完整藏文原文 · 德格版页 当前仅加载第 93 函德格 85a 版页；藏文 NFD、目录标记与异常页序保留在来源切片中，重复版页行以稳定序号区分。
དེའི་ཚེ་གཟུངས་སྔགས་འདི་ཡང་ལན་བརྒྱ་རྩ་བརྒྱད་བཟླས་བརྗོད་བགྱིས་ན། བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་དཀྱིལ་འཁོར་དེར་འདུག་སྟེ། མཚམས་མེད་པ་ལ་སོགས་པ་ལས་ཀྱི་སྒྲིབ་པ་མི་དགེ་བ་ཇི་སྙེད་མཆིས་པ་ཐམས་ཅད་འབྱང་བར་
D690.093.0085a01.01འགྱུར་རོ། །ལུས་དང་ངག་དང་ཡིད་ཀྱི་ལས་རྣམས་ཀྱང་ཡོངས་སུ་དག་པར་འགྱུར་རོ། །སངས་རྒྱས་ཀྱི་ཏིང་ངེ་འཛིན་གྱི་སྟོབས་ཀྱང་འཐོབ་བོ། །འོད་ཟེར་གྱིས་དབང་བསྐུར་བའི་སྟོབས་ཀྱང་འཐོབ་བོ། །ས་དང་ཕ་རོལ་ཏུ་ཕྱིན་པ་ཡང་ཡོངས་སུ་རྫོགས་པར་འགྱུར་རོ། །གལ་ཏེ་ཆར་
D690.093.0085a02.01དབབ་པར་འཚལ་ན། གྱེན་དུ་ནམ་མཁའ་ལ་བལྟས་ལ་གཟུངས་སྔགས་ལན་ཉི་ཤུ་རྩ་གཅིག་བརྗོད་ན་ཆར་འབབ་བོ། །གལ་ཏེ་ས་ལ་བལྟས་ཏེ་གཟུངས་སྔགས་བརྗོད་ན། ས་བོན་ཐམས་ཅད་རྣམ་པ་བརྒྱར་ཕུན་སུམ་ཚོགས་པར་འགྱུར་རོ། །གལ་ཏེ་འབབ་ཆུ་སྐམས་པའི་ཤུལ་
D690.093.0085a03.01ལམ་འབབ་ཆུ་ཆེན་པོའམ། འབབ་ཆུའི་དངོའམ་མཚོའམ་མཚེའུའམ། མཚོ་བྲན་གྱི་འགྲམ་དུ་མཆིས་ཏེ་བརྗོད་ན། ཆུ་ཐམས་ཅད་ཡོངས་སུ་རྫོགས་པར་འགྱུར་རོ། །ནད་ཐམས་ཅད་ཀྱི་དོན་དུ་གཟུངས་སྔགས་བརྗོད་དེ་ལག་པས་བྱབས་ན་སོས་པར་འགྱུར་རོ། །དྲན་པ་ཉམས་
D690.093.0085a04.01པའི་མིའི་མདུན་དུ་བརྗོད་ན། དྲན་པ་སླར་འཐོབ་བར་འགྱུར་རོ། །བྲུ་བས་ཉེན་པའམ། སྐོམ་པས་ཉེན་པའི་མིའི་གདོང་དུ་བལྟས་ཏེ་བརྗོད་ན། བཀྲེས་པའམ་སྐོམ་པ་ཞི་བར་འགྱུར་རོ། །གལ་ཏེ་མཚམས་བཅད་པར་འཚལ་ན། དེས་མཚེའུ་ཆུའི་ནང་དུ་ཞུགས་ཏེ་དེར་མཆིས་ལ།
D690.093.0085a05.01གཟུངས་སྔགས་འདི་ཡི་གེར་བྲིས་ཏེ། རྒྱལ་མཚན་གྱི་རྩེ་མོ་ལ་བཏགས་ན། དཔག་ཚད་བརྒྱར་མཚམས་བཅད་པར་འགྱུར་ཏེ། དེར་ཉེས་པ་རྣམས་མི་འབྱུང་ངོ་། །མཚམས་ཀུན་ཏུ་སྲུང་བ་རྫོགས་སོ།། །།ད་ནི་ལུས་ཐམས་ཅད་བསྡུ་བའི་ཕྱག་རྒྱ་བརྗོད་པར་བགྱིའོ། །
D690.093.0085a06.01ལུས་དྲང་པོར་འགྲེང་སྟེ། རྐང་པ་ཉེ་བར་མཉམ་དུ་གཞིབས་ལ། རྐང་པ་གཡས་པ་ཡིད་ཙམ་བསྐུམས་ཏེ། ལག་པ་གཡོན་པ་ཐུར་དུ་བརྐྱང་། གུང་མོ་དང་སྲིན་ལག་གཉིས་ལག་མཐིལ་དུ་དགུག །མཛུབ་མོ་དང་། མཐེ་བོང་དང་། མཐེའུ་ཆུང་བརྐྱང་ལ་ལག་མཐིལ་བཀན་
D690.093.0085a07.01