完整藏文原文 · 德格版页 当前仅加载第 93 函德格 91b 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོའི་འཇིག་རྟེན་དུ་བདུད་འདུལ་བའི་ཕྱག་རྒྱ་སྟེ་བཅོ་ལྔ་པའོ། །ཕྱག་རྒྱ་འདིས་རིང་བསྲེལ་དང་བཅས་པའི་མཆོད་རྟེན་གྱི་མདུན་དུ་སྨྱུང་བར་བགྱི། གདུགས་ཉི་ཤུ་རྩ་དགུའི་བར་དུ་ཙནྡན་དཀར་པོའི་འདག་གུས་དཀྱིལ་འཁོར་བྱུག །མེ་ཏོག་གཙང་མ་དགྲམ་མོ། །དེའི་ཚེ་ཁྲུས་
D690.093.0091b01.01བགྱིས་ལ་གོས་གཙང་མ་བགོས་ཏེ། ཨ་ག་རུ་ནག་པོའི་བདུག་པས་བདུག་པར་བགྱིའོ། །རྩ་བའི་གསང་སྔགས་ལན་བརྒྱ་རྩ་བརྒྱད་བཟླས་བརྗོད་བགྱིའོ། །འདི་ནི་ངར་སྙེམས་པ་བགྱིའོ། །དེ་ནས་ཡུངས་ཀར་དང་། ཏིལ་ནག་པོ་ལྷན་ཅིག་བཏགས་ལ། ཕོ་གསུམ་གང་ཙམ་ལ་
D690.093.0091b02.01ལན་ཅིག་བཟླས་བརྗོད་བགྱིས་ཏེ་ཞུགས་སུ་དོར་རོ། །དེ་ལྟར་གདུགས་བདུན་གྱི་བར་དུ་གདུགས་གཅིག་ཅིང་། ཡང་ལན་བརྒྱ་རྩ་བརྒྱད་བཟླས་བརྗོད་བགྱིས་ན། ཅི་འཚལ་བ་ཐམས་ཅད་འགྲུབ་པར་འགྱུར་རོ། །འགྲེང་ལ་རྐང་པ་མཉམ་པར་ཉེ་བར་གཞིབས་ཏེ། ལག་པ་གཡས་པ་ཐུར་དུ་
D690.093.0091b03.01ཐམས་ཅད་བརྐྱང་ལ་བཀན་ཏེ། པུས་མོའི་སྟེང་དུ་བཞག །ལག་པ་གཡོན་པ་ཡང་དེ་བཞིན་དུ་བགྱིའོ། །འདི་ནི་བྱང་ཆུབ་སེམས་དཔའི་མི་འཇིགས་པ་སྩོལ་བའི་ཕྱག་རྒྱ་སྟེ་བཅུ་དྲུག་པའོ། །ཕྱག་རྒྱ་འདི་རིང་བསྲེལ་དང་བཅས་པའི་མཆོད་རྟེན་གྱི་དྲུང་དུ་བཅིངས་ལ། རྩ་བའི་གསང་
D690.093.0091b04.01སྔགས་ལན་བརྒྱ་རྩ་བརྒྱད་བཟླས་བརྗོད་བགྱིས་ན། སེམས་ཅན་ཐམས་ཅད་ལ་མི་འཇིགས་པ་སྩོལ་བར་འགྱུར་རོ། །ཡང་ན་ཤུ་ཏིའི་ས་བོན་དང་། ཡུངས་ཀར་དང་། ཤུ་དག་དང་། ཉེའུ་ཤིང་དང་། འདི་དག་སངས་རྒྱས་ཀྱི་སྤྱན་སྔའམ། བླ་གབ་མེད་པའི་ཕྱོགས་སུ་སྦྱིན་སྲེག་བགྱིའོ། །
D690.093.0091b05.01གསང་སྔགས་ལན་སུམ་ཅུ་གཉིས་བཟླས་བརྗོད་བགྱིའོ། །མེ་ཏོག་དང་། བདུག་པས་མཆོད་པར་བགྱིའོ། །འདི་ནི་གསང་སྔགས་ཀྱི་ཆོ་ག་ལགས་ཏེ། ཅི་རྩོམ་པ་ཐམས་ཅད་དེ་བཞིན་དུ་འགྲུབ་བོ། །གསང་སྔགས་གང་མི་འགྲུབ་ན། གསང་སྔགས་འདི་བཟླས་བརྗོད་བགྱིས་ན་
D690.093.0091b06.01འགྲུབ་བོ། །རྨི་ལམ་མཐོང་བར་འཚལ་ན། གསང་སྔགས་འདི་ཡང་བརྗོད་ཅིང་ཕྱག་རྒྱ་འདི་ཡང་བཅིངས་ན་ཅི་འཚལ་བ་རྨི་ལམ་དུ་མཐོང་བར་འགྱུར་རོ། །མི་བསོད་ནམས་དང་མི་ལྡན་པ་གང་ཞིག་དངོས་གྲུབ་མི་ཐོབ་ན། གསང་སྔགས་འདི་གདུགས་བདུན་གྱི་བར་དུ་གདུགས་གཅིག་ཀྱང་
D690.093.0091b07.01