完整藏文原文 · 德格版页 当前仅加载第 93 函德格 89a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ནད་ཆད་དོ། །འབྱུང་པོའི་རྒྱལ་པོ་ཡང་ཡུལ་དེ་ནས་བྱུང་ངོ་། །ཐམས་ཅད་ཀྱིས་ཀྱང་འདིའི་སྟོབས་འཚལ་ཏེ། གང་དུ་རང་གི་འཁོར་དུ་ཕ་རོལ་གྱི་དམག་ཚོགས་མཆི་བ་དེར་ཐོག་མའི་རྩ་བའི་གསང་སྔགས་བཅིངས་ལ་བཅངས་ལ། གསང་སྔགས་ལན་
D690.093.0089a01.01བརྒྱ་རྩ་བརྒྱད་བཟླས་བརྗོད་བགྱིས་ན། དགྲ་བོ་ཆོམ་རྐུན་རྣམས་བདག་ཉིད་མི་རུང་བར་འགྱུར་རོ། །སུ་ཞིག་ཚེ་ཟད་པ་དེས་འགོག་པ་ལ་སྙོམས་པར་འཇུག་པའི་ཕྱག་རྒྱ་བཅིང་བར་བགྱི། ཉིན་གཅིག་བཞིན་མཆོད་པ་བགྱི། ཨ་ག་རུ་ནག་པོའི་བདུག་པས་བདུགས་པར་བགྱི་
D690.093.0089a02.01ཞིང་། གསང་སྔགས་ལན་སྟོང་རྩ་བརྒྱད་བཟླས་བརྗོད་བགྱིས་ན་དེ་ཚེ་རིང་བར་འགྱུར་རོ། །བུད་མེད་གང་ཞིག་བུ་མི་ཕྱིན་ན་བ་མར་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། དེ་ལ་བླུད་ན་ཞི་བ་དང་བདེ་བར་འགྱུར་རོ། །གང་བསྐྱེད་པའི་བུ་དང་། བུ་མོ་དག་ཀྱང་ཡོངས་སུ་
D690.093.0089a03.01རྫོགས་པར་འགྱུར་རོ། །མཚན་མོ་བཟང་པོ་སྔོན་གྱི་བསོད་ནམས་རྣམས་ཀྱིས་བརྒྱན་ཅིང་། སེམས་ཅན་རྣམས་དགའ་བ་དང་། མིར་སྐྱེས་པ་ན་རྟག་ཏུ་མཆོད་པའི་འོས་སུ་འགྱུར་ཞིང་བདེ་བ་མཆོག་རྣམས་མྱོང་བར་འགྱུར་རོ། །སུ་ཞིག་མིག་ན་བ་དེས་མིག་སྟོང་དང་ལྡན་པའི་ཕྱག་རྒྱ་བཅིངས་
D690.093.0089a04.01ལ་གཟུངས་སྔགས་ཐམས་ཅད་ཀྱི་ཕྱག་རྒྱས་མིག་ལ་ཕྱག་རྒྱས་བཏབ་ན་སོས་པར་འགྱུར་རོ། །ཇི་ལྟར་སྟེང་གི་ཕྱོགས་ཀྱི་ལྷ་བདེ་བ་མྱོང་བ་རྣམས་མཐོང་བ་དེ་ལྟ་བུའི་མཐོང་བ་དང་ལྡན་པར་འགྱུར་རོ། །ད་ནི་རི་མོ་བྲི་བའི་ཆོ་ག་བརྗོད་པར་བགྱི་སྟེ། རི་མོ་བྲི་བའི་ཆེད་དུ་རས་དཀར་པོ་
D690.093.0089a05.01བགྱིས་ལ། བྱང་ཆུབ་སེམས་དཔའ་མདོག་འཛམ་བུའི་གསེར་ལྟ་བུ་བྲི་བར་བགྱིའོ། །ལག་པ་སྟོང་དང་ལྡན་པར་བགྱིའོ། །ལག་པ་སོ་སོའི་ལག་མཐིལ་ན་མིག་རེ་རེ་མཆིས་པར་བགྱི་སྟེ། སྤྱིན་མ་མཆིས་པའི་ཚོན་གྱིས་བྲི་བར་བགྱིའོ། །ཚོན་རྩི་ཡང་ཀ་པིད་ཐ་དང་
D690.093.0089a06.01བསྲེ་བར་བགྱིའོ། །མགོ་ལ་རིན་པོ་ཆེ་སྣ་བདུན་གྱི་ཅོད་པན་བྲི་བར་བགྱིའོ། །ཡན་ལག་དང་། ཉིང་ལག་རྣམས་སུ་རྒྱན་གྱིས་བརྒྱན་པར་བྲི་བར་བྱའོ། །ཡང་ན་རས་ལ་བྱང་ཆུབ་སེམས་དཔའ་སྲིད་དུ་ཁྲུ་གང་པ་བྲིས་ཏེ། ལག་པ་གཉིས་བྲི་བར་བགྱིའོ། །གོང་དུ་སྨོས་པའི་
D690.093.0089a07.01