完整藏文原文 · 德格版页 当前仅加载第 83 函德格 335b 版页；藏文 NFD、目录标记与异常页序保留在来源切片中，重复版页行以稳定序号区分。
གསང་སྔགས་འབུམ་ཕྲག་གཅིག་བཟླས་ནས་ཐིག་ལེ་བྱའོ། །སྟོབས་མཚུངས་པར་འགྲོ་སྟེ་དེ་གསལ་བར་བྱེད་དོ། །བདག་གི་ལྟེ་བར་བསྒོམ་པའི་མན་ངག་གོ །གང་གང་སྐད་ཅིག་ལས་བརྩམས་ཏེ། །དེ་དོན་ཉི་མས་བསྒྲུབ་པར་བྱ། །ཉི་མ་ལྔ་ཡི་མཐར་ཐུག་བྱ། །
D478.083.0335b01.01བདག་གིས་ལོག་སྨྲའི་འཇིག་རྟེན་ལ། །ལེགས་སྦས་རབ་ཏུ་གསལ་བ་ནི། །དེ་ཉིད་འདུས་པའི་རྣལ་འབྱོར་མཆོག །རྣལ་འབྱོར་མ་ཀུན་དེ་ཉིད་བསྟན། །བཟླས་བརྗོད་འབུམ་ཕྲག་གཅིག་ཏུ་བརྗོད། །རྟུལ་པོ་ཡིས་ནི་འབུམ་ཕྲག་ལྔ། །གང་ཞིག་རྒྱུད་དུ་
D478.083.0335b02.01གསུངས་རང་གི། །རང་བཞིན་ལས་ནི་འབུམ་ཕྲག་བཞི། །དེ་བས་ཤིན་ཏུ་ཉུང་ངུ་འདི། །ལྷ་མོ་དེ་ཀུན་གསལ་བར་བསྟན། །དཔལ་ལྡན་གཤིན་རྗེའི་གཤེད་དམར་པོའི་རྒྱུད་ཀྱི་རྒྱལ་པོ་ལེའུ་ཉི་ཤུ་རྩ་གཉིས་པའོ།། །།རང་གི་རྒྱུད་འདི་མི་ཤེས་པར། །
D478.083.0335b03.01རྒྱུད་དང་རྒྱུད་དུ་ངེས་བརྗོད་པ། །གལ་ཏེ་འཚོ་བའི་བསམ་པ་ཡིས། །སྟོང་པའི་ས་ལ་དེ་འཁོར་རོ། །དཔལ་ལྡན་གཤིན་རྗེའི་གཤེད་དམར་པོའི་རྒྱུད་ཀྱི་རྒྱལ་པོ་རྫོགས་སོ།། །།སྐད་གཉིས་སྨྲ་བ་ཆེན་པོ་ཐར་པ་ལོཙྪ་བའི་བཀའ་དྲིན་གྱིས་བསྐྱངས་པ།
D478.083.0335b04.01བོད་ཀྱི་ལོ་ཙྪ་བ་ཤཱཀྱའི་དགེ་སློང་རིན་ཆེན་གྲུབ་ཀྱིས། ཆོས་ཀྱི་རྗེ་ཁྲོ་ཕུ་ལོཙྪ་བའི་གདན་ས་གནས་གསར་དགོན་པར་བསྒྱུར་ཅིང་ཞུས་ཏེ་གཏན་ལ་ཕབ་པ།། །།རྒྱུད་འདི་འགྱུར་ལས་འབད་པའི་བསོད་ནམས་ཀྱིས། །ནག་པོའི་རྩ་ལག་མ་ལུས་ཀུན་བཅོམ་སྟེ། །
D478.083.0335b05.01བསྟན་པའི་བྱ་བ་ཡིད་བཞིན་འགྲུབ་པ་དང་། །མཐར་ཐུག་འཇམ་པའི་རྡོ་རྗེ་ཉིད་གྱུར་ཅིག །རྒྱུད་ཀྱི་རྒྱལ་པོ་ཆེན་པོ་འདི་སྔར་བུ་སྟོན་རིན་ཆེན་གྲུབ་ཀྱིས་རང་འགྱུར་དུ་མཛད་པ་ལ། རྒྱུད་ཀྱི་དོན་ལ་མཁས་པའི་དམ་པ་འགའ་ཞིག་གིས་གཞུང་འཁྲུག་པ་དང་འགྱུར་མ་བདེ་བའི་དོགས་གནས་
D478.083.0335b06.01དཔྱད་གཞིར་མཛད་པར་བརྟེན། རྒྱ་དཔེ་རྙེད་ན་འགྱུར་བཅོས་བྱེད་དགོས་དཔལ་རིག་པ་འཛིན་པའི་དབང་ཕྱུག་མཆོག་གི་བཀས་བསྐུལ་ཏེ། ནེ་པཱ་ལའི་ཡུལ་ནས་རྒྱ་དཔེ་བཙལ་ནས། འགྱུར་རྙིང་ལ་རྒྱ་དཔེར་ཚིགས་བཅད་ཡོད་པ་ཚིག་ལྷུག་ཏུ་བྱས་པ་འགའ་ཞིག་དང་། ཚིག་
D478.083.0335b07.01