完整藏文原文 · 德格版页 当前仅加载第 95 函德格 281b 版页；藏文 NFD、目录标记与异常页序保留在来源切片中，重复版页行以稳定序号区分。
ཚོགས་འཇིགས་སྐྲག་སྟེ་འབྱེར་ཞིང་འཐོར་ནས་དངངས་ཏེ་སྐྱབས་སུ་འདོང་ཞིང་འདུད་པས། ཉི་མ་སྟོང་བས་འབར་བའི་ལུས་རྣམས་མཐོང་བ་ན། སྣ་སྒར་སྒུར་ཅན་ཞོམ་པ་ལྟ་བུ་བུ་གཟབ་མོའི་སྦུབས་ཀྱི་ནང་ནས་སྦྲུལ་སྣ་ཚོགས་འཁྱིལ་པའི་གཙུག་གི་ནོར་བུའི་འོད་ཀྱིས་འགྲམ་པ་རྣམ་པར་མཛེས་པ།
D751.095.0281b01.01གློག་སྟོང་འདུས་པ་ལྟར་སེར་ཞིང་དམར་བའི་མིག་གི་འབྲས་བུའི་འོད་ཟེར་གྱིས་སྐྲའི་ཚོགས་རྩུབ་ཅིང་གཤོར་ལ་གྱེན་དུ་འགྲེང་བའི་རྩེ་མོ་བརྒྱན་ཅིང་འདྲེས་ཏེ་གསལ་བར་གྱུར་པ། སྦྲུལ་གྱི་གདེངས་ཀ་སྟོང་གིས་གདུགས་བྱས་ཤིང་། སྦྲུལ་རྣམས་སྣ་ཚོགས་ཀྱི་དོ་ཤལ་དང་། སྐ་རགས་དང་།
D751.095.0281b02.01དཔུང་རྒྱན་དང་། གདུ་བུ་དང་། རྣ་ཆས་ལུས་བརྒྱན་པ། རྡོ་རྗེ་འབར་བ་དྲི་མ་མེད་ཅིང་དྲག་ཤུལ་ཅན་མི་བཟད་པ་ལག་ན་ཐོགས་པ། མཛུབ་མོ་རྣམས་ལས། ཧཱུྃ་ཞེས་བྱ་བའི་སེང་གེའི་སྒྲ་ཆེན་པོ་དག་གིས་བགེགས་དང་། ལོག་འདྲེན་ཐམས་ཅད་ཀུན་དུ་བསྡིགས་པ་དག་འཐོན་ཏེ། གང་དེ་
D751.095.0281b03.01དག་གི་མིག་དང་། ཁ་རྣམས་ནས་གནམ་གྲུམ་པ་ལྟ་བུའི་སྒྲ་ཆེན་པོའི་ཚོགས་ལས་མེ་ལྕེ་ཆེན་པོ་འབར་བའི་ཚོགས་ཀྱི་སྣང་བ་བྱུང་སྟེ། དེས་སྡང་བའི་བགེགས་དང་། ལོག་འདྲེན་ལ་སོགས་པ་དྲག་ཤུལ་ཅན་དྲག་ཤུལ་གྱི་སེམས་དང་ལྡན་པ། སྡིག་པ་ཅན་སྡིག་པའི་སེམས་དང་ལྡན་པ།
D751.095.0281b04.01སྡང་བ་ཅན་སྡང་བའི་སེམས་དང་ལྡན་པ་རྣམས་ཚིག་པར་བྱེད་དོ། །རྨོངས་པར་བྱེད། འཚོག་པར་བྱེད་དེ་མི་བཟད་པ། དྲག་པ་རྩུབ་པ་སྡུག་བསྔལ་བ། ཡིད་དུ་མི་འོང་བའི་ཚོར་བ་མྱོང་བར་བྱེད་དོ། །དེ་དག་ཚོར་བས་ཉེན་པས་དཀོན་མཆོག་གསུམ་ལ་སྐྱབས་སུ་དོང་ངོ་། །དེའི་ཚེ་བདུད་སྡིག་
D751.095.0281b05.01ཅན་གྱིས་བགེགས་དང་། ལོག་འདྲེན་དེ་དག་ཚོར་བ་ཆེན་པོས་ཉེན་ཏེ། དཀོན་མཆོག་གསུམ་ལ་སྐྱབས་སུ་དོང་བ་མཐོང་ནས་འཇིགས་དངངས་སྐྲག་སྟེ་སྐྱབས་མ་རྙེད་ནས་རླུང་དྲག་པོས་བསྐྱོད་པའི་ཤིང་བཞིན་དུ་འདར། རབ་ཏུ་འདར་ཏེ། ངུ་བར་འདོད་ན་ཡང་ངུ་མ་ནུས་ནས་རི་མོ་བཞིན་
D751.095.0281b06.01དུ་ལུས་ཐམས་ཅད་གཡོ་བ་མེད་པར་གྱུར་ཏོ། །དེ་ནས་གསང་བ་པའི་བདག་པོ་ལག་ན་རྡོ་རྗེ་སངས་རྒྱས་ཀྱི་མཐུས་བདུད་སྡིག་ཅན་འདུལ་བར་བྱེད་དེ་སྡང་བ་གདོན་དང་། བགེགས་དང་། ལོག་འདྲེན་ཐམས་ཅད་དང་། བདུད་ཀྱི་དཀྱིལ་འཁོར་ཐམས་ཅད་འཇོམས་པར་བྱེད་པ། རྡོ་རྗེའི་
D751.095.0281b07.01