完整藏文原文 · 德格版页 当前仅加载第 93 函德格 80a 版页；藏文 NFD、目录标记与异常页序保留在来源切片中，重复版页行以稳定序号区分。
རྙེད་པ་ལས་རབ་ཏུ་ཉམས་ནས་བསྐལ་པ་ཆེན་པོ་བརྒྱད་སྟོང་དུ་ངན་འགྲོ་རྣམས་སུ་འཁྱམས་པར་འགྱུར་བ་དང་། མངོན་པར་འབྱུང་བར་མི་འཐོབ་པ་དང་། རྟག་ཏུ་སངས་རྒྱས་མི་མཐོང་བ་དང་། ཆོས་མི་མཐོང་བ་དང་། ཆོས་མི་ཐོས་པ་དང་། དགེ་སློང་གི་དགེ་
D690.093.0080a01.01འདུན་དང་། བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་མི་མཐོང་བར་ཤེས་པར་བྱའོ། །དེ་ནས་ལག་ན་རྡོ་རྗེ་ལ་སོགས་པ་འཁོར་ཆེན་པོ་དེ་དང་། བརྒྱ་བྱིན་དང་། ཚངས་པ་དང་། འཇིག་རྟེན་སྐྱོང་བ་དང་། ལྷ་དང་ཀླུ་དང་། འབྱུང་པོ་གནས་པ་རྣམས་བཅོམ་
D690.093.0080a02.01ལྡན་འདས་ཀྱི་སྙིང་པོ་འདིའི་བསྔགས་པ་བརྗོད་པ་ཐོས་ནས། ཐམས་ཅད་རབ་ཏུ་དགའ་སྟེ། བཀའ་བཞིན་དུ་འཛིན་ཏོ། །དེ་ནས་བྱང་ཆུབ་སེམས་དཔའ་ཉི་འོད་ཀྱིས་རིག་སྔགས་དེ་སྲུང་བའི་ཕྱིར། གསང་སྔགས་འདི་སྨྲས་སོ། །སངས་རྒྱས་གཙོ་ལ་ཕྱག་འཚལ་ལོ། །སྐྱོབ་
D690.093.0080a03.01བའི་ཆོས་ལ་ཕྱག་འཚལ་ལོ། །དགེ་འདུན་ཆེ་ལ་ཕྱག་འཚལ་ལོ། །གསུམ་ལ་རྟག་ཏུ་ཕྱག་འཚལ་ལོ། །སུས་ཚིགས་སུ་བཅད་པ་འདི་བརྗོད་ན། དེ་སྡིག་པ་ཐམས་ཅད་འབྱང་བར་འགྱུར་རོ། །བགེགས་བྱེད་པ་བདུད་དང་མི་ཕྲད་པར་འགྱུར་རོ། །ཡམས་ཀྱི་ནད་
D690.093.0080a04.01རྣམས་ཞི་བར་འགྱུར་རོ། །ཉིན་གཅིག་ལ་དུས་གསུམ་དུ་བརྗོད་ཅིང་། དཀོན་མཆོག་གསུམ་ལ་ཕྱག་འཚལ་ན། དགེ་བའི་རྩ་བ་དེས་ཚེ་རབས་གཞན་ན་གཟུགས་དང་ལྡན་པར་སྐྱེ་བར་འགྱུར་རོ། །སེམས་ཅན་རྣམས་དགའ་བར་འགྱུར་རོ། །དེའི་ཚེ་བྱང་ཆུབ་སེམས་དཔའ་ཟླ་འོད་
D690.093.0080a05.01ཀྱིས་རིག་སྔགས་འཆང་དེ་སྲུང་བའི་ཕྱིར་གསང་སྔགས་འདི་སྨྲས་སོ། །ཤ་མ་ཏ་ཏེ་ཏ་ཏུ་སུ་ཏེ། ཨཱཛྙཱ་བ་ཏེ། ཨུ་ཏུ་ཏེ། ཤཾ་ཁྲི་སྟེ། བརྨ་ནྱ་ཏེ། ཨ་ཏུ་ཊེ། ཀུ་ལ་ཏ་ཏེ། ཁི་མ་ཊེ་སྭཱ་ཧཱ། གསང་སྔགས་འདི་ནི་ཞལ་ནས་གསུངས་པའོ། །གསང་སྔགས་འདི་ལན་ལྔ་བཟླས་བརྗོད་
D690.093.0080a06.01བྱས་ལ། ཚོན་སྣ་བདུན་པའི་སྐུད་པས་བཅིང་བ་བྱ་སྟེ། གསང་སྔགས་འཆང་གང་དུ་ན་བར་གྱུར་པ་དེར་བཅིང་བར་བྱའོ། །གསང་སྔགས་འདི་ནི་སྔོན་གྱི་སངས་རྒྱས་གང་གཱའི་ཀླུང་བཞི་བཅུའི་བྱེ་མ་སྙེད་ཀྱིས་གསུངས་ཏེ། བདག་གིས་ཀྱང་ད་རིག་སྔགས་འཆང་རྣམས་སྲུང་བའི་ཕྱིར་
D690.093.0080a07.01