལྟ་སྟེ། ཁ་དོག་སྔོན་པོ་དང་། སེར་པོ་དང་། དམར་པོ་དང་། དཀར་པོ་དང་། ནག་པོ་སྟེ། ཐམས་ཅད་ཀྱང་རྡོ་རྗེའི་རང་བཞིན་ཅན་ཁྲོ་གཉེར་མི་མཉམ་པས་རྣམ་པར་སྤྲས་པའི་གཉེར་མའི་ཁྲེམ་གཉེར་ཅན་གྱི་དཔྲལ་བའི་དབྱེས་ནས་
D751.095.0281a05.01མེ་སྟག་ལྟ་བུའི་རྡུལ་གྱིས་ཐིགས་པ་རྩུབ་པོ་འཛག་པ་ལས། དུག་འཆང་རྣམ་པ་སྣ་ཚོགས་ཀུན་དུ་བྱུང་བས་ཡན་ལག་དང་། ཉིང་ལག་ཀུན་དུ་དཀྲིས་པའི་མངོན་རྟགས་ཅན་དུ་གྱུར་ཅིང་རྡོ་རྗེ་དྲག་ཤུལ་ཅན་དུ་སྣང་སྟེ། མཆེ་བ་མི་བཟད་པར་འདུག་པའི་ཁ་གདངས་པ་ལས་ཧ་ཧ་ཞེས་གད་མོ་རྟ་
D751.095.0281a06.01གད་འབྱུང་ཞིང་། འཇིག་པའི་དུས་ཀྱི་རླུང་གིས་ཆར་པ་དང་བཅས་པའི་སྤྲིན་དཀྲུགས་པ་ལས་ཆར་གྱི་རྒྱུན་རགས་པ་འབབ་པས་ཡོངས་སུ་གང་བས་རྒྱ་མཚོ་དཀྲུགས་ནས་རླབས་ཆེན་པོ་གཡོ་བ་དང་། རྟ་རྒོད་མའི་ཁ་ནས་མེ་བྱུང་བ་ལྟ་བུའི་ཧཱུྃ་ཞེས་བྱ་བ་ཟབ་ཅིང་བརྟན་པས་རྒྱུ་བའི་འབྱུང་པོའི་
D751.095.0281a07.01