完整藏文原文 · 德格版页 当前仅加载第 93 函德格 75a 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་འཁོད་པ་དེ་དག་ཀྱང་སེམས་སྐྱེད་པར་བྱེད་དོ། །གང་ཐེག་པ་ཆེན་པོའི་ཆོས་ལ་དབང་པོ་རྣམས་དད་པ་མ་རྙེད་པ་དེ་དག་ཀྱང་ཐོབ་པར་བྱེད་དོ། །སྙིང་པོ་འདིའི་མཐུས་ཐེག་པ་ཆེན་པོ་ལ་ཐར་པའི་ས་བོན་གྱི་མྱུ་གུ་འཕེལ་བར་འགྱུར་རོ། །གལ་ཏེ་དགོས་པ་ཞིག་ཡོད་ན་
D690.093.0075a01.01ཡང་ཁོ་བོའི་སྙིང་རྗེ་དང་། ཐབས་ལ་མཁས་པས་ཐམས་ཅད་འགྲུབ་བོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ན། མུན་པ་མུན་ནག་གི་སེམས་ཅན་དམྱལ་བ་དག་ན། སེམས་ཅན་གང་དག་གནས་པ་རྣམས་ཀྱང་། གལ་ཏེ་སྙིང་པོ་འདི་ཐོས་ན། སྡུག་བསྔལ་
D690.093.0075a02.01རྣམས་ལས་ཡོངས་སུ་ཐར་བར་འགྱུར་རོ། །བྱང་ཆུབ་སེམས་དཔའ་གང་དག་ས་དང་པོ་མ་ཐོབ་པ་དེ་དག་ཀྱང་། ས་བཅུ་ནས་སངས་རྒྱས་ཀྱི་བྱང་ཆུབ་ཀྱི་བར་དུ་འཐོབ་པར་འགྱུར་རོ། །སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུ་རྣམས་ཀྱང་རང་ཡོངས་
D690.093.0075a03.01སུ་རྫོགས་པར་འགྱུར་རོ། །ཉན་ཐོས་ཀྱི་ཐེག་པ་ཅན་གྱི་སེམས་ཅན་གང་དག་གིས་སྙིང་པོ་འདི་ལན་ཅིག་ཐོས་ན། དྲང་པོའི་སེམས་ཀྱི་བསམ་པས་མོས་ཤིང་སྒོམ་པར་འགྱུར་རོ། །དགེ་སྦྱོང་གི་འབྲས་བུ་བཞི་ཡང་ཇི་ལྟར་འདོད་པ་བཞིན་དུ་འཐོབ་བོ། །གལ་ཏེ་དེ་ལྟར་བཟོད་ན། སྟོང་
D690.093.0075a04.01གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱི་ནང་ན་ཡོད་པའི་རི་དང་། རྡོ་དང་རྩིག་པ་དང་རི་རབ་དང་། རི་ཁོར་ཡུག་རྣམས་ཀྱང་གཡོ་ཞིང་རྡུལ་ཕྲ་རབ་བཞིན་དུ་ཕྱེ་མར་འགྱུར་རོ། །རྒྱ་མཚོ་ཆེན་པོ་བཞི་ཡང་ཁོལ་ཞིང་འཐོར་བར་འགྱུར་རོ། །གལ་ཏེ་དེ་དང་དེའི་གམ་ཡོ་ན་སེམས་
D690.093.0075a05.01ཅན་གང་དག་འཁོད་པ་དེ་དག་ཐམས་ཅད་ཇི་ལྟར་བྱང་ཆུབ་ཏུ་སེམས་བསྐྱེད་པ་དེ་བཞིན་དུ་འགྱུར་རོ། །གང་གི་ཚེ་འདི་ལ་དམ་པར་གྱུར་པ་དེ་དག་གིས། ཉི་མ་ཉི་ཤུ་རྩ་གཅིག་ཏུ་ཚུལ་ཁྲིམས་དང་ལྡན་པར་བྱས་ལ། སྙིང་པོ་འདི་བཟླས་བརྗོད་བྱས་ན། ཡིད་ལ་བསམས་པ་ཡོངས་སུ་རྫོགས་
D690.093.0075a06.01པར་འགྱུར་རོ། །ཐོག་མ་མེད་པའི་ཐ་མའི་མཐའི་བར་གྱི་སྡིག་པའི་ལས་གང་ཡིན་པ་དེ་དག་ཐམས་ཅད་འབྱང་བར་འགྱུར་རོ། །སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་ཀྱི་ཕྱི་ནང་གི་སངས་རྒྱས་དང་། བྱང་ཆུབ་སེམས་དཔའ་དང་། བརྒྱ་བྱིན་དང་། ཚངས་པ་དང་།
D690.093.0075a07.01