完整藏文原文 · 德格版页 当前仅加载第 95 函德格 280b 版页；藏文 NFD、目录标记与异常页序保留在来源切片中，重复版页行以稳定序号区分。
བཅོམ་ལྡན་འདས་ཀྱིས་གནང་སྟེ་རིན་པོ་ཆེའི་པདྨའི་སྙིང་པོ་དག་ལ་ཕྱོགས་གཅིག་ཏུ་འཁོད་པའི་བར་དུའོ། །དེ་ནས་བཅོམ་ལྡན་འདས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཤཱཀྱ་ཐུབ་པས་དེའི་ཚེ་གསང་བ་པའི་བདག་པོ་ལག་ན་རྡོ་རྗེ་ལ་འདི་སྐད་ཅེས་བཀའ་སྩལ་ཏོ། །
D751.095.0280b01.01གསང་བ་པའི་བདག་པོ་ལག་ན་རྡོ་རྗེ་བདུད་སྡིག་ཅན་འདི་རྡོ་རྗེའི་ཞགས་པས་བཅིངས་པ་འདི་ལས་ཁྲོལ་ལ་ཇི་ནས་ཀྱང་སངས་རྒྱས་ལ་སྐྱབས་སུ་འགྲོ་བར་འགྱུར་བ་དང་། ཆོས་ལ་སྐྱབས་སུ་འགྲོ་བར་འགྱུར་བ་དང་། དགེ་འདུན་ལ་སྐྱབས་སུ་འགྲོ་བར་འགྱུར་བ་དང་། གཞན་ཡང་གང་དག་ལྷ་དང་། ཀླུ་
D751.095.0280b02.01དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མིའམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་གང་དག་ཇི་ཙམ་དུ་དེ་བཞིན་གཤེགས་པའི་བསྟན་པ་ལ་གནས་པར་འགྱུར་བ་དང་། དེ་བཞིན་གཤེགས་པའི་བསྟན་པ་ལ་ཞུགས་ནས་ཀྱང་ཇི་
D751.095.0280b03.01ནས་ཁོང་དུ་ཆུད་པར་འགྱུར་བ་དེ་ལྟར་གྱིས་ཤིག །དེ་སྐད་ཅེས་བཀའ་སྩལ་པ་དང་། གསང་བ་པའི་བདག་པོ་ལག་ན་རྡོ་རྗེས་བཅོམ་ལྡན་འདས་ཀྱི་ལྟར་མཉན་ནས། བཅོམ་ལྡན་འདས་ལ་ལེགས་སོ་ལེགས་སོ་ཞེས་གསོལ་ཏོ། །བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་འཚལ་
D751.095.0280b04.01ནས། ཡང་རྡོ་རྗེའི་རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་བདུད་ཀྱི་དཀྱིལ་འཁོར་ཐམས་ཅད་འཇོམས་པར་བྱེད་པ་ཞེས་བྱ་བ་ལ་སྙོམས་པར་ཞུགས་སོ། །གསང་བ་པའི་བདག་པོ་ལག་ན་རྡོ་རྗེས་རྡོ་རྗེའི་རྣམ་པར་ཐར་པའི་སྒོ་ཆེན་པོའི་ཏིང་ངེ་འཛིན་བདུད་ཀྱི་དཀྱིལ་འཁོར་ཐམས་ཅད་
D751.095.0280b05.01འཇོམས་པར་བྱེད་པ་ཞེས་བྱ་བ་ལ་སྙོམས་པར་ཞུགས་མ་ཐག་ཏུ་དེ་ནས་དེའི་ཚེ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་འདི་རྣམ་པ་དྲུག་ཏུ་གཡོས་ཏེ། འགུལ་རབ་ཏུ་འགུལ། ཀུན་དུ་རབ་ཏུ་འགུལ་ཏོ། །ཆེམ་ཆེམ། རབ་ཏུ་ཆེམ་ཆེམ། ཀུན་དུ་རབ་ཏུ་ཆེམ་ཆེམ་མོ། །
D751.095.0280b06.01གསང་བ་པའི་བདག་པོ་ལག་ན་རྡོ་རྗེ་ཡང་མེ་ལྕེ་འབར་བ་གཅིག་ཏུ་གྱུར་ཏེ། འབར་རབ་ཏུ་འབར། ཀུན་དུ་རབ་ཏུ་མཆེད་ཅིང་འབར་ཏེ། འཇིགས་སུ་རུང་བའི་མཆེ་བ་རྣོན་པོ་དྲག་པོ་གཟངས་ཅན་འཇིགས་པ་ཆེན་པོ་སྐྱེད་པ་གཙིགས་ཏེ། མཆེ་བ་མནན་ནས་མེ་ལྕེ་ཆེན་པོ་ལྟར་སྨ་ར་སེར་ཞིང་
D751.095.0280b07.01