完整藏文原文 · 德格版页 当前仅加载第 95 函德格 285a 版页；藏文 NFD、目录标记与异常页序保留在来源切片中，重复版页行以稳定序号区分。
པར་རྫོགས་པའི་སངས་རྒྱས་ཤཱཀྱ་ཐུབ་པ་དང་གསང་བ་པའི་བདག་པོ་ལག་ན་རྡོ་རྗེ་ལ་སྐྱབས་སུ་དོང་ངོ་། །བདུད་སྡིག་ཅན་ཡང་ཤིན་དུ་སྡུག་བསྔལ་བའི་ཚོར་བས་ཉམ་ཐག་ཅིང་སྐྲག་ལ་ཞུམ་སྟེ་གནོད་པས་དངངས་ནས་སངས་རྒྱས་ལ་སྐྱབས་སུ་སོང་། ཆོས་ལ་སྐྱབས་སུ་སོང་། དགེ་འདུན་ལ་
D751.095.0285a01.01སྐྱབས་སུ་སོང་ངོ་། །གསང་བ་པའི་བདག་པོ་ལག་ན་རྡོ་རྗེ་ལ་ཕྱག་འཚལ་ཏེ། ཁྲོ་བོ་ཆེན་པོ་རྡོ་རྗེ་ཁྲོ་བོ་དེ་དག་ལ་འདི་སྐད་ཅེས་སྨྲས་སོ། །རིགས་ཀྱི་བུ་དག་ཡོངས་སུ་སྐྱོབས་ཤིག །ཡོངས་སུ་སྐྱོབས་ཤིག །བདག་ནམ་བྱང་ཆུབ་ཀྱི་སྙིང་པོ་ལ་འདུག་གི་བར་དུ་སངས་རྒྱས་ལ་སྐྱབས་སུ་འགྲོའོ། །ཆོས་ལ་
D751.095.0285a02.01སྐྱབས་སུ་འགྲོའོ། །དགེ་འདུན་ལ་སྐྱབས་སུ་འགྲོའོ། །སེམས་ཅན་ཐམས་ཅད་ཀྱི་དོན་གྱི་ཕྱིར་ཕ་ལྟ་བུ་དང་། མ་ལྟ་བུ་དང་། སྤུན་ལྟ་བུ་དང་། གཉེན་ལྟ་བུ་དང་། སྣག་གི་གཉེན་མཚམས་ལྟ་བུར་འགྱུར་བར་བྱང་ཆུབ་ཏུ་སེམས་བསྐྱེད་དོ། །བདག་དེང་ཕྱིན་ཅད་སེམས་ཅན་ཐམས་ཅད་ཀྱི་ཕ་དང་། མ་དང་། སྤུན་
D751.095.0285a03.01དང་། གཉེན་དང་། སྣག་གི་གཉེན་མཚམས་སུ་འགྱུར་བར་བྱའོ། །ལུས་དང་། ངག་དང་། ཡིད་ཀྱིས་ཅུང་ཟད་གང་ཅི་བྱེད་པ་དེ་སེམས་ཅན་ཐམས་ཅད་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་ཡོངས་སུ་བསྔོའོ། །བདག་དབུགས་ཕྱུང་ནས་གཞན་ཡང་དབུགས་དབྱུང་ངོ་། །བདག་གྲོལ་ནས་གཞན་ཡང་
D751.095.0285a04.01དགྲོལ་ལོ། །བདག་མྱ་ངན་ལས་འདས་ནས་གཞན་ཡང་མྱ་ངན་ལས་བཟླའོ། །རུས་པ་དང་། རྐང་དང་། ཁྲག་དང་། ཤ་དང་། ཉམས་མཐུ་དང་། སྲོག་གིས་ཀྱང་སེམས་ཅན་ཐམས་ཅད་ལ་རིམ་གྲོར་བྱའོ། །མཆོད་པར་བྱའོ། །རྗེད་པར་བྱའོ། །སངས་རྒྱས་དང་བྱང་ཆུབ་སེམས་དཔའ་དང་། འཕགས་
D751.095.0285a05.01པ་ཉན་ཐོས་དང་། རང་སངས་རྒྱས་དང་། སློབ་དཔོན་དང་། བླ་མའི་གནས་ཐམས་ཅད་ལ་ཡང་བསྙེན་བཀུར་བྱའོ། །བསྟི་སྟང་དུ་བྱའོ། །རིམ་གྲོར་བྱའོ། །མཆོད་པར་བྱའོ། །དེ་ནས་བདུད་སྡིག་ཅན་གྱིས་དཀོན་མཆོག་གསུམ་ལ་སྐྱབས་སུ་འགྲོ་བ་བཟུང་སྟེ། བྱང་ཆུབ་ཀྱི་སེམས་རིན་པོ་ཆེ་བསྐྱེད་པ་དང་།
D751.095.0285a06.01ཐམས་ཅད་དང་ལྡན་པའི་འཁོར་དེ་ངོ་མཚར་དུ་གྱུར་ཏེ། དགའ་བ་ཐོབ་ནས་སྒྲ་སྐད་ཀྱི་ང་རོ་གཅིག་ཏུ་འདི་སྐད་ཅེས་སྨྲས་སོ། །གང་གི་ཕྱིར་ན་བདུད་ཁྱོད་ཀྱིས། །སེམས་ཅན་ཀུན་ལ་བདེ་བའི་ཕྱིར། །བླ་མེད་བྱང་ཆུབ་སེམས་བསྐྱེད་པ། །བདག་ཅག་རྗེས་སུ་ཡི་རང་ངོ་། །རིན་ཆེན་སེམས་འདིས་མི་རིང་
D751.095.0285a07.01