完整藏文原文 · 德格版页 当前仅加载第 93 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པར་བགོས་ནས། སངས་རྒྱས་བཅོམ་ལྡན་འདས་ལ་ཐལ་མོ་སྦྱར་ཏེ། འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བདག་ལ་སྙིང་རྗེ་ཆེན་པོའི་རང་བཞིན་གྱིས་གསང་སྔགས་སྙིང་ལྟར་བཟུང་བ་མཆིས་ཏེ། སེམས་ཅན་གྱི་ཁམས་ཐམས་ཅད་ཀྱི་ཕན་པ་དང་།
D690.093.0067b01.01བདེ་བ་ཐོབ་པར་བགྱི་བ་དང་། སྡིག་པའི་ལས་ཐམས་ཅད་དང་། ལས་ལྕི་བ་རྣམས་འབྱང་བར་བགྱི་བ་དང་། བགེགས་དང་མི་ཁོམ་པ་རྣམས་ཡོངས་སུ་སྤང་བར་བགྱི་བ་དང་། དགེ་བའི་ཕྱོགས་བསོད་ནམས་ཐམས་ཅད་འཕེལ་བར་བགྱི་བ་དང་། དགེ་བའི་རྩ་བའི་ས་བོན་ཐམས་ཅད་ཡོངས་སུ་
D690.093.0067b02.01རྫོགས་པར་བགྱི་བ་དང་། འཇིགས་པ་དང་། གནོད་པ་ཐམས་ཅད་ཡོངས་སུ་སྤང་བ་དང་། མཆོག་ཐམས་ཅད་མྱུར་དུ་ཡོངས་སུ་རྫོགས་པར་བགྱི་བའི་སླད་དུ། བདག་ད་དེ་བརྗོད་པར་འཚལ་ན། བཅོམ་ལྡན་འདས་ཐུགས་བརྩེ་བའི་སླད་དུ། ཐུགས་རྗེས་བདག་ལ་ངེས་པར་གནང་
D690.093.0067b03.01བར་མཛད་དུ་གསོལ། བཅོམ་ལྡན་འདས་ཀྱིས་བཀའ་སྩལ་པ། ཀྱེ་རིགས་ཀྱི་བུ་ཤིན་ཏུ་སྙིང་རྗེ་ཆེན་པོ་དང་ལྡན་པ་ཁྱོད། སེམས་ཅན་རྣམས་ལ་ཕན་པ་དང་། བདེ་བའི་ཕྱིར། གསང་སྔགས་གང་བརྗོད་པར་འདོད་པ་འདི། ད་ལྟར་ལེགས་པར་ཁྱོད་ཀྱིས་དུས་ལ་བབ་ཀྱིས་མྱུར་དུ་
D690.093.0067b04.01སྨྲོས་ཤིག །སངས་རྒྱས་བཅོམ་ལྡན་འདས་དང་། དེ་བཞིན་དུ་སངས་རྒྱས་བཅོམ་ལྡན་འདས་ཐམས་ཅད་ཀྱང་རྗེས་སུ་ཐུགས་རང་ངོ་། །སངས་རྒྱས་བཅོམ་ལྡན་འདས་ལ་བྱང་ཆུབ་སེམས་དཔའ་འཕགས་པ་སྤྱན་རས་གཟིགས་དབང་ཕྱུག་གིས་ཡང་འདི་སྐད་ཅེས་གསོལ་ཏོ། །བཅོམ་
D690.093.0067b05.01ལྡན་འདས་བདག་གིས་དྲན་པ་བསྐལ་པ་དུ་མ་འདས་པར་གྱུར་པ་ན། འདིར་སངས་རྒྱས་བཅོམ་ལྡན་འདས་འོད་ཟེར་སྟོང་གི་རྒྱལ་པོ་དག་པར་གནས་པ་ཞེས་བགྱི་བ་བྱུང་སྟེ། སངས་རྒྱས་བཅོམ་ལྡན་འདས་འགྲོ་བའི་བླ་མ་དེས་བདག་ལ་བྱམས་པས་དྲན་པར་བགྱི་བ་དང་། སེམས་ཅན་
D690.093.0067b06.01ཐམས་ཅད་ལ་ཕན་པར་བགྱི་བའི་སླད་དུ། །ཐུགས་རྗེ་ཆེན་པོས་སྙིང་ལྟ་བུ་འདི་ཡོངས་སུ་རྫོགས་པ་དང་། མི་ཟློགས་པ་དང་། རྒྱས་པར་བཤད་དེ། གསེར་གྱི་ཁ་དོག་ལྟ་བུའི་ཕྱག་བདག་གི་མགོ་ལ་བཞག་ན། འདི་སྐད་ཅེས་ཀྱེ་རིགས་ཀྱི་བུ་ཁྱོད་ཀྱིས་མ་འོངས་པའི་སྡིག་པ་ཅན་
D690.093.0067b07.01