完整藏文原文 · 德格版页 当前仅加载第 95 函德格 279b 版页；藏文 NFD、目录标记与异常页序保留在来源切片中，重复版页行以稳定序号区分。
གི་བྱེ་མ་སྙེད་ལས་ཤིན་ཏུ་འདས་པའི་འཇིག་རྟེན་གྱི་ཁམས་དག་ན་གསང་བ་པའི་བདག་པོ་ལག་ན་རྡོ་རྗེའི་རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་རྣམ་པར་འཕྲུལ་པའི་བྱིན་གྱིས་བརླབས་ཀྱིས་དེ་བཞིན་དུ་ལེགས་པར་བརྒྱན་པར་ཀུན་དུ་སྣང་ངོ་། །འཇིག་རྟེན་གྱི་ཁམས་དེ་དག་ན་དེ་བཞིན་གཤེགས་པ་
D751.095.0279b01.01དགྲ་བཅོམ་པ་ཡང་དག་པར་རྫོགས་པའི་སངས་རྒྱས་གང་དག་བཞུགས་ཏེ་འཚོ་ཞིང་གཞེས་པ་དེ་དག་ཐམས་ཅད་དེ་ན་བཞུགས་བཞིན་དུ་ཕྱག་གཡས་པ་གསེར་གྱི་ཁ་དོག་ལྟ་བུ་བརྐྱང་སྟེ་འཇམ་ཞིང་མཉེན་ལ་རབ་ཏུ་གཞོན་ཞིང་པདྨ་དང་ཡལ་ག་གཞོན་ཤ་ཆགས་ཤིང་འཇམ་པའི་སོར་མོའི་ངོས་ཅན་
D751.095.0279b02.01གདུགས་དང་། རྒྱལ་མཚན་དང་། ལྕགས་ཀྱུ་དང་། བུམ་པ་དང་། ཉ་དང་། སྒོ་གང་དང་། གཞལ་མེད་ཁང་དང་། དུང་དང་། རྡོ་རྗེ་དང་། པདྨ་དང་། དཔལ་བེའུ་དང་། འཁོར་ལོའི་མཚན་གྱིས་བརྒྱན་པ། ཚེ་རབས་བྱེ་བ་ཁྲག་ཁྲིག་འབུམ་ཕྲག་དུ་མ་ནས་སྦྱིན་པའི་ཕ་རོལ་ཏུ་
D751.095.0279b03.01ཕྱིན་པ་ཡོངས་སུ་རྫོགས་པར་མཛད་པའི་རྒྱུ་མཐུན་པས་མངོན་པར་གྲུབ་པའི་དཔེ་བྱད་བཟང་པོས་རྣམ་པར་སྤྲས་པ། སེན་མོ་ཟངས་འདྲ་ཞིང་རྒྱས་ལ་སྣུམ་ཞིང་སྲབ་པའི་ནོར་བུའི་མདོངས་ཀྱི་མེ་ཏོག་གི་འོད་ཟེར་གྱིས་མཁྲིག་མ་མཛེས་པར་གྱུར་པ། སེམས་ཅན་ཐམས་ཅད་ལ་མི་འཇིགས་པ་སྦྱིན་
D751.095.0279b04.01པ་དང་། ཡང་དག་པར་མཐུན་པའི་ཕྱག་རྣམས་ཀྱིས་གསང་བ་པའི་བདག་པོ་ལག་ན་རྡོ་རྗེ་ལ་ཡང་དག་པར་གཟེངས་བསྟོད་པ་དང་། ཡང་དག་པར་དགའ་བར་བྱ་བའི་ཕྱིར་སྤྱི་བོ་ལ་འཁྱུགས་ནས་དུས་གཅིག་ཏུ་སྒྲ་སྐད་ཀྱི་ང་རོ་གཅིག་གིས་འཇིག་རྟེན་གྱི་ཁམས་ཐམས་ཅད་གོ་བར་མཛད་ཅིང་འདི་སྐད་
D751.095.0279b05.01ཅེས་ཀྱེ་རིགས་ཀྱི་བུ་གང་གི་ཕྱིར་བདུད་སྡིག་ཅན་དང་། གཞན་ཡང་དེ་བཞིན་གཤེགས་པའི་བསྟན་པ་ལ་མ་དད་ཅིང་སྡང་བའི་བགེགས་དང་ལོག་འདྲེན་དྲག་ཤུལ་ཅན་དྲག་ཤུལ་གྱི་སེམས་དང་ལྡན་པ། སེམས་ཅན་ཐམས་ཅད་ཀྱི་དགེ་བའི་རྩ་བ་གཅོད་པའི་ཕྱིར་ཞུགས་པ་ཐམས་ཅད་
D751.095.0279b06.01ཚར་གཅད་པ་དང་། རྣམ་པར་གཞིག་པ་དང་། དེ་བཞིན་དུ་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་དང་པོ་བསྐྱེད་པ་སེམས་ཞུམ་པ་བརྩོན་འགྲུས་བརྟན་པོ་མ་ཡིན་པའི་གོ་ཆ་བགོས་པ་རྣམས་ཀྱང་ཡང་དག་པར་གཟེངས་བསྟོད་པ་དང་། རབ་ཏུ་དགའ་བར་བྱ་བ་ནས་ཁམས་
D751.095.0279b07.01