完整藏文原文 · 德格版页 当前仅加载第 93 函德格 88b 版页；藏文 NFD、目录标记与异常页序保留在来源切片中，重复版页行以稳定序号区分。
གཟུང་བར་བགྱིའོ། །འདི་ནི་བསླབ་པ་གཅིག་ཏུ་གསང་ངོ་། །སུ་ཞིག་སྣ་ཚོགས་འཚལ་བ་དེས་ཨ་ག་རུ་ནག་པོའི་ཆབ་ཀྱིས་དཀྱིལ་འཁོར་གྲུ་བཞི་པ་བགྱིས་ལ། རྩ་བའི་གསང་སྔགས་ལན་བརྒྱ་རྩ་བརྒྱད་བཟླས་བརྗོད་བགྱིའོ། །ཡིད་ལ་བསམས་པ་ཡོངས་སུ་རྫོགས་པར་བགྱིད་
D690.093.0088b01.01པའི་ཕྱག་རྒྱ་བཅུ་པ་ཡང་བཅིང་བར་བགྱིའོ། །འོན་ཏང་འཚལ་བ་ཡོངས་སུ་རྫོགས་པར་རྙེད་པར་འགྱུར་རོ། །དེའི་ཚེ་གླེགས་བམ་འདི་བཞིན་དུ་སེམས་ཤིང་། སུ་ཞིག་འདི་བཞིན་དུ་མཆོད་པ་བགྱིད་ན་གཞན་དུ་མི་འགྱུར་རོ། །གཟུངས་སྔགས་ཀྱི་ཆོ་ག་རྫོགས་སོ།། །།
D690.093.0088b02.01ཡང་ཆོ་ག་གཞན་ཏེ་སུ་ཞིག་བདེ་བ་ཐམས་ཅད་ཐོབ་པར་འཚལ་བ་དེས། ཡིད་བཞིན་གྱི་ནོར་བུ་རིན་པོ་ཆེ་ལྟ་བུའི་ཕྱག་རྒྱ་དགུ་པ་བཅིངས་ལ་རྩ་བའི་གསང་སྔགས་བཟླས་བརྗོད་བགྱིའོ། །ཏིལ་ནག་པོ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། མེར་བསྲེགས་ན་ཅི་འཚལ་བ་
D690.093.0088b03.01བཞིན་དུ་འགྲུབ་བོ། །ཅི་ནས་རྒྱལ་པོ་དགའ་བར་བགྱི་འཚལ་ན་དེས་རྒྱལ་པོ་གནས་པ་ན་མཆིས་པའི་ཤིང་ལས་ལྕུག་མ་བླངས་ཏེ། ལན་ཉི་ཤུ་རྩ་གཅིག་བཟླས་བརྗོད་བགྱིས་ལ། རྒྱལ་པོའི་ཀུན་དགའ་ར་བ་དེར་བོར་ན་དགའ་བར་འགྱུར་རོ། །གལ་ཏེ་སེམས་ཅན་སྡིག་པ་ཅན་
D690.093.0088b04.01རྣམས་དང་། དགྲ་རྣམས་ཚར་གཅོད་པར་འཚལ་ན། དེས་ཤིང་ནི་མ་པ་ལ་ལན་ཉི་ཤུ་རྩ་གཅིག་བཟླས་བརྗོད་བགྱིས་ཏེ། མེར་བསྲེགས་ན་དབང་དུ་འགྱུར་རོ། །ཡང་ཆོ་ག་གཞན་ཏེ་ལྷ་དང་། འབྱུང་པོ་མ་དུལ་བ་དེའི་སླད་དུ། གུ་གུལ་དང་ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་
D690.093.0088b05.01བགྱིས་ཏེ་མེར་བསྲེགས་ན། འབྱུང་པོ་ཐམས་ཅད་བདག་ཉིད་ཚུལ་བཞིན་དུ་གནས་པར་འགྱུར་རོ། །གང་དུ་ནད་བྱུང་ན་ཆབ་ཀྱིས་དཀྱིལ་འཁོར་གྲུ་བཞི་པ་བགྱིས་ཏེ། དེར་བ་མར་ལ་ལན་བརྒྱ་རྩ་བརྒྱད་བཟླས་བརྗོད་བགྱིས་ལ། མེར་བསྲེགས་ན་ནད་ཞི་བར་འགྱུར་རོ། །མར་དེ་ཉིད་
D690.093.0088b06.01ལས་ཉུང་ཞིག་ནད་པ་ལ་བླུད་ན་འཚོ་བར་འགྱུར་རོ། །སྔོན་ཡུལ་ཀོ་བི་ནར་ནད་བྱུང་སྟེ། ནད་པ་རྣམས་གདུགས་གཅིག་གཉིས་བྲོ་འཚལ་ནས་གུམ་མོ། །དེའི་ཚེ་དབུས་ཀྱི་ཡུལ་གྱི་མི་བདེན་གྱུར་ཅེས་བགྱི་བ་དེར་མཆིས་ཏེ། དེས་གཟུངས་སྔགས་འདིའི་ཆོ་ག་བགྱིས་ནས་བསྒྲགས་པ་
D690.093.0088b07.01