完整藏文原文 · 德格版页 当前仅加载第 83 函德格 321a 版页；藏文 NFD、目录标记与异常页序保留在来源切片中，重复版页行以稳定序号区分。
སྔགས་བརྒྱ་ཕྲག་གཅིག་ཏུ་བཟླས་པར་བྱའོ། །རིགས་རྣམས་དམ་ཚིག་གིས་གཅིག་ཏུ་གདོན་མི་ཟ་བར་བྱའོ། །དཔའ་བོའི་རིམ་པས་ཤིན་ཏུ་གསང་ལ་རབ་ཏུ་གནས་པ་ཡང་ངོ་ཞེས་སོ། །དེའང་གཤིན་རྗེའི་གཤེད་ཀྱི་རྣལ་འབྱོར་
D478.083.0321a01.01པ་དམ་ཚིག་དང་ལྡན་པས་གྲོ་ག་ལ་གླེགས་བམ་སོར་བཅུ་གཉིས་པ་བྱའོ་ཞེས་སོ། །ཞེས་པ་བྲིས་སྐུ་དང་གླེགས་བམ་གྱི་ཆོ་གའི་ལེའུ་སྟེ་བཅུ་གཅིག་པའོ།། །།མངའ་བདག་རླུངསྦྱོར་བདག་ལ་གསུངས། །བཅོམ་ལྡན་འདས་ཀྱིས་བཀའ་སྩལ་
D478.083.0321a02.01པ། །སྙིང་གར་སྲོག་དང་ཐུར་སེལ་བཤད། །ལྟེ་བའི་ཕྱོགས་སུ་མཉམ་གནས་སོ། །མགྲིན་པའི་ཕྱོགས་ན་གྱེན་རྒྱུ་སྟེ། །ལུས་ཀུན་སོན་པ་ཁྱབ་བྱེད་དོ། །འདི་རྣམས་དབུས་སུ་གཙོ་བོ་གང་། །སྲོག་རླུང་སྙིང་གར་གནས་པའོ། །དབུགས་དབྱུང་དབུགས་རྔུབ་དབྱེ་བ་
D478.083.0321a03.01ཡིས། །འཚོ་བ་འཕོ་བ་བཅུ་དྲུག་གོ །སྦྱོར་བས་སོ་སོ་རེ་རེ་ལ། །དཀྱིལ་འཁོར་བཞི་སྟེ་རེ་རེ་ལ། །དབྱུ་གུ་རེ་རེ་འབབ་པ་ཡིས། །ཉི་ཁྲི་བརྒྱ་ཕྲག་བཅུ་དྲུག་གོ །གཡས་ནས་རེག་ཅིང་འབབ་པ་ཡིས། །མི་ཡི་དཀྱིལ་འཁོར་བརྗོད་བྱ་སྟེ། །གཡོན་དང་གཡས་
D478.083.0321a04.01ལ་རེག་པ་ལས། །དབང་ཆེན་གྱི་ནི་འཁོར་ལོར་འགྱུར། །བརྟན་ཐོབ་དལ་བའི་དཀྱིལ་འཁོར་འགྱུར། །རྐྱང་མ་དང་ནི་རོ་མ་དག །གཡོན་དང་གཡས་སུ་གནས་པའོ། །ཀུན་འདར་མ་ནི་དབུས་ཕྱོགས་སུ། །ལྷན་ཅིག་སྐྱེས་པ་རྗེས་སུ་བྱེད། །འཇུག་པར་འགྱུར་དང་
D478.083.0321a05.01འབྱིན་པ་དང་། །གནས་པ་གཡོ་མེད་ངོ་བོ་ལ། །རྣམ་འཇོམས་ཞེས་པ་སྲད་བུའི་རླུང་། །ཇི་སྲིད་འཚོ་བར་འཇུག་པར་འགྱུར། །འཇུག་པ་བུམ་པ་ཅན་ཞེས་བྱ། །དེ་ཡི་འཛིན་ལས་གང་བ་ཅན། །དབྱུང་བ་རེ་ཙ་ཀར་ཤེས་བྱ། །གཡོ་མེད་བུམ་པ་ཅན་དུ་འགྱུར། །
D478.083.0321a06.01རླུང་ནི་རབ་ཏུ་འཇུག་པའི་ཚོགས། །སྟོང་ཕྲག་བརྒྱ་ལ་སོགས་པའི་གྲངས། །སངས་རྒྱས་མགོན་པོའི་གསུང་ཇི་བཞིན། །སྐད་ཅིག་དེ་ལས་འགྲུབ་པར་འགྱུར། །རླུང་ཚོགས་གཅིག་གྱུར་གང་ཡིན་ནི། །ཤེས་རབ་ལ་ནི་དམ་འཁྱུད་པས། །ཟླ་ཕྱེད་ཙམ་གྱིས་འགྲུབ་
D478.083.0321a07.01