完整藏文原文 · 德格版页 当前仅加载第 93 函德格 76b 版页；藏文 NFD、目录标记与异常页序保留在来源切片中，重复版页行以稳定序号区分。
བྱའོ། །ཡང་ན་ཐལ་བ་གཙང་མ་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ཏེ། མཚམས་བཅད་དོ། །ཡང་ན་ཚོན་སྐུད་སྣ་ལྔ་པ་ལས་བཟླས་བརྗོད་བྱས་ལ་ཕྱོགས་བཞིར་བྲེས་ན། ཐམས་ཅད་དུ་མཚམས་བཅད་པར་འགྱུར་རོ། །ཆོ་ག་འདིས་ལེན་ཅིང་འཛིན་ནུས་པར་གྱུར་ན་བདག་ཉིད་འབྲས་
D690.093.0076b01.01བུ་ཐོབ་པར་འགྱུར་རོ། །སུས་སྙིང་པོ་འདིའི་མིང་ཐོས་པ་དེའི་བསྐལ་པ་དུ་མའི་སྐྱེ་བ་དང་འཆི་བ་བསགས་པའི་ལས་ལྕི་བ་རྣམས་ཀྱང་བྱང་བར་འགྱུར་ན། སུ་འདི་བརྗོད་ཅིང་འཛིན་པ་ལྟ་ཅི་སྨོས། གང་ཞིག་འདི་བརྗོད་ཅིང་སྨྲ་བར་ནུས་པ་དེ་སྔོན་གྱི་དེ་བཞིན་གཤེགས་པ་དུ་མ་ལ་མཆོད་ཅིང་བསོད་
D690.093.0076b02.01ནམས་དང་དགེ་བའི་རྩ་བ་བསགས་པ་ཡིན་པར་རིག་པར་བྱའོ། །གལ་ཏེ་ཆོ་ག་འདིས་སེམས་ཅན་གྱི་ཁམས་སྡུག་བསྔལ་ལ་གནས་པ་ཐམས་ཅད་གདོན་པར་བྱེད་ནུས་པར་གྱུར་ན། མི་དེ་ནི་སྙིང་རྗེ་ཆེན་པོ་དང་ལྡན་ཞིང་རིང་པོ་མི་ཐོགས་པར་སངས་རྒྱས་ཀྱི་བྱང་ཆུབ་འཐོབ་པར་རིག་པར་བྱའོ། །
D690.093.0076b03.01རིག་སྔགས་འཆང་དེས་སེམས་ཅན་ཇི་སྙེད་མཐོང་བ་དང་། སེམས་ཅན་སོ་སོ་ལ་བརྗོད་པ་དང་། དེ་ལ་གང་དག་གིས་ཐོས་པ་ཡང་བྱང་ཆུབ་ཀྱི་རྒྱུར་འགྱུར་རོ། །རིག་སྔགས་འཆང་དེའི་བསོད་ནམས་དང་དགེ་བའི་མཐའ་ནི་བརྗོད་མི་ནུས་པར་དཔག་ཏུ་མེད་པར་འགྱུར་རོ། །གལ་
D690.093.0076b04.01ཏེ་ལུས་བསྡམས་ཤིང་ཟས་དུས་སུ་ཟ་བར་གནས་ལ་དགེ་ཞིང་དྲང་པོའི་སེམས་ཀྱིས་བརྗོད་པར་ནུས་ན། དེས་དེའི་ཚེ་སེམས་ཅན་གྱི་ཁམས་ཐམས་ཅད་ཀྱི་ཆེད་དུ། སྔོན་གྱི་ལས་རྣམས་བཤགས་པར་བྱའོ། །བདག་ཉིད་ཀྱང་དེ་བཞིན་དུ་བཤགས་པར་བྱའོ། །གལ་ཏེ་དེ་ལྟར་གོམས་
D690.093.0076b05.01ཤིང་རྒྱུན་མི་འཆད་པར་སྙིང་པོ་འདི་བརྗོད་ན། དེས་ཚེ་འདི་ལ་དགེ་སྦྱོང་གི་འབྲས་བུ་བཞི་ཐོབ་པར་འགྱུར། དབང་པོ་རྣོ་བ་དང་། བློ་དང་ལྡན་པ་དང་། བསམ་གཏན་ལ་བློ་སྐྱེ་བར་འགྱུར། ས་བཅུའི་འབྲས་བུ་ཐོབ་པ་ལ་མི་དཀའ་བར་གྱུར་ན། འཇིག་རྟེན་པའི་བསོད་ནམས་ཀྱི་འབྲས་
D690.093.0076b06.01བུ་ཆུང་ངུ་འཐོབ་པ་ལྟ་ཅི་སྨོས། །ཅི་དང་ཅི་འདོད་པ་རྣམས་དེ་ལ་ཡོངས་སུ་རྫོགས་པར་མི་འགྱུར་བ་མེད་དོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གི་སྙིང་རྗེ་ཆེན་པོ་དང་། སྨོན་ལམ་ཆེན་པོ་ཟབ་ཅིང་རྒྱ་ཆེ་བའི་སྟོབས་ཀྱིས་སོ། །
D690.093.0076b07.01