完整藏文原文 · 德格版页 当前仅加载第 93 函德格 76a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། སྙོམས་པར་འཇུག་པའི་མཛོད་དུ་ཤེས་པར་བྱའོ། །གང་སྟོང་པ་ཉིད་ཀྱི་ཡེ་ཤེས་ཀྱིས་སེམས་ཅན་རྣམས་ལ་བལྟ་བ་དེ་ནམ་མཁའི་སྙིང་པོའི་མཛོད་དུ་ཤེས་པར་བྱའོ། །གང་ལ་རྟག་ཏུ་ལྷ་དག་དང་ལྷ་རྣམས་ཀྱིས་ཀུན་ཏུ་བསྲུངས་པ་དེ་མི་འཇིགས་པའི་
D690.093.0076a01.01མཛོད་དུ་ཤེས་པར་བྱའོ། །གང་གི་ཁ་ནས་གཟུངས་ཀྱི་སྒྲ་རྒྱུན་མི་འཆད་པ་དེ་གཏམ་སྣ་ཚོགས་ཀྱི་མཛོད་དུ་ཤེས་བར་བྱའོ། །གང་ཡམས་ཀྱི་ནད་རྣམ་གསུམ་དང་། དུས་ངན་པས་ཆུད་མི་ཟོས་པ་དེ་རྟག་ཏུ་གནས་པའི་མཛོད་དུ་ཤེས་པར་བྱའོ། །གང་བདུད་དད་གཞན་
D690.093.0076a02.01མུ་སྟེགས་ཅན་གྱིས་བར་དུ་གཅོད་ཅིང་བཟློག་མི་ནུས་པ་དེའི་མིའི་ཤའི་མཛོད་ཇི་ལྟ་བ་བཞིན་མ་ཡིན་པར་ཤེས་པར་བྱའོ། །གང་རྟག་ཏུ་སྙིང་པོ་འདིས་སེམས་ཅན་ཐམས་ཅད་གསོ་བར་བྱེད་པ་དེ་སྨན་གྱི་རྒྱལ་པོའི་མཛོད་དུ་ཤེས་པར་བྱའོ། །གང་སངས་རྒྱས་ཀྱི་ཞིང་དུ་འགྲོ་བ་ལ་འབྱུང་
D690.093.0076a03.01བ་དེ་ནི་མངོན་པར་ཤེས་པར་བྱ་སྟེ། དེའི་བསོད་ནམས་ཀྱི་བསྔགས་པ་ནི་མཐའ་ཡས་སོ། །གལ་ཏེ་རིགས་ཀྱི་བུ་མིར་གྱུར་པ་ཞིག་ཡུན་རིང་པོར་འཁོར་བའི་སྡུག་བསྔལ་གྱིས་སྐྱོ་ཞིང་བདེ་བ་འདོད་ན། དེས་ཐོག་མར་བས་མཐའ་དབེན་པའི་གནས་བཙལ་བར་བྱ་སྟེ། དེར་འདུག་པར་བྱའོ། །
D690.093.0076a04.01གཙང་མར་མཚམས་ལེགས་པར་བྱའོ། །གལ་ཏེ་ཆུ་ལ་བཟླས་བརྗོད་བྱས་སམ། ཡང་ན་ཟས་སམ་ཐུག་པའམ། སྨན་ནམ། བདུག་པ་ལ་སོ་སོར་ལན་བརྒྱ་རྩ་བརྒྱད་བཟླས་བརྗོད་བྱས་ཏེ་སྤྱད་ན་ཚེ་རིང་བར་འགྱུར་རོ། །མཐུ་ཡོད་པར་འགྱུར་རོ། །མཚམས་གཅོད་ནུས་པར་འགྱུར་རོ། །རྗེས་
D690.093.0076a05.01སུ་མཐུན་པའི་ཆོས་ལེན་པའམ། འཛིན་ནུས་པར་འགྱུར་རོ། །ཐམས་ཅད་འགྲུབ་པར་འགྱུར་རོ། །དེ་ལ་མཚམས་བཅད་པའི་ཆོ་ག་ནི་འདི་ཡིན་ཏེ། ཐོག་མར་རལ་གྲི་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་དཀྱིལ་འཁོར་གཅད་པར་བྱའོ། །ཡང་ན་ཆུ་གཙང་མ་ལ་ལན་ཉི་
D690.093.0076a06.01ཤུ་རྩ་གཅིག་བཟླས་བརྗོད་བྱས་ལ། ཕྱོགས་བཞིར་གཏོར་བར་བྱ་སྟེ། འདི་ནི་མཚམས་སོ། །ཡང་ན་ཡུངས་ཀར་ལ་ལན་ཉི་ཤུ་རྩ་གཅིག་བཟླས་བརྗོད་བྱས་ལ་ཕྱོགས་བཞིར་གཏོར་ན་མཚམས་བཅད་པར་འགྱུར་རོ། །ཡང་ན་ཇི་ཙམ་འདོད་པ་སེམས་ཀྱིས་བྱིན་གྱིས་བརླབ་པར་
D690.093.0076a07.01