完整藏文原文 · 德格版页 当前仅加载第 95 函德格 276b 版页；藏文 NFD、目录标记与异常页序保留在来源切片中，重复版页行以稳定序号区分。
པ། །དེ་དག་ཐུབ་པའི་བྱ་{དགའས་,དགས་}དེ་རིང་ལོ་བུར་དུ། །སྐད་ཅིག་ཏུ་ནི་ཇི་ལྟར་རྣམ་པར་ཞིག་པར་གྱུར། །ཇི་ལྟར་གདུགས་ཀྱིས་མུན་པ་མུན་ནག་ཀུན་བཅོམ་དང་། །ཇི་ལྟར་ཞུགས་འབར་བས་ནི་རས་རྣམས་སྲེག་པ་དང་། །བསེར་མས་ཤིང་བལ་ལྟར་ཡང་སྤྲིན་འཐོར་ཇི་བཞིན་དུ། །དེ་ལྟར་འགྲོ་བའི་
D751.095.0276b01.01སྡིག་པ་བདེ་བར་གཤེགས་ཀྱིས་བཅོམ། །བདེ་གཤེགས་སྲས་པོ་མཐོང་ངམ་ཐོས་སམ་དྲན་གྱུར་ན། །ལྷན་ཅིག་སྐྱེས་དབང་འོད་ཟེར་དྲ་བས་སྡིག་འཕྲོག་པ། །འགྲོ་བ་ཡོངས་ཀྱི་སྲིད་པའི་སྤྲོས་པ་ཞིག་པ་ཡི། །ཐུགས་དང་རྟག་ཏུ་ལྡན་ཞིང་སྐྱོ་བར་འགྱུར་མི་མངའ། །མིག་དང་མགོ་དང་སྙིང་
D751.095.0276b02.01དང་ཤ་ཁྲག་ཚིལ་རྣམས་དང་། །སྲོག་དང་སྡུག་དང་བུ་རྣམས་རྩྭ་ལྟར་བོར་ནས་ནི། །མི་མཚུངས་སེམས་ཅན་དོན་ཕྱིར་ཐུགས་རྗེས་ཐུགས་བརླན་པ། །འཇིག་རྟེན་མགོན་སྲས་དེ་དག་རྣམས་ལ་ཕྱག་འཚལ་ལོ། །{ཡི་དགས་,ཡི་དྭགས་}ལྟོགས་ལ་ཆུ་དང་རོ་བརྒྱའི་ཟས་རྣམས་དང་། །དེ་བཞིན་སྐྱེ་བོ་ནོར་
D751.095.0276b03.01འདོད་སྙིང་དང་ལྡན་པ་ལ། །ཐུགས་རྗེ་སྤྱོད་ཅིང་རྣམ་པ་སྣ་ཚོགས་ཚིམ་མཛད་པ། །བྱང་ཆུབ་སེམས་དཔའ་ཁྱུ་མཆོག་དེ་ལ་སྐྱབས་སུ་མཆི། །གང་དག་མནར་མེད་པ་ཡང་རབ་ཏུ་བསིལ་མཛད་པས། །མཆོག་ཏུ་ཚ་བའི་སེམས་ཅན་དམྱལ་བའང་བསིལ་བར་འགྱུར། །རང་བདེ་མི་གཟིགས་སེམས་
D751.095.0276b04.01ཅན་དོན་བརྩོན་ཐུགས་ལྡན་པ། །འཇིག་རྟེན་མགོན་སྲས་མཉམ་མེད་དེ་ལ་ཕྱག་འཚལ་ལོ། །གང་དག་སྲིད་པར་འཁོར་བའི་སྲིད་པའི་སྐྱོན་ལས་གྲོལ། །སྟོང་པ་གསུང་ཡང་ལས་ཀྱི་འབྲས་བུ་མི་འདོར་ཞིང་། །ཡེ་ཤེས་མེ་ཡིས་རྙོག་པ་བསྲེགས་ཀྱང་ཐུགས་རྗེས་བརླན། །སྤྱོད་པ་རྟག་
D751.095.0276b05.01མེད་དབང་ལྡན་དེ་ལ་ཕྱག་འཚལ་ལོ། །ཀྱེ་མ་དཔལ་ལྡན་རྡོ་རྗེ་སྙིང་པོ་བདེ་གཤེགས་སྲས། །མཚན་གྱིས་མཚན་བཏབ་སྐུ་ལས་འོད་སྟོང་མང་བྱུང་བའི། །དྲི་བ་རྣམས་དང་སྣ་ཚོགས་གླུ་ཡིས་བདག་ཅག་སིམ། །སྐད་ཅིག་གིས་ནི་དམྱལ་ལས་སུམ་ཅུའི་ལྷ་དབང་གྱུར། །བདག་ཅག་
D751.095.0276b06.01རྣམས་ཀྱིས་རྒྱལ་དང་རྒྱལ་སྲས་རྣམས་དང་ནི། །དེ་དག་རྣམས་ཀྱིས་གསུངས་པ་མཆོག་ཏུ་ཞི་ཆོས་ལ། །གུས་བསྟོད་དགེ་བ་རྒྱ་ཆེན་དེ་རིང་གང་ཐོབ་པ། །དེས་མྱུར་འཇིག་རྟེན་ཐམས་ཅད་བདེ་གཤེགས་ཐོབ་པར་ཤོག །དེ་ལྟར་ཚུལ་དང་འདྲ་བའི་ཚིགས་སུ་བཅད་པ་རྣམས་ཀྱིས་བཅོམ་
D751.095.0276b07.01