完整藏文原文 · 德格版页 当前仅加载第 95 函德格 284b 版页；藏文 NFD、目录标记与异常页序保留在来源切片中，重复版页行以稳定序号区分。
དང་ལྡན་པའི་ཆུའི་རྒྱུན་གྱེན་དུ་བྱུང་ངོ་། །ཆུའི་རྒྱུན་དེ་དག་གིས་རྣམ་པར་འཇིག་པའི་དུས་ཀྱི་ཆུ་བཞིན་དུ་ས་ཆེན་པོ་ཐམས་ཅད་ཀུན་དུ་གང་བར་སྣང་ངོ་། །གང་དག་སའི་འོག་ནས་གནས་པའི་ཀླུ་ཆེན་པོ་དང་། ལྷ་ཆེན་པོ་དང་། ལྷ་མ་ཡིན་ཆེན་པོ་དང་། དེ་དག་ཐམས་ཅད་ཀྱང་སའི་འོག་ནས་འཐོན་ཅིང་།
D751.095.0284b01.01རི་རབ་ཀྱི་དྲུང་དུ་འཐོན་ཏེ་གྱེན་དུ་བྱུང་ནས་བཅོམ་ལྡན་འདས་ལ་སྐྱབས་སུ་དོང་ངོ་། །དེ་ནས་དྲག་ཤུལ་ཅན་དྲག་ཤུལ་ཅན་གྱི་སེམས་དང་ལྡན་པ། སྡང་བ་སྡང་བའི་སེམས་དང་ལྡན་པའི་འབྱུང་པོ་དང་། བགེགས་དང་། ལོག་འདྲེན་གང་དག་འཁོད་པ་དེ་དག་ཀྱང་ཀུན་དུ་འབར་རབ་ཏུ་འབར་ཞིང་། ཀུན་
D751.095.0284b02.01དུ་རབ་ཏུ་འབར་ཏེ་མེ་ལྕེ་གཅིག་ཏུ་གྱུར་པ་དག་གིས་རང་རང་གི་ལུས་ཀུན་དུ་རྣམ་པར་འཇོམས་པར་ཤེས་ཏེ། དེ་དག་སྡུག་བསྔལ་མི་བཟད་ཅིང་དྲག་ལ་རྩུབ་པས་ཉེན་ནས་ཧ་ཧ་ཞེས་བྱ་བའི་ངུ་སྐད་འཐོན་ཏེ་ཚིག་འདི་སྐད་ཅེས་སྨྲས་སོ། །གསང་བ་པའི་བདག་པོ་བདག་ཅག་སྐད་ཅིག་གིས་སྲོག་ཀྱང་
D751.095.0284b03.01མ་མཆིས་པར་འགྱུར་དུ་བགྱིད་ན། འཇིགས་པ་ཆེན་པོར་ལྟུང་བ་འདི་ལས་ཡོངས་སུ་བསྐྱབ་ཏུ་གསོལ། བགེགས་དང་ལོག་འདྲེན་རྣམས་ཇི་ལྟ་བ་དེ་བཞིན་དུ་གཞན་འཇིག་རྟེན་གྱི་ཁམས་གཞན་ཐམས་ཅད་ན་གནས་པ་དང་། རི་དང་། ཆུ་བོ་དང་། ལྟེང་ཀ་དང་། རྫིང་དང་། དུར་ཁྲོད་དང་། ཤིང་
D751.095.0284b04.01དང་། ཐིབས་པོ་དང་། ཁྲོན་པ་རྙིང་པ་དང་། བཏུང་ཆུ་དང་། ལམ་གྱི་བཞི་མདོ་དང་། སུམ་མདོ་དང་། གཙུག་ལག་ཁང་ཞིག་པ་དང་། གནས་དང་། ལྷ་ཁང་ན་གནས་པ་དག་ཐམས་ཅད་ཀྱིས་ཀྱང་གསང་བ་པའི་བདག་པོ་ལག་ན་རྡོ་རྗེ་འཇིགས་པ་ཆེན་པོ་ལྷུང་བ་འདི་ལས་ཡོངས་སུ་བསྐྱབ་ཏུ་
D751.095.0284b05.01གསོལ། ཡོངས་སུ་བསྐྱབ་ཏུ་གསོལ་ཞེས་ཆེད་དུ་བརྗོད་པ་ཆེད་དུ་བརྗོད་དོ། །དེ་བཞིན་དུ་ལྷའི་ཁང་པ་ཐམས་ཅད་གཡོས་རབ་ཏུ་གཡོས། ཀུན་དུ་རབ་ཏུ་གཡོས་ཏེ། མོག་མོག་པོར་གྱུར་ཅིང་འོད་མེད་པར་ཀུན་དུ་སྣང་ངོ་། །བདུད་ཀྱི་ཁྱིམ་ཐམས་ཅད་ཀྱང་ཀུན་དུ་འབར། རབ་ཏུ་འབར་ཞིང་
D751.095.0284b06.01ཀུན་དུ་རབ་ཏུ་མཆེད་ཅིང་འབར་ཏེ་མེ་ལྕེ་གཅིག་ཏུ་གྱུར་པར་སྣང་ངོ་། །གང་དག་བདུད་ཀྱི་རིས་ཀྱི་ལྷའི་བུ་དེ་དག་ཐམས་ཅད་ཀྱང་རྡོ་རྗེ་ཁྲོ་བོ་ཆེན་པོས་དངངས་སྐྲག་སྟེ་རང་རང་གི་མགོ་རྡོ་རྗེ་རྣམས་ཀྱིས་རྣམ་པར་འཇོམས་པ་མཐོང་ནས། བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་
D751.095.0284b07.01