完整藏文原文 · 德格版页 当前仅加载第 83 函德格 304a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་པ་ལས་ཉི་མའི་དཀྱིལ་འཁོར་རོ། །དེའི་སྟེང་དུ་ཡི་གེ་ཧཱུྃ་དམར་པོའོ། །དེའི་སྟེང་དུ་བརླན་དང་བཅས་པའི་མགོ་བོས་བརྒྱན་པའི་དབྱུག་པའི་དབུས་སུ་ཧུྃ་ཡིག་དམར་པོའོ། །དེར་ཡང་ཉི་མ་ལ་ཧཱུྃ་ཡིག་གོ །དེ་ལས་ངེས་པར་བྱུང་བའི་འོད་ཟེར་རྣམས་ཀྱིས་
D478.083.0304a01.01ནམ་མཁའི་ཕྱོགས་སུ་དཔའ་བོའི་གཟུགས་དེ་ལ་འཇིག་རྟེན་གསུམ་པོ་ཐམས་ཅད་བསྡུས་ནས་སླར་ཡང་དེ་ཉིད་དུ་བཅུག་སྟེ། དཔལ་གཤིན་རྗེའི་གཤེད་དམར་པོའི་གཟུགས་སུ་བདག་ཉིད་བསམ་པར་བྱའོ། །སྐུ་མདོག་དམར་པོ་གཡོན་བརྐྱང་ཞིང་རྣམ་པར་འགྱུར་བའི་ཞལ་མ་ཆེ་བ་
D478.083.0304a02.01གཙིགས་པ། ལྗགས་འདྲིལ་བ་འཇིགས་པར་བྱེད་པ། ཀླུ་བརྒྱད་ཀྱིས་རྣམ་པར་བརྒྱན་པ། དབུ་སྐྲ་དམར་སེར་གྱེན་དུ་འབར་བ། རྐེདཔའི་ཕྱོགས་སུ་སྟག་གི་པགས་པ་འཛག་པས་རྣམ་པར་བརྒྱན་པ། མིའུ་ཐུང་གསུས་པ་འཕྱང་ཞིང་འཇིགས་པ། སྤྱན་གསུམ་པ་ཤིན་
D478.083.0304a03.01ཏུ་འཇིགས་པར་བྱེད་པ་དམར་པོ་འབར་བའི་རྒྱུན་མི་ཟད་པ་འོད་ཟེར་སྣ་ཚོགས་ཀུན་ཏུ་འཁྲུགས་པ། གཡོན་པར་སྲེད་མེད་ཀྱི་བུ་ལ་སོགས་པའི་ཁྲག་གིས་གང་བའི་མིའི་ཐོད་པ་དང་། གཡས་པར་བདུད་བཞི་རྣམ་པར་འཇོམས་པར་བྱེད་པའི་དབྱུག་པ་དཀར་པོ་དང་ཀླུའི་རྒྱན་ལ་སོགས་པས་
D478.083.0304a04.01སྤྲས་པ། རྡོ་རྗེ་རོ་ལངས་མས་ཕྲག་པར་འཁྱུད་པ། འདོད་ཆགས་ཆེན་པོ་གཅིག་ཏུ་ངེས་པར་རྒྱས་པ། རྗེ་བཙུན་གྱི་རང་བཞིན་ཇི་ལྟ་བ་དེ་བཞིན་དུ་རྗེ་བཙུན་མ་ཡང་སྟེ་མགོ་བོ་སྐམ་པོའི་རྒྱན་གྱིས་ཁྱད་པར་དུ་བྱས་པའོ། །བཅོམ་ལྡན་འདས་དང་བཅས་པ་འཛག་པའི་མགོ་བོའི་རྒྱན་
D478.083.0304a05.01ཡང་སྟེ། སྐ་རགས་འོག་པག་ས་ཀྱང་གྲོལ་བར་གྱུར་པའོ། །མ་ཧེ་དམར་པོ་ལ་གནས་པའི་གཡོན་བརྐྱང་གི་ཞབས་ཀྱིས་བཞུགས་པའོ། །ཕྱི་ནས་བཅོམ་ལྡན་འདས་ལས་སྐྱེས་པའི་རྩེ་གསུམ་པའི་དབྱུག་པ་དཀར་པོའི་དབུས་སུ་སླར་ཡངས་བོན་ཁ་དོག་དམར་པོར་བསམ་པར་བྱའོ། །ཕྱི་ནས་བཅོམ་ལྡན་
D478.083.0304a06.01འདས་ཀྱི་རྡོ་རྗེ་ཡང་ཧཱུྃ་ཡིག་ལས་སྐྱེས་པའོ། །སླར་ཡང་བཅོམ་ལྡན་འདས་མའི་གསང་བའི་པདྨ་འདབ་མ་བརྒྱད་པ་སྦལ་མིག་འགྱུས་ཙམ་དང་བཅས་པ་ཨཿཡིག་གིས་རྫོགས་པར་མཚན་པའོ། །དེའི་རྗེས་སུ་གསང་སྔགས་རྒྱལ་བའི་བདག་ཉིད་ཅན་ནི། ཨོྃ་སརྦ་ཏ་ཐཱ་ག་ཏ་ཨ་ནུ་རཱ་ག་ཎ་བཛྲ་སྭ་བྷཱ་བ་ཨཱཏྨ་ཀོ྅་ཧཾ།
D478.083.0304a07.01